Levitico 27:30 - Marahay na Bareta Biblia

³⁰ An ikasampolong parte kan gabos na bunga kan daga, trigo man o bunga nin kahoy, pagsadiri nin Kagurangnan.

Levitico 27:30 ပူးပေါင်းရင်းမြစ်များ

Genesis 14:20

Pag-omawon logod an Kahorohalangkaweng Dios na nagtao saimo nin kapangganahan laban sa saimong mga kaiwal!” Dangan tinawan ni Abram si Melkizedek kan ikasampolong parte kan gabos na sinamsam.

Genesis 28:22

An gapong ini na sakong pinatindog bilang hariging giromdom iyo an magigin lugar na pagsasambahan saimo; itatao ko saimo an ikasampolong kabtang kan gabos na itatao mo sako.”

Genesis 47:24

Sa tig-anihan, itatao nindo an ikalimang parte kan ani sa hade. An natadang apat na parte, gibohon nindong banhi para sa saindong oma asin pagkakan nindo sagkod kan saindong pamilya.”

Genesis 47:26

Kaya ginibo ni Jose na sarong pagboot sa daga nin Egipto na an ikalimang parte kan ani itatao sa hade. Sagkod ngunyan sinusunod pa an pagboot na ini. An mga daga sana kan mga padi an dai nasadirihan kan hade.

2 Mga Cronica 31:12

Maimbod na sinaray ninda duman an mga dolot, an mga himoloan saka an mga bagay na kinonsagra. An opisyal na namahala kaini iyo an Levita na si Conanias, asin an tugang niyang si Simei iyo an saiyang katabang.

Nehemias 12:44

Kan aldaw na idto, may mga lalaki na ibinugtak na namamahala kan mga kwartong sarayan kan mga kontribusyon, mga tinagba asin mga himoloan sa taon-taon. Sinda an nag-ako kan mga kahirasan hale sa mga oma na harani sa manlaen-laen na syudad para sa mga padi saka mga Levita, sosog sa hinahagad kan Katogonan. Nawilihan kan bilog na banwaan nin Juda an mga padi saka mga Levita,

Nehemias 13:12

Dangan an mga tawo nagdara giraray nin mga himoloan na trigo, arak saka lana nin oliba saka ilinaog sa mga kwartong sarayan.

Nehemias 13:5

Tinugotan niya si Tobias na gamiton an sarong kwarto na sarayan kaidto kan mga dolot na pagkakan saka insenso, kan kagamitan sa Templo, kan mga dolot para sa mga padi, saka kan mga tinagba nin trigo, arak patin lana nin oliba na itinao sa mga Levita, sa mga parakanta asin sa mga bantay sa Templo.

Levitico 27:29

Maski an sarong tawo na idinusay sa siring na paagi, dai pwedeng tuboson; dapat gadanon.

Levitico 27:31

Kun boot nin sarong tawo na tuboson iyan, mabayad siya kan kinaugalean na kantidad asin madagdag nin beynte porsyento.

Mateo 23:23

“Herak man saindo, mga paratukdo kan Katogonan asin mga Fariseo! Mga parasagin-sagin! Nagtatao kamo sa Dios nin himoloan maski kan tinanom na panrekado siring kan anis, pamyenta asin komino. Alagad dai nindo kinukuyog an mas mahalagang katukdoan sa Katogonan arog kan katanosan, pagkaherak asin pagtubod. Ini an dapat nindong gibohon, dangan dai man nindo pagpabayaan an iba.

Lukas 11:42

“Herak man saindo, mga Fariseo! Nagtatao kamo nin himoloan para sa Dios maski kan mga tinanom na panrekado, siring kan pamyenta, anis patin iba pa, alagad pinapabayaan nindo an katanosan asin an pagkamoot nin Dios. Ini an dapat nindong gibohon, alagad dai man pagpabayaan an iba.

Lukas 18:12

Nag-aayuno ako nin duwang beses sa semana saka nagtatao ako saimo nin himoloan kan gabos kong hinanapan.’

Deuteronomio 18:8

Arog kan ibang padi, mag-aako siya nin parehong kahirasan nin pagkakan, asin pwede niyang sarayon an ano man na padara kan saiyang pamilya.

Deuteronomio 26:12

“Sa lambang ikatolong taon, itao nindo an himoloan—an ikasampolong parte kan saindong inani—sa mga Levita, mga dayuhan, mga ilo asin mga babaeng balo, tanganing sa lambang komunidad magkaigwa sinda kan pagkakan na saindang kaipuhan.