Levitico 5:15 - Marahay na Bareta Biblia

¹⁵ Kun an sarong tawo dai tuyong magkasala huli sa dai niya pakatao kan mga bayad na banal para sa Kagurangnan, madara siya nin sarong lalaking karnero o kanding na mayo nin kaninan bilang dolot na kabayadan. Aramon nindo an kantidad kaiyan sosog sa kinaugalean na timbang kan santwaryo.

Levitico 5:15 ပူးပေါင်းရင်းမြစ်များ

2 Mga Hade 12:16

An kwartang itinatao para sa mga dolot nin kabayadan asin mga dolot para sa kasalan dai ilinalaog sa kahon; sadiri iyan kan mga padi.

Esdras 10:19

Nanuga sinda na susuhayan an saindang mga agom asin nagdolot sinda nin sarong lalaking karnero bilang sakripisyo para sa saindang mga kasalan.

Exodo 30:13

An gabos na mabilang sa senso mabayad nin kabangang siklo sosog sa kinaugalean na timbang kan Tabernakulo bilang dolot sako. (An sarong siklo katimbang nin onseng gramong plata.)

Ezekiel 40:39

Sa dakulang kwartong ini igwa nin apat na lamesa, duwa sa mag-ibong na gilid. Sa mga lamesang ini binubuno an mga hayop na idodolot bilang mga sakripisyo, na bilog na tututongon o na idodolot para sa kasalan o bilang kabayadan.

Levitico 1:10

Kun an idodolot kan lalaki saro kan saiyang mga karnero o kanding, kaipuhan na lalaki asin mayong kaninan.

Levitico 1:3

Kun sarong baka an idodolot niya bilang tinutong na atang, kaipuhan lalaki iyan asin mayo nin kaninan. Idodolot niya iyan duman sa may pintoan kan Tabernakulo tanganing akoon siya nin Kagurangnan.

Levitico 14:12

Dangan kukuahon kan padi an sarong lalaking kordero asin kaiba kan ikatolong parte kan sarong litro nin lana nin oliba, iiitaas niya iyan sa Kagurangnan bilang sarong dolot na kabayadan. Idodolot niya iyan sa Kagurangnan bilang sarong espesyal na regalo para sa padi.

Levitico 27:3

sosog sa kinaugalean na timbang kan Tabernakulo na iyo an minasunod: –kun lalaki, poon sa beynte sagkod sa sesentang taon an edad: singkwentang pedaso nin plata –kun babae, poon sa beynte sagkod sa sesentang taon an edad: treyntang pedaso nin plata –kun aking lalaki, poon sa lima sagkod sa beynteng taon an edad: beynteng pedaso nin plata –kun aking babae, poon sa lima sagkod sa beynteng taon an edad: sampolong pedaso nin plata –kun aking lalaki, na an edad hababa sa limang taon: limang pedaso nin plata –kun aking babae, na an edad hababa sa limang taon: tolong pedaso nin plata –kun lalaki, na an edad sesenta paitaas: kinseng pedaso nin plata –kun babae, na an edad sesenta paitaas: sampolong pedaso nin plata

Levitico 4:2

na sabihan an banwaan nin Israel na kun an saro sainda magkasala asin maglapas kan arin man sa ipinagboboot nin Kagurangnan na dai man tinutuyo, kaipuhan otobon niya ining mga pagboot.

Levitico 5:14

Itinao nin Kagurangnan ki Moises an minasunod na pagsusundon.

Levitico 5:16

Babayadan niya an saiyang utang saka matao pa siya nin dagdag na beynte porsyento. Itatao niya iyan sa padi na iyo an madolot kan hayop bilang atang para sa saiyang kasalan, asin papatawadon siya.

Levitico 5:18

Madara siya sa padi nin sarong lalaking karnero o kanding na mayo nin kaninan bilang dolot nin kabayadan. Aaramon nindo an kantidad kaiyan sosog sa kinaugalean na timbang kan santwaryo. An padi an madolot kan sakripisyo para sa kasalan kan tawong iyan, asin papatawadon siya.

Levitico 6:6

Dadarahon niya sa padi an sarong lalaking karnero o kanding na mayo nin kaninan bilang dolot na kabayadan. Aramon nindo an kantidad kaiyan sosog sa kinaugalean na timbang kan santwaryo.

Levitico 7:1

Iyo ini an mga pagsusundon manongod sa dolot na kabayadan. An mga iyan orog kabanal.

Levitico 7:6

An lambang lalaki na kaayon sa mga pamilya kan padi pwedeng kumakan kaiyan alagad kaipuhan na kakanon niya iyan sa sarong lugar na banal huli ta iyan orog kabanal.

Mga Bilang 15:24

kun an naginibong sala dai tinutuyo huli ta dai nin pakaisi an komunidad, an bilog na komunidad madolot nin sarong torilyong baka bilang sarong tinutong na atang na an parong nakakawili sa Kagurangnan, kaiba an maninigong dolot na pagkakan saka dolot na arak. Laen pa kaini, an komunidad madolot nin sarong lalaking kanding bilang dolot para sa kasalan.

Mga Bilang 5:5

Itinao nin Kagurangnan ki Moises

Mga Bilang 5:8

Alagad kun nagadan an pinagkasalaan asin mayo siya nin kadugo na pwedeng tawan kan kabayadan, itatao iyan sa Kagurangnan para sa mga padi, kaiba an lalaking karnero na idodolot kan nagkasala bilang pantubos sa saiyang kasalan.

Deuteronomio 12:26

Darahon nindo sa lugar na pagsasambahan an saindong mga dolot asin an saindong mga panugang regalo sa Kagurangnan.

1 Samuel 6:3

Nagsimbag sinda, “Kun ibabalik nindo an Kaban nin Tipan kan Dios nin Israel, kaipuhan ibalik nindo na igwang kaibang regalo para saiya tanganing matubos an saindong kasalan. Sa paaging ini, mararahay kamo asin maaaraman nindo kun tadaw ta padagos niya kamong pinapadusahan.”