Levitico 4:31 - Marahay na Bareta Biblia

³¹ Dangan hahaleon niya an gabos na taba, siring kan paghale niya sa taba kan mga hayop na binubuno bilang atang para sa katoninongan, asin tututongon niya iyan sa altar. An parong kaiyan nawiwilihan nin Kagurangnan. Sa paaging ini, idodolot kan padi an atang para sa kasalan kan nasabing tawo asin papatawadon siya.

Levitico 4:31 ပူးပေါင်းရင်းမြစ်များ

Genesis 8:21

Nawilihan nin Kagurangnan an parong kan dolot asin nagsaboot siya, “Dai ko na nanggad susumpaon an kinaban huli sa gibo nin tawo; aram kong maraot an kaisipan kan tawo poon pagkaniaki niya. Dai ko na nanggad paparaon an gabos na nabubuhay arog kan ginibo ko.

Esdras 6:10

tanganing makapagdolot sinda nin maninigong atang sa Dios nin langit asin ikapamibi ninda ako saka an sakong mga aki.

An Libro ni Job 42:8

Kaya ngunyan magkua kamo nin pitong torong baka saka pitong karnero dangan itao nindo ki Job bilang tinutong na atang. Ipapamibi kamo ni Job asin dadangogon ko an saiyang pamibi na dai kamo padusahan nin maninigo sa saindong kamangmangan. Dai nindo itinaram an katotoohan dapit sako arog kan ginibo ni Job.”

Exodo 29:18

tutongon mo an bilog na karnero sa ibabaw kan altar bilang sarong tinutong na atang. An parong kan dolot na ini nawiwilihan ko.

Isaias 42:21

An Kagurangnan sarong Dios na andam nanggad na magligtas, kaya ilinakaw niya an saiyang mga togon saka mga katukdoan, asin boot niyang galangan iyan kan saiyang banwaan.

Isaias 53:10

Nagsasabi an Kagurangnan, “Kabotan ko na siya magtios; an saiyang kagadanan sarong sakripisyo na magdadara nin kapatawadan. Halawig an saiyang magigin buhay, kaya mahihiling pa niya an saiyang kapagarakian, asin sa paagi niya maootob an sakong katuyohan.

Levitico 1:13

Huhugasan kan kagdolot an bituka asin an nasa hurihan na mga bitis kan hayop, dangan idodolot kan padi an bilog na atang; tututongon niya iyan gabos sa altar. An parong kaiyan nawiwilihan nin Kagurangnan.

Levitico 1:17

Dangan kakapotan niya an mag-ibong na pakpak asin babaakon niya an hawak, alagad dai niya pagsusuhayon. Pakatapos, tututongon niyang bilog an gamgam duman sa altar. An parong kaiyan nawiwilihan nin Kagurangnan.

Levitico 1:9

An kagdolot iyo an mahugas kan bituka asin kan nasa hurihan na mga bitis kan hayop. An padi iyo an matutong kan bilog na atang sa altar. An parong kaiyan nawiwilihan nin Kagurangnan.

Levitico 14:18

An matada kan lana na yaon sa saiyang palad, ilalahid niya sa payo kan tawong linilinigan. Sa paaging ini gigibohon kan padi an seremonya nin paglinig.

Levitico 15:15

An saro kaiyan idodolot kan padi bilang dolot para sa kasalan asin an saro bilang tinutong na atang. Sa paaging iyan gigibohon kan padi an seremonya nin paglinig para sa nasabing lalaki.

Levitico 19:22

Dangan magibo an padi kan seremonya nin paglinig para sa lalaking idto sa paagi kan karnero, asin papatawadon an saiyang kasalan.

Levitico 2:2

dangan dadarahon niya sa mga pading aki ni Aaron. Mahakbot an padi nin sarong gugom kan arina saka lana, kaiba an gabos na insenso dangan tututongon niya iyan sa altar bilang tanda na an gabos idinolot na sa Kagurangnan. An parong kaiyan nawiwilihan nin Kagurangnan.

Levitico 2:9

Makua nin sadit na kabtang an padi bilang tanda na an gabos idinolot sa Kagurangnan asin tututongon niya iyan sa altar. An parong kaiyan nawiwilihan nin Kagurangnan.

Levitico 4:19

Pakatapos, kukuahon niya an gabos na taba dangan tututongon niya iyan sa altar.

Levitico 4:26

Pakatapos, susuloon niya sa altar an gabos na taba arog kan ginigibo niyang pagsulo kan taba kan mga hayop na binubuno para sa dolot para sa katoninongan. Sa paaging ini, idodolot kan padi an atang para sa pamayo kan banwaan asin papatawadon siya.

Levitico 4:35

Pakatapos, hahaleon niya an gabos na taba, siring kan paghale niya sa taba kan karnerong binuno bilang dolot para sa katoninongan, asin tututongon niya iyan duman sa altar kaiba kan mga dolot na pagkakan na itinatao sa Kagurangnan. Sa paaging ini, idodolot kan padi an atang para sa kasalan kan nasabing tawo asin papatawadon siya.

Levitico 5:10

Dangan idodolot kan padi an ikaduwang gamgam bilang tinutong na atang sosog sa pagboot. Sa paaging iyan idodolot kan padi an atang para sa kasalan kan nasabing tawo, asin papatawadon siya.

Levitico 5:6

asin bilang padusa kan saiyang kasalan kaipuhan magdara siya sa Kagurangnan nin sarong babaeng karnero o kanding bilang dolot. An padi an madolot kan atang para sa kasalan kan tawong iyan.

Mga Bilang 15:25

Gigibohon kan padi an seremonya nin paglinig para sa komunidad, dangan papatawadon sinda, huli ta an kasalan na naginibo ninda dai tinuyo, asin nagdara sinda nin dolot para sa kasalan bilang dolot na pagkakan sa Kagurangnan.

Mateo 3:17

Dangan may tingog hale sa langit na nagsabi, “Ini an namomotan kong Aki na sakong ikinakaogma.”

Efeso 5:2

Maglakaw kamo sa pagkamoot, siring na si Cristo namoot sato. Idinusay niya an saiyang buhay para sato, bilang mahamot na dolot asin sakripisyo sa Dios.

Hebreyo 1:3

Nasasalming saiya an kamurawayan nin Dios; siya an tunay na ladawan kan saiyang pagka-Dios. Iniingatan niya an gabos sa paagi kan mapangyari niyang tataramon. Pakalinigi niya kan mga tawo kan saindang mga kasalan, nagtukaw siya duman sa langit sa too nin Dios, an Pinakamapangyari sa gabos.

Hebreyo 10:12

Alagad si Cristo nagdolot para sa mga kasalan nin saro sanang sakripisyo na nagdadanay sagkod lamang. Pakatapos, nagtukaw siya sa too nin Dios.

Hebreyo 10:14

Sa paagi nin saro sanang atang, ginibo niyang banal sagkod lamang an mga nalinigan niya.

Hebreyo 9:12

Kan si Cristo maglaog nin saro sanang beses duman sa Kabanal-banaleng Lugar sa tolda, bakong dugo nin kanding o baka an idinolot niyang atang, kundi an sadiri niyang dugo nganing makamtan an kaligtasan na daing kataposan para sato.

1 Juan 1:7

Alagad kun nabubuhay kita sa liwanag—siring na an Dios nasa liwanag—may pagkasararo kita, asin an dugo ni Jesus na saiyang Aki an minalinig sato sa gabos na kasalan.

Kapahayagan 5:9

Dangan inawit ninda an bagong awit na ini: “Ika an maninigong magkua kan libro, asin magtangkas kan mga selyo kaiyan. Huli ta ika ginadan dangan tinubos mo para sa Dios an mga tawo sa paagi kan saimong dugo, mga tawong hale sa manlaen-laen na tribu, lengwahe, rasa saka nasyon.