Levitico 5:17 - Marahay na Bareta Biblia

¹⁷ Kun an sarong tawo dai tuyong magkasala huli sa paglapas kan arin man sa mga pagboot nin Kagurangnan, babayadan niya an kasalan na iyan.

Levitico 5:17 ပူးပေါင်းရင်းမြစ်များ

Salmo 19:12

Alagad siisay an nakakasabot kan sadiring mga kasalan? Linigi ako sa mga hilom na karatan!

Levitico 4:13

Kun an magkasala na dai man tinutuyo iyo an bilog na komunidad nin Israel huli sa paglapas kan arin man sa mga pagboot nin Kagurangnan,

Levitico 4:22

Kun an magkasala iyo an pamayo kan banwaan, alagad dai man tinutuyo na makaginibo siya nin paglapas kan arin man sa mga pagboot nin Kagurangnan na saiyang Dios,

Levitico 4:27

Kun sarong ordinaryong tawo an dai tinutuyong magkasala huli sa paglapas kan arin man sa mga pagboot nin Kagurangnan,

Levitico 5:15

Kun an sarong tawo dai tuyong magkasala huli sa dai niya pakatao kan mga bayad na banal para sa Kagurangnan, madara siya nin sarong lalaking karnero o kanding na mayo nin kaninan bilang dolot na kabayadan. Aramon nindo an kantidad kaiyan sosog sa kinaugalean na timbang kan santwaryo.

Levitico 5:18

Madara siya sa padi nin sarong lalaking karnero o kanding na mayo nin kaninan bilang dolot nin kabayadan. Aaramon nindo an kantidad kaiyan sosog sa kinaugalean na timbang kan santwaryo. An padi an madolot kan sakripisyo para sa kasalan kan tawong iyan, asin papatawadon siya.

Levitico 5:19

Dolot iyan nin kabayadan para sa kasalan na ginibo niya tumang sa Kagurangnan.

Lukas 12:48

Alagad an sorogoon na dai nakakaaram kan kabotan kan saiyang kagurangnan, asin naggibo nin anoman na maninigo nin padusa, hahampakon nin kadikit. An pinaniwalaan nin dakul, hahanapan nin dakul; an pinaniwalaan nin mas dakul, hahanapan man nin mas dakul.

Roma 14:23

Alagad an minakakan na nasa pagduwa-duwa, hinukoman na, huli ta bakong oyon sa pagtubod niya an saiyang ginigibo. An anoman na bakong napapatugmad sa pagtubod, kasalan.