Levitico 5:16 - Marahay na Bareta Biblia

¹⁶ Babayadan niya an saiyang utang saka matao pa siya nin dagdag na beynte porsyento. Itatao niya iyan sa padi na iyo an madolot kan hayop bilang atang para sa saiyang kasalan, asin papatawadon siya.

Levitico 5:16 ပူးပေါင်းရင်းမြစ်များ

Salmo 69:4

An mga naaanggot sako na mayong dahelan, mas dakul pa ki sa sakuyang buhok. Makokosog sinda na boot sakong gumadan; sinasalakay ako kan saindang kaputikan. Dai ko ikakabalik an dai ko man hinabon.

Exodo 22:1

“Kun an sarong tawo maghabon nin sarong baka o sarong karnero, dangan ini saiyang binuno o ipinabakal, mabayad siya nin limang baka para sa sarong baka o apat na karnero para sa sarong karnero.

Levitico 22:14

“Kun an sarong tawo na bako man kaayon kan pamilya kan padi dai tuyong makakakan kan arin man sa mga banal na dolot, kaipuhan bayadan niya an padi kan bilog na kantidad kaiyan asin madagdag pa siya nin beynte porsyento.

Levitico 27:13

Kun boot na tuboson an hayop, an nanuga magbabayad kan kantidad na sinabi kan padi dangan madagdag siya nin beynte porsyento.

Levitico 27:15

Kun boot tuboson an harong kan nagdusay kaiyan, babayadan niya an kantidad na sinabi kan padi dangan madagdag siya nin beynte porsyento.

Levitico 27:27

An matua kan sarong maating hayop pwedeng tuboson sa kinaugalean na kantidad asin dadagdagan nin beynte porsyento. Kun dai iyan tuboson, ipapabakal iyan sa kinaugalean na kantidad.

Levitico 27:31

Kun boot nin sarong tawo na tuboson iyan, mabayad siya kan kinaugalean na kantidad asin madagdag nin beynte porsyento.

Levitico 4:20

Iyo iyan an gigibohon niya sa hayop, arog kan ginigibo niya sa hayop na idinolot para sa kasalan; sa paaging iyan, idodolot kan padi an atang para sa kasalan kan mga tawo asin papatawadon sinda.

Levitico 4:26

Pakatapos, susuloon niya sa altar an gabos na taba arog kan ginigibo niyang pagsulo kan taba kan mga hayop na binubuno para sa dolot para sa katoninongan. Sa paaging ini, idodolot kan padi an atang para sa pamayo kan banwaan asin papatawadon siya.

Levitico 5:10

Dangan idodolot kan padi an ikaduwang gamgam bilang tinutong na atang sosog sa pagboot. Sa paaging iyan idodolot kan padi an atang para sa kasalan kan nasabing tawo, asin papatawadon siya.

Levitico 5:13

Sa paaging iyan idodolot kan padi an atang para sa kasalan kan nasabing tawo asin papatawadon siya. An matadang arina magigin pagsadiri kan padi, arog sa dolot na pagkakan.

Levitico 5:6

asin bilang padusa kan saiyang kasalan kaipuhan magdara siya sa Kagurangnan nin sarong babaeng karnero o kanding bilang dolot. An padi an madolot kan atang para sa kasalan kan tawong iyan.

Levitico 7:2

An hayop para sa dolot na ini, bubunoon duman sa parteng amihan kan altar, saen binubuno an mga hayop na para sa tinutong na atang, asin an dugo kaiyan iuula sa apat na gilid kan altar.

Mga Bilang 5:7

ikukumpisal niya an ginibong kasalan, dangan matao siya kan bilog na kabayadan kaiyan sa saiyang pinagkasalaan kaiba an dagdag na beynte porsyento.

Mga Bilang 5:8

Alagad kun nagadan an pinagkasalaan asin mayo siya nin kadugo na pwedeng tawan kan kabayadan, itatao iyan sa Kagurangnan para sa mga padi, kaiba an lalaking karnero na idodolot kan nagkasala bilang pantubos sa saiyang kasalan.

Lukas 19:8

Nagtindog si Zakeo saka nagsabi ki Jesus, “Kagurangnan, itatao ko sa mga dukha an kabanga kan mga rogaring ko asin kun may nadaya ako, duwang doble an ibabayad ko saiya.”

Mga Gibo 26:20

Naghulit ako, enot sa Damasco, sunod sa Jerusalem dangan sa bilog na rehiyon nin Judea. Naghulit man ako sa mga pagano, tanganing magbakle saka magbalik sinda sa Dios, asin ipahiling sa gibo na sinda nagbakle.

1 Samuel 6:3

Nagsimbag sinda, “Kun ibabalik nindo an Kaban nin Tipan kan Dios nin Israel, kaipuhan ibalik nindo na igwang kaibang regalo para saiya tanganing matubos an saindong kasalan. Sa paaging ini, mararahay kamo asin maaaraman nindo kun tadaw ta padagos niya kamong pinapadusahan.”