Levitico 4:25 - Marahay na Bareta Biblia

²⁵ Idodotdot kan padi an saiyang muro sa dugo kan kanding asin lalahidan niya an mga sungay kan altar, dangan iuula niya an matatadang dugo sa pamitisan kan altar.

Levitico 4:25 ပူးပေါင်းရင်းမြစ်များ

Exodo 29:12

Kumua ka nin dikit na dugo kan torilyong baka asin sa paagi kan saimong muro, lahidan mo an sungay kan altar; an natadang dugo iula mo gabos sa pamitisan kan altar.

Isaias 40:21

Dai nindo aram? Dai kamo inosipan kaidtong panahon? Dai nindo nadangog kun paano nagpoon an kinaban?

Levitico 16:18

maduman siya sa altar na pinagtututongan kan mga dolot asin lilinigan man niya iyan. Makua siya nin dikit na dugo kan toro asin dikit na dugo kan kanding, dangan lalahidan niya an mga sungay na yaon sa mga kanto kan altar.

Levitico 17:11

Huli ta an buhay kan laman yaon sa dugo; kaya ipinagboot nin Kagurangnan na iula an gabos na dugo duman sa altar tanganing mahale an mga kasalan kan mga tawo. An dugo, na iyo an buhay, an nakakahale nin mga kasalan.

Levitico 4:18

Dangan lalahidan niya nin dugo an mga sungay kan altar nin insenso na yaon sa laog kan Tabernakulo asin iuula niya an matatada kan dugo duman sa pamitisan kan altar na tinututongan kan mga atang na yaon sa pintoan kan Tabernakulo.

Levitico 4:24

Iduduta niya an saiyang kamot sa payo kan hayop asin bubunoon niya iyan duman sa amihan na parte kan altar saen binubuno an mga hayop na iaatang. Iyan an dolot na mahale kan kasalan.

Levitico 4:30

Idodotdot kan padi an saiyang muro sa dugo kan hayop dangan lalahidan niya an mga sungay kan altar. Pakatapos, iuula niya an matatadang dugo sa pamitisan kan altar.

Levitico 4:34

Idodotdot kan padi an saiyang muro sa dugo kan hayop asin lalahidan niya an mga sungay kan altar, dangan iuula niya an matatadang dugo sa pamitisan kan altar.

Levitico 4:7

Dangan lalahidan niya nin dugo an mga sungay kan altar nin insenso na yaon sa Tabernakulo. Pakatapos, iuula niya an natatadang dugo sa pamitisan kan altar na tinututongan kan mga atang na yaon sa may pintoan kan Tabernakulo.

Levitico 5:9

asin iwiwirik niya an kadikit na dugo kaiyan sa gilid kan altar. An matadang dugo papatagdoon niya gabos sa pamitisan kan altar; iyan sarong dolot na makakahale nin kasalan.

Levitico 8:10

Pakatapos, kinua ni Moises an panlahid na lana dangan linahidan niya an Tabernakulo asin an iba pang yaon sa laog. Sa paaging ini, kinonsagra niya sa Kagurangnan an gabos.

Levitico 8:15

Binuno ni Moises an baka, kinua an dugo asin sa paagi kan saiyang muro, linahidan an mga sungay kan altar tanganing konsagrahon ini. Dangan inula niya an natadang dugo sa pamitisan kan altar tanganing konsagrahon asin linigan ini.

Levitico 9:9

Dinara saiya kan saiyang mga aki an dugo asin idinotdot niya digdi an saiyang muro dangan linahidan niya an mga sungay kan altar; an natadang dugo inula niya sa pamitisan kan altar.

Roma 10:4

Huli ta tinapos na ni Cristo an halaga kan Katogonan ni Moises, tanganing an gabos na nagtutubod saiya magin matanos sa Dios.

Hebreyo 2:10

Maninigo na an Dios, na para saiya asin huli saiya an gabos nagkakaigwa nin buhay, iyo man an magpabanal ki Jesus sa paagi nin pasakit, tanganing madara niya an dakul na tawo sa kamurawayan. Huli ta si Jesus an nangengenot sainda pasiring sa kaligtasan.

Hebreyo 9:22

Sosog sa Katogonan, haros gabos na bagay nalilinigan kan dugo; kun mayong dugong pinapabulos, mayo man nin kapatawadan nin mga kasalan.