Levitico 3:1 - Marahay na Bareta Biblia

¹ Kun igwa saindo nin magdolot nin saro kan saiyang mga lalaki o babaeng baka, bilang dolot para sa katoninongan, dapat na mayo iyan nin kaninan.

Levitico 3:1 ပူးပေါင်းရင်းမြစ်များ

1 Mga Cronica 21:26

Nagpatindog duman si David nin sarong altar para sa Kagurangnan, asin nagdolot siya nin mga tinutong na atang saka mga dolot para sa katoninongan. Namibi siya asin sinimbag siya nin Kagurangnan sa paagi nin kalayong hale sa langit na tuminutong kan mga dolot sa altar.

Exodo 20:24

Gumibo kamo nin altar na daga para sako; sa ibabaw kaiyan idolot nindo an saindong karnero saka an saindong baka bilang tinutong na atang asin atang para sa katoninongan. Sa lambang lugar na pinili ko na pagsasambahan nindo sako, madatong ako dangan bebendisyonan ko kamo.

Exodo 24:5

Dangan nagsugo siya nin nagkapirang hoben na lalaki nin Israel na magdolot nin mga tinutong na atang asin magsakripisyo nin mga baka bilang dolot para sa katoninongan.

Exodo 29:28

Sagkod pa man ini an sakong pagboot na kun madolot an mga tawo kan dolot para sa katoninongan, an daghan saka an hita kan hayop lalaenon para sa mga padi. Ini an dolot sako kan mga tawo.

Mga Talinhaga 7:14

“Nagdolot ako nin mga atang ngunyan na aldaw, asin igwa ako kan karneng hale sa mga sakripisyo.

Ezekiel 43:27

Pakatapos kan pitong aldaw, popoonan kan mga padi an pagdolot kan mga tinutong na atang asin kan mga atang para sa katoninongan. Dangan mawiwilihan ko kamo gabos. Ako, an Kagurangnan Dios, an nagtaram.”

Ezekiel 45:15

Sa karnero, saro an idolot nindo sa lambang dos syentos. Ini an saindong mga dolot na pagkakan, mga tinutong na atang asin dolot para sa katoninongan, tanganing patawadon an saindong mga kasalan. Ako, an Kagurangnan Dios, an nagboboot kaini.

Levitico 1:10

Kun an idodolot kan lalaki saro kan saiyang mga karnero o kanding, kaipuhan na lalaki asin mayong kaninan.

Levitico 1:3

Kun sarong baka an idodolot niya bilang tinutong na atang, kaipuhan lalaki iyan asin mayo nin kaninan. Idodolot niya iyan duman sa may pintoan kan Tabernakulo tanganing akoon siya nin Kagurangnan.

Levitico 17:5

An katuyohan kaini iyo, na kaipuhan darahon kan mga Israelita sa Kagurangnan an mga hayop na dati nindang binubuno sa kaawagan. An mga iyan dadarahon ninda sa padi duman sa may pintoan kan Tabernakulo asin duman ninda bubunoon bilang dolot para sa katoninongan.

Levitico 3:6

Kun karnero o kanding, lalaki man o babae, an idodolot bilang atang para sa katoninongan, kaipuhan mayo iyan nin kaninan.

Levitico 9:18

Binuno man niya an torong baka asin an karnero bilang dolot para sa katoninongan para sa mga tawo. Dinara saiya kan saiyang mga aki an dugo asin inula niya ini sa apat na gilid kan altar.

Levitico 9:4

Magdara man sinda nin sarong torong baka asin saro pang karnero bilang dolot para sa katoninongan. Tututongon nindo iyan para sa Kagurangnan kaiba an dolot na pagkakan na sinalakan nin lana. Kaipuhan gibohon nindo iyan huli ta mapahiling saindo an Kagurangnan ngunyan na aldaw.”

Amos 5:22

Maski pa dolotan nindo ako nin mga tinutong na atang saka dolot na pagkakan, dai ko iyan aakoon; dai ko man aakoon an mga pinatabang hayop na dinadara nindo sako bilang mga dolot para sa katoninongan.

Malakias 1:14

Humugpa logod an maldisyon sa paradaya na nagsasakripisyo sa sako nin mayong halagang hayop, mantang igwa man sana siya nin mga marahay na hayop na saiyang itinugang itatao sako! Dakula akong hade, asin kinakatakotan ako kan mga tawo sa gabos na nasyon.”

Malakias 1:8

Kun minadara kamo nin buta o may helang o pilay na hayop tanganing isakripisyo sa sako, sa paghona nindo bakong sala an gibong iyan? Dolotan daw an siring na hayop sa saindong gobernador; mawiwilihan daw niya kamo o papahilingan nin marahay na boot?”

Mga Bilang 15:8

Kun idodolot sa Kagurangnan an sarong torong baka bilang sarong tinutong na atang, o dolot sa pag-otob nin sarong panuga, o dolot para sa katoninongan,

Mga Bilang 6:14

asin madolot siya sa Kagurangnan nin tolong hayop na mayo nin kaninan—sarong lalaking kordero na sarong taon pa sana bilang tinutong na atang, sarong babaeng kordero na sarong taon pa sana bilang dolot para sa kasalan, asin sarong lalaking karnero bilang dolot para sa katoninongan.

Deuteronomio 12:27

Idolot nindo duman sa altar nin Kagurangnan na saindong Dios an saindong mga tinutong na atang, sagkod an iba pang mga sakripisyo na an karne saindong kakakanon asin an dugo saindong iuula sa ibabaw kan altar.

Colosas 1:20

Binoot man niya sa paagi kan saiyang Aki na an gabos makiolian saiya. Sa paagi kan pagkagadan sa krus kan Aki, nakipag-olian sa Dios an gabos na linalang na nasa kinaban asin nasa langit.

Hebreyo 10:22

Kaya magdolok kita sa Dios nin tudok sa puso asin may masarig na pagtubod. Dumolok kita saiya na may malinig na konsyensya huli ta lininig na an satong mga puso saka nahugasan na nin malinig na tubig an satong mga hawak.

1 Juan 1:3

Kun ano an nahiling mi saka nadangog sinasabi mi saindo, tanganing kamo man magin kasaro mi sa pakisumaro sa Ama saka sa Aki niyang si Jesu-Cristo.

Hukom 20:26

Dangan nagduman sa Betel an gabos na Israelita asin nagmondo. Nagturukaw sinda sa atubang nin Kagurangnan asin dai nagkakan sagkod sa banggi. Nagdolot sinda nin mga tinutong na atang asin mga dolot para sa katoninongan sa atubang nin Kagurangnan.

Hukom 21:4

Pagkaaga, amay na nagbangon an mga Israelita dangan naggibo nin sarong altar duman. Nagdolot sinda nin mga tinutong na atang asin mga dolot para sa katoninongan.