Levitico 6:10 - Marahay na Bareta Biblia

¹⁰ Masulot an padi nin tunika asin sarwal na lino, dangan hahaleon niya an abo kan tinutong na atang saka ibubugtak sa gilid kan altar.

Levitico 6:10 ပူးပေါင်းရင်းမြစ်များ

Salmo 20:3

Giromdomon niya logod an gabos mong dolot asin mawilihan niya an saimong mga tinutong na atang.

Salmo 37:20

Alagad an mga maraot magagadan; mapapara arog sa mga burak sa kaawagan an mga kaiwal nin Kagurangnan; siring sa aso, mawawara sinda.

Ezekiel 44:19

Bago sinda magduman sa patyong nasa luwas, sa pinagtitiripon kan mga tawo, kaipuhan hubaon ninda an mga gubing na sulot ninda kan maglingkod sinda sa Templo, dangan iwalat ninda an mga iyan sa banal na mga kwarto. Kaipuhan ibang gubing an isulot ninda tanganing an mga tawo dai maano kan banal na mga gubing.

Levitico 1:13

Huhugasan kan kagdolot an bituka asin an nasa hurihan na mga bitis kan hayop, dangan idodolot kan padi an bilog na atang; tututongon niya iyan gabos sa altar. An parong kaiyan nawiwilihan nin Kagurangnan.

Levitico 1:9

An kagdolot iyo an mahugas kan bituka asin kan nasa hurihan na mga bitis kan hayop. An padi iyo an matutong kan bilog na atang sa altar. An parong kaiyan nawiwilihan nin Kagurangnan.

Levitico 16:4

Dangan itinao nin Kagurangnan an minasunod na pagsusundon. Bago maglaog si Aaron sa Kabanal-banaleng Lugar, kaipuhan magkarigos siya dangan magsulot kan mga gubing na sa padi: an linong abito asin sarwal, an habay saka an mitra.

Levitico 2:11

Dai nanggad kamo magdara nin dolot na pagkakan sa Kagurangnan na may lebadura; dai kamo maggamit nin lebadura o dugos sa saindong mga dolot na pagkakan para sa Kagurangnan.

Levitico 21:22

Pwede siyang magkakan kan banal na dolot na pagkakan asin kan pinakabanal na pagkakan na idinolot sa sako,

Levitico 4:12

dadarahon niya iyan gabos sa luwas kan kampo, sa sarong malinig na lugar na pinag-uulaan kan abo, asin duman niya iyan tututongon sa ibabaw kan nagkakalayong kahoy.

Levitico 6:11

Dangan masangle siya kan saiyang gubing asin dadarahon niya an abo sa luwas kan kampo, sa sarong malinig na lugar.

Levitico 6:18

Sa maabot pang mga panahon, an gabos na aking lalaki ni Aaron pwedeng kumakan kaiyan bilang kahirasan ninda sa pagkakan na idinolot sa Kagurangnan. Magigin banal an siisay man na dumotdot kaiyan.

Levitico 6:22

Sa maabot na panahon, an siring na pagdolot sa Kagurangnan gigibohon kan lambang aki ni Aaron na maglilingkod bilang Halangkaw na Padi. Tututongon niya iyan bilang tinutong na atang sa Kagurangnan.

Levitico 8:2

“Ipag-iba mo si Aaron saka an saiyang mga aking lalaki duman sa may pintoan kan Tabernakulo, asin darahon mo man an mga gubing na sa padi, an panlahid na lana, an torilyong baka para sa dolot sa kasalan, an duwang lalaking karnero, sagkod an basket nin tinapay na mayo nin lebadura.

Mga Bilang 16:21

“Humarayo kamo sa mga tawong ini tanganing matunaw ko sinda tolos.”

Mga Bilang 16:35

Dangan nagpadara an Kagurangnan nin kalayo asin sinulo an dos syentos singkwentang lalaki na nagdolot nin insenso.

Kapahayagan 19:14

Nagsunod saiya an mga hukbo nin langit, nakalunad sa mga puting kabayo saka nakagubing nin puti asin malinig na lino.

Kapahayagan 19:8

Itinao na sa nobya an gubing na lino na nagkikintab sa kalinigan.” (An lino iyo an matanos na gibo kan mga banal.)

Kapahayagan 7:13

Hinapot ako kan saro kan mga kamagurangan, “Siisay an mga tawong ini na nakagubing nin puti asin saen sinda hale?”