Levitico 27:17 - Marahay na Bareta Biblia

¹⁷ Kun an daga idinusay pakatapos pa sana kan Taon nin Katalingkasan, an bilog na kantidad kaiyan iyo an babayadan.

Levitico 27:17 ပူးပေါင်းရင်းမြစ်များ

Levitico 25:10

Sa paaging ini, pinapalaen nindo an ikasingkwentang taon asin ipinapahayag nindo an katalingkasan sa gabos na nag-eerok sa daga. Sa taon na iyan ibabalik nindo sa dating kagsadiri o sa saiyang kapagarakian an gabos na ipinabakal nindang pagsadiri. An siisay man na ipinabakal bilang oripon, mapuli sa sadiri niyang pamilya.

Levitico 25:11

An taon na ini magigin sarong taon nin pag-ogma para sa saindo; dai kamo magtanom, ni mag-ani kan trigo na nagsadiring magtalubo sa saindong oma, ni magguno kan ubas sa saindong ubasan na dai nindo inataman.

Levitico 25:13

“Sa taon na iyan, an gabos na pagrogaring na ipinabakal ibabalik sa dating kagsadiri kaiyan.

Levitico 25:9

asin sa ika-sampolong aldaw kan ikapitong bulan, an Aldaw nin Pagbayad para sa mga Kasalan, magsugo kamo nin sarong lalaki sa bilog na daga na mapatanog kan trompeta tanganing ipahayag an katalingkasan sa gabos na nag-eerok sa daga.

Levitico 27:14

Kun idinusay nin sarong tawo an saiyang harong sa Kagurangnan, pepresyohan iyan kan padi sosog sa klase asin pagkagibo; an presyong iyan dai na maliliwat.

Levitico 27:16

Kun an idinusay sa Kagurangnan sarong parte kan saiyang daga, pepresyohan iyan kan padi sosog sa kadakulan kan banhi na itinatanom diyan; an beynteng kilo nin banhi babayadan nin sampolong pedaso nin plata.

Levitico 27:18

Alagad kun idinusay an daga pakalihis nin nagkapirang taon pakatapos kan Taon nin Katalingkasan, kukwentahon kan padi an kantidad kan daga sosog sa bilang kan natatadang mga taon bago umabot an masunod na Taon nin Katalingkasan, asin pepresyohan iyan nin hababang kantidad.