Levitico 3:17 - Marahay na Bareta Biblia

¹⁷ Sagkod pa man dai nin siisay man sa mga Israelita an pwedeng magkakan kan taba saka dugo; iyan sarong pagboot na kukuyogon kan gabos na Israelita saen man sinda mag-erok.

Levitico 3:17 ပူးပေါင်းရင်းမြစ်များ

Genesis 9:4

Alagad dai nanggad kamo magkakan nin karne na igwa pang dugo; ipinapangalad ko iyan huli ta an buhay yaon sa dugo.

2 Mga Cronica 29:35

Laen pa kan kadakul na tinutong na atang, igwa pa kan taba na dolot para sa katoninongan saka kan arak na kaiba kan mga tinutong na atang. Kaya nakabalik giraray sa dati an pagsamba sa Templo.

Nehemias 8:10

Magpuli na kamo asin magbangkete. Hirasan nindo nin kakanon saka inomon an mga mayo kaiyan. An aldaw na ini banal para sa satong Kagurangnan, kaya dai kamo magmondo. An kaogmahan na itinao saindo nin Kagurangnan magigin kakosogan nindo.”

Exodo 27:21

Aldaw-bangging aatamanon ni Aaron asin kan saiyang mga aki an ilawan na ibubugtak sa laog kan Tabernakulo, sa luwas kan kurtina saka sa atubangan kan Kaban nin Tipan. An pagboot na ini ootobon kan mga Israelita asin kan saindang mga kapagarakian sagkod pa man.

Exodo 28:43

Kun maglaog sa Tabernakulo si Aaron saka an saiyang mga aki, o magdolok sinda sa altar tanganing maglingkod sa Banal na Lugar, masulot sinda kan sarwal tanganing dai sinda magkasala huli sa pagkanihuba asin magadan. Ini sarong danay na pagboot para ki Aaron sagkod sa mga kapagarakian niya.

Ezekiel 33:25

“Kaya sabihan mo sinda na ini an itinataram ko, an Kagurangnan Dios: Nagkakakan kamo nin karne na igwa pa nin dugo. Nagsasamba kamo sa mga dios-dios, saka nanggagadan. Papaano nindo naiisip na sadiri nindo an daga?

Ezekiel 44:15

Nagtaram an Kagurangnan Dios, “Alagad an mga padi na kaayon sa tribu ni Levi asin gikan sa pamilya ni Zadok padagos na naglingkod sako kan an gabos na Israelita nagtalikod sako. Kaya ngunyan sinda an maglilingkod sako, asin madolok sa pagdolot kan taba saka dugo kan mga hayop na isinakripisyo.

Ezekiel 44:7

Dinigtaan ninda an sakong Templo huli ta an bakong sirkomsisyonadong mga dayuhan, mga tawong dai nagsusunod sako, tinugotan nindang maglaog diyan, mantang idinodolot sako an taba saka an dugo kan mga hayop na isinakripisyo. Kaya an sakong tipan linapas kan sakong banwaan huli kan makauuyam na mga bagay na ginibo ninda.

Levitico 10:15

Dadarahon ninda an toong hurihan na bitis kan hayop asin an daghan sa panahon na idinodolot an taba bilang dolot na pagkakan sa Kagurangnan. An mga kabtang na ini kan hayop iyo an kahirasan nindo saka kan saindong mga aki sagkod sa maabot na panahon, siring sa pagboot nin Kagurangnan.”

Levitico 10:9

“Dai ka nanggad maglaog sa Tabernakulo ni an saimong mga aki, kun kamo nakainom nin arak o maisog na inomon; sa oras na gibohon nindo iyan, magagadan kamo. Saro ining pagsusundon na ootobon nindo sa gabos na henerasyon.

Levitico 16:29

An mga minasunod iyo an ootobon nindo sa gabos na panahon. Sa ikasampolong aldaw kan ikapitong bulan, an mga Israelita saka an mga dayuhan na nag-eerok sa kaibahan ninda kaipuhan na mag-ayuno asin dai magtrabaho.

Levitico 16:34

An mga pagsusundon na ini kaipuhan na kuyogon sa gabos na panahon. Gigibohon an seremonyang ini sarong beses sa taon tanganing malinigan an mga Israelita kan saindang mga kasalan. Ginibo ni Moises an ipinagboot nin Kagurangnan.

Levitico 17:7

Kaya dai na nanggad sinda magbubuno nin mga hayop sa kaawagan bilang dolot sa mga demonyo. Kaipuhan kuyogon kan mga Israelita an pagsusundon na ini sagkod lamang.

Levitico 19:26

“Dai kamo magkakan kan arin man na karne na igwa pa nin dugo. Dai kamo maggibo nin ano man na klase nin salamangka.

Levitico 23:14

Dai kamo magkakan kan bago nindong inani, maski hilaw o dinarang o ginibong tinapay, sagkod na dai pa kamo nakadara sa Dios kan mga dolot na iyan. An pagsusundon na ini gigibohon kan saindong kapagarakian sagkod sa mga maabot na panahon.

Levitico 23:21

Sa aldaw na iyan dai kamo magtatrabaho nin ano man kundi magkakaigwa kamo nin banal na pagtiripon. An pagsusundon na ini gigibohon kan saindong kapagarakian sa mga maabot na panahon, saen man sinda mag-erok.

Levitico 24:3

Aldaw-bangging aatamanon ni Aaron an ilawan na ibinugtak sa luwas kan kurtina, sa atubangan kan Kaban nin Tipan, sa laog kan Tabernakulo. Saro ining pagboot na ootobon kan gabos nindong kapagarakian sagkod pa man.

Levitico 24:9

An tinapay magigin sadiri ni Aaron saka kan saiyang mga kapagarakian, asin kakakanon ninda iyan sa sarong banal na lugar, huli ta kabtang iyan kan banal na pagkakan na idinolot sa Kagurangnan para sa mga padi.”

Levitico 3:16

An mga iyan tututongon kan padi duman sa altar bilang sarong dolot na pagkakan na an parong nawiwilihan nin Kagurangnan. An gabos na taba sadiri nin Kagurangnan.

Levitico 4:1

Nagtaram an Kagurangnan ki Moises,

Levitico 6:15

Dangan mahakbot an padi nin sarong gugom kan arina saka lana, kaiba an gabos na insenso dangan tututongon niya iyan sa altar bilang tanda na an gabos idinolot sa Kagurangnan. An parong kan dolot na iyan nawiwilihan nin Kagurangnan.

Levitico 6:18

Sa maabot pang mga panahon, an gabos na aking lalaki ni Aaron pwedeng kumakan kaiyan bilang kahirasan ninda sa pagkakan na idinolot sa Kagurangnan. Magigin banal an siisay man na dumotdot kaiyan.

Levitico 6:22

Sa maabot na panahon, an siring na pagdolot sa Kagurangnan gigibohon kan lambang aki ni Aaron na maglilingkod bilang Halangkaw na Padi. Tututongon niya iyan bilang tinutong na atang sa Kagurangnan.

Levitico 7:23

kan mga Israelita. Dai dapat kakanon an taba nin baka, karnero o kanding.

Levitico 7:34

An daghan kan hayop sarong espesyal na regalo, asin an nasa hurihan na toong bitis sarong espesyal na kahirasan na kinua nin Kagurangnan hale sa mga Israelita asin itinao sa mga padi. Iyo iyan an kaipuhan na itao kan mga Israelita sa mga padi sagkod pa man.

Levitico 7:36

Kan aldaw na iyan, ipinagboot nin Kagurangnan sa mga Israelita na itao ninda sa mga padi an kabtang na iyan kan dolot. Saro ining pagsusundon na dapat otobon kan mga Israelita sa gabos na panahon.

Mga Bilang 19:21

An pagsusundon na ini kukuyogon nindo sagkod lamang. An nagwirik kan tubig na panlinig kaipuhan maglaba man kan saiyang mga gubing; an makaduta kan tubig magigin maati sagkod magbanggi.

Mateo 16:24

Dangan sinabihan ni Jesus an saiyang mga disipulo, “An siisay man na boot sumunod sako, kaipuhan lingawan niya an sadiri niyang buhay, magpasan kan saiyang krus asin magsunod sako.

Mateo 26:28

huli ta iyo ini an sakong dugo kan bagong tipan, dugo na pinapabulos para sa dakul na tawo sa pagpatawad nin mga kasalan.

Mga Gibo 15:29

dai kamo magkakan kan karne nin hayop na inatang sa mga dios-dios; siring man, dai kamo magkakan nin dugo, o karne nin hayop na tinook; dai man kamo magdorog sa bako nindo agom. Mapapakarahay kamo kun likayan nindo an mga bagay na ini. Dios magbantay saindo.”

Efeso 1:7

Tinubos kita ni Cristo huli kan saiyang dugo, pinatawad kita kan satong mga kasalan, sosog sa kayamanan kan biyaya nin Dios,

Efeso 5:26

nganing mapabanal iyan, pakalinigi niya kaiyan sa paagi kan tubig saka kan tataramon.

Deuteronomio 12:16

Alagad dai nanggad kamo magkakan kan saindang dugo kundi iula nindo iyan sa daga siring sa tubig.

Deuteronomio 12:23

Alagad dai kamo magkakan nin karne na igwa pa nin dugo, huli ta an buhay yaon sa dugo; dai nanggad nindo pagkakanon an dugo kaiba kan karne.

Deuteronomio 12:24

Dai nindo paggibohon na pagkakan an dugo; iula nindo iyan sa daga arog sa tubig.

Deuteronomio 15:23

Alagad dai nindo pagkakanon an dugo kaiyan, kundi iula nindo iyan sa daga siring sa tubig.

Deuteronomio 32:14

Dakul na gatas itinao kan saindang mga baka asin kanding; napasainda an mga pinakamatabang karnero, baka saka kanding, an pinakamarahay na trigo, sagkod an pinakapiling arak.

1 Timoteo 4:4

An gabos na linalang nin Dios marahay; mayo nin anoman na dapat isikwal, kundi akoon gabos iyan nin may pagpasalamat.