Levitico 5:11 - Marahay na Bareta Biblia

¹¹ Alagad kun dai niya kayang magdolot nin duwang salampati o duwang agbaan, madara siya nin sarong kilong arina bilang dolot para sa saiyang kasalan. Dai niya iyan bubugtakan nin lana nin oliba o nin insenso, huli ta iyan sarong dolot para sa kasalan asin bakong dolot na pagkakan.

Levitico 5:11 ပူးပေါင်းရင်းမြစ်များ

Exodo 16:18

Alagad kan takadon ninda ini, an nagkuang dakul dai nin nagsobra, asin an nagkuang dikit dai nin nagkulang. Tama sana nanggad sa saindang pangangaipo an saindang nakua.

Exodo 16:36

An kinaugalean na takad kaidto katimbang nin beynte litros.)

Levitico 1:14

Kun an saiyang idodolot bilang tinutong na atang sarong gamgam, kaipuhan na magdara siya nin agbaan o salampati.

Levitico 12:8

Kun dai niya kayang magdolot nin sarong karnero, madara siya nin duwang salampati o duwang agbaan, an saro para sa tinutong na atang, asin an saro para sa dolot para sa kasalan; gigibohon kan padi an seremonya sa paghale kan saiyang pagkanimaati dangan siya magigin malinig.

Levitico 14:21

Kun dukha an tawong iyan asin dai makakatao kan tamang dolot, madara sana siya nin sarong lalaking kordero para sa paglinig saiya bilang dolot nin kabayadan, na iiitaas sa Kagurangnan bilang sarong espesyal na regalo para sa padi. Madara man siya nin saro sanang kilo nin arina na sinalakan nin lana nin oliba para sa dolot na pagkakan asin ikatolong parte nin sarong litro kan lana nin oliba.

Levitico 27:8

Kun an nanugang lalaki sarong dukha asin dai makakabayad kan maninigong kantidad, dadarahon niya an ipinanugang tawo sa padi, asin ini an matao saiya nin mas hababang kantidad, sosog sa kakayahan niya sa pagbayad.

Levitico 5:12

Dadarahon niya iyan sa padi na makua nin sarong gugom kan arina bilang tanda na an gabos itinao sa Kagurangnan, asin tututongon niya duman sa altar bilang dolot na pagkakan; iyan sarong dolot na makakahale nin kasalan.

Levitico 5:6

asin bilang padusa kan saiyang kasalan kaipuhan magdara siya sa Kagurangnan nin sarong babaeng karnero o kanding bilang dolot. An padi an madolot kan atang para sa kasalan kan tawong iyan.

Levitico 5:9

asin iwiwirik niya an kadikit na dugo kaiyan sa gilid kan altar. An matadang dugo papatagdoon niya gabos sa pamitisan kan altar; iyan sarong dolot na makakahale nin kasalan.

Levitico 6:20

para sa pag-orden bilang padi kan saro sa mga aki ni Aaron. Sa aldaw na ordenan siya, matao siya sa Kagurangnan nin sarong kilong arina bilang dolot (pareho kadakul kan itinatao sa aroaldaw na dolot na pagkakan). An kabanga kaiyan idodolot niya pagkaaga, asin an kabanga pagkabanggi.

Mga Bilang 5:15

sa arin man na kaso, dadarahon kan lalaki an saiyang agom sa padi. Dadarahon man niya an dolot para sa saiyang agom—sarong kilo nin arinang sebada. Dai niya iyan uulaan nin lana, ni bubugtakan nin insenso, huli ta iyan dolot nin pag-imon, sarong dolot tanganing aramon an katotoohan.

Lukas 2:24

Nagdolot man sinda nin atang sosog sa hinahagad kan Katogonan nin Kagurangnan: “mag-agom na salampati o duwang ogbon na agbaan.”

2 Corinto 5:21

Mayo lamang nin kasalan si Cristo, alagad huli sato idinamay siya nin Dios sa satong mga pagkakasala tanganing sa pakisumaro saiya, magkaigwa kita kan katanosan nin Dios.

Hebreyo 9:22

Sosog sa Katogonan, haros gabos na bagay nalilinigan kan dugo; kun mayong dugong pinapabulos, mayo man nin kapatawadan nin mga kasalan.