Levitico 6:11 - Marahay na Bareta Biblia

¹¹ Dangan masangle siya kan saiyang gubing asin dadarahon niya an abo sa luwas kan kampo, sa sarong malinig na lugar.

Levitico 6:11 ပူးပေါင်းရင်းမြစ်များ

Exodo 29:37

An paglinig asin pagkonsagra kan altar gibohon mo sa laog nin pitong aldaw. Dangan an altar magigin banal, asin an ano man na makaduta diyan, magigin banal.

Ezekiel 44:19

Bago sinda magduman sa patyong nasa luwas, sa pinagtitiripon kan mga tawo, kaipuhan hubaon ninda an mga gubing na sulot ninda kan maglingkod sinda sa Templo, dangan iwalat ninda an mga iyan sa banal na mga kwarto. Kaipuhan ibang gubing an isulot ninda tanganing an mga tawo dai maano kan banal na mga gubing.

Levitico 16:27

An toro asin an kanding na ginamit para sa dolot sa kasalan na kinuahan kan dugo na dinara sa Kabanal-banaleng Lugar, dadarahon sa luwas kan kampo dangan tututongon. Tututongon an anit, an laman, saka an bituka.

Levitico 24:9

An tinapay magigin sadiri ni Aaron saka kan saiyang mga kapagarakian, asin kakakanon ninda iyan sa sarong banal na lugar, huli ta kabtang iyan kan banal na pagkakan na idinolot sa Kagurangnan para sa mga padi.”

Levitico 4:12

dadarahon niya iyan gabos sa luwas kan kampo, sa sarong malinig na lugar na pinag-uulaan kan abo, asin duman niya iyan tututongon sa ibabaw kan nagkakalayong kahoy.

Levitico 4:21

Dangan dadarahon niya an hayop sa luwas kan kampo asin tututongon niya duman, siring kan ginibo niya sa hayop na idinolot para sa kasalan. Iyo iyan an dolot na mahale kan kasalan kan mga tawo.

Levitico 6:10

Masulot an padi nin tunika asin sarwal na lino, dangan hahaleon niya an abo kan tinutong na atang saka ibubugtak sa gilid kan altar.

Levitico 6:12

An kalayo sa altar kaipuhan danay na naglalaad; dai nanggad iyan pagpabayaan na mapalsok. Aga-aga, gagatongan iyan kan padi. Papakarahayon niya an mga tututongon na atang sa ibabaw kan mga igatong saka tututongon an mga taba kan dolot para sa katoninongan.

Levitico 6:20

para sa pag-orden bilang padi kan saro sa mga aki ni Aaron. Sa aldaw na ordenan siya, matao siya sa Kagurangnan nin sarong kilong arina bilang dolot (pareho kadakul kan itinatao sa aroaldaw na dolot na pagkakan). An kabanga kaiyan idodolot niya pagkaaga, asin an kabanga pagkabanggi.

Levitico 6:22

Sa maabot na panahon, an siring na pagdolot sa Kagurangnan gigibohon kan lambang aki ni Aaron na maglilingkod bilang Halangkaw na Padi. Tututongon niya iyan bilang tinutong na atang sa Kagurangnan.

Levitico 7:6

An lambang lalaki na kaayon sa mga pamilya kan padi pwedeng kumakan kaiyan alagad kaipuhan na kakanon niya iyan sa sarong lugar na banal huli ta iyan orog kabanal.