Levitico 3:11 - Marahay na Bareta Biblia

¹¹ Tututongon iyan kan padi duman sa altar bilang dolot na pagkakan sa Kagurangnan.

Levitico 3:11 ပူးပေါင်းရင်းမြစ်များ

Salmo 22:14

Siring sa tubig kosog ko inuula, asin naggigirilo-gilo gabos kong mga tulang; an sakuyang puso siring sa taro, na natutunaw sa sakong daghan.

Ezekiel 44:7

Dinigtaan ninda an sakong Templo huli ta an bakong sirkomsisyonadong mga dayuhan, mga tawong dai nagsusunod sako, tinugotan nindang maglaog diyan, mantang idinodolot sako an taba saka an dugo kan mga hayop na isinakripisyo. Kaya an sakong tipan linapas kan sakong banwaan huli kan makauuyam na mga bagay na ginibo ninda.

Levitico 21:17

“Sabihan mo si Aaron na mayo nin siisay man sa saiyang kapagarakian na may kaninan sa hawak an pwedeng magdara sako kan dolot na pagkakan sa gabos na panahon.

Levitico 21:6

Kaipuhan na magin banal sinda asin dai ipasopog an sakong ngaran, huli ta sinda an nagdodolot kan mga dolot na pagkakan sa sako; kaya maninigo na sinda magin banal.

Levitico 21:8

Kaipuhan na midbidon kan banwaan na an padi banal huli ta siya an minadara sako kan mga dolot na pagkakan. Ako an Kagurangnan; ako banal asin ako an nagpapabanal sa sakong banwaan.

Levitico 22:25

“Dai kamo magdolot nin hayop na hale sa sarong dayuhan bilang dolot na pagkakan. An mga siring na hayop ibibilang na may kaninan asin dai iyan aakoon.”

Levitico 3:16

An mga iyan tututongon kan padi duman sa altar bilang sarong dolot na pagkakan na an parong nawiwilihan nin Kagurangnan. An gabos na taba sadiri nin Kagurangnan.

Levitico 3:5

Tututongon an mga iyan kan mga padi duman sa altar kaiba kan mga tinutong na atang. An parong kaiyan nawiwilihan nin Kagurangnan.

Malakias 1:12

Alagad dai nindo ako inoomaw kun minasabi kamo na mayong halaga an sakong altar asin kun minadolot kamo diyan nin kakanon na bakong maninigo.

Malakias 1:7

Binasang-basang nindo ako huli sa pagdolot nindo nin mga mayong halagang pagkakan sa sakong altar. Dangan minahapot kamo, ‘Sa paanong paagi kami dai nagtaong galang sa saimo?’ Sasabihan ko kamo—huli ta dai nindo iginalang an sakong altar.

Mga Bilang 28:2

na tukdoan an mga Israelita na magdolot sa Dios sa talaan na panahon kan mga dolot na pagkakan na nakakawili sa saiya.

Mga Bilang 28:24

Sa parehong paagi, sa laog nin pitong aldaw magdolot kamo sa Kagurangnan nin dolot na pagkakan, sarong parong na nakakawili saiya. Idolot nindo iyan laen pa kan aroaldaw na tinutong na atang saka dolot na arak.

Roma 8:32

Kun dai niya ngani ipinangalad an saiyang sadiring Aki, kundi itinao niya para sato gabos, an gabos na bagay pa daw an dai niya itao sato kaiba kan saiyang Aki?

1 Corinto 10:21

Dai kamo pwedeng mag-inom sa kalis nin Kagurangnan asin sa kalis kan mga demonyo; dai man kamo pwedeng magkakan sa lamesa nin Kagurangnan asin sa lamesa kan mga demonyo.

Kapahayagan 3:20

Uya, nagtitindog ako asin nagtotoktok sa may pintoan. Kun may magdangog sako saka magbukas kan pintoan, malaog ako asin makakan kasabay niya, asin siya makakan na kasabay ko.