Levitico 6:14 - Marahay na Bareta Biblia

¹⁴ An minasunod iyo an mga pagboot manongod sa dolot na pagkakan. An pading aki ni Aaron iyo an matao sa Kagurangnan kan dolot na pagkakan duman sa atubang kan altar.

Levitico 6:14 ပူးပေါင်းရင်းမြစ်များ

1 Mga Cronica 9:31

Sarong Levita na an ngaran Matitias, an matuang aking lalaki ni Sallum kan kamaganakan ni Kora, iyo an namahala kan paggibo kan mga maninipis na tinapay na idodolot.

Levitico 1:13

Huhugasan kan kagdolot an bituka asin an nasa hurihan na mga bitis kan hayop, dangan idodolot kan padi an bilog na atang; tututongon niya iyan gabos sa altar. An parong kaiyan nawiwilihan nin Kagurangnan.

Levitico 1:17

Dangan kakapotan niya an mag-ibong na pakpak asin babaakon niya an hawak, alagad dai niya pagsusuhayon. Pakatapos, tututongon niyang bilog an gamgam duman sa altar. An parong kaiyan nawiwilihan nin Kagurangnan.

Levitico 1:9

An kagdolot iyo an mahugas kan bituka asin kan nasa hurihan na mga bitis kan hayop. An padi iyo an matutong kan bilog na atang sa altar. An parong kaiyan nawiwilihan nin Kagurangnan.

Levitico 10:12

Dangan sinabihan ni Moises si Aaron saka an duwang natatadang aking lalaki kaini na si Eleazar asin si Itamar, “Kuahon nindo an natadang pagkakan na idinolot sa Kagurangnan asin gumibo kamo nin tinapay na mayo nin lebadura dangan kakanon nindo sa may altar, huli ta iyan orog kabanal.

Levitico 6:13

Sa gabos na panahon, maglalaad an kalayo sa altar asin dai nanggad papabayaan na mapalsok.

Levitico 6:15

Dangan mahakbot an padi nin sarong gugom kan arina saka lana, kaiba an gabos na insenso dangan tututongon niya iyan sa altar bilang tanda na an gabos idinolot sa Kagurangnan. An parong kan dolot na iyan nawiwilihan nin Kagurangnan.

Mga Bilang 15:4

An siisay man na magdara nin sarong kordero o sarong kanding bilang sarong tinutong na atang sa Kagurangnan, madara man nin sarong kilong arina na sinalakan nin sarong litrong lana nin oliba bilang dolot na pagkakan, asin sarong litrong arak.

Mga Bilang 15:6

Kun sarong lalaking karnero an idodolot, iibahan iyan nin duwang kilong arina na sinalakan nin saro may kabangang litrong lana nin oliba bilang dolot na pagkakan,

Mga Bilang 15:9

iibahan iyan nin tolong kilong arina na sinalakan nin duwang litrong lana nin oliba bilang dolot na pagkakan

Juan 6:32

Sinabihan sinda ni Jesus, “Sa katotoohan sinasabihan ko kamo, bakong si Moises an nagtao saindo kan tinapay na hale sa langit; an sakuyang Ama iyo an nagtatao saindo kan tunay na tinapay hale sa langit.