Levitico 26:44 - Marahay na Bareta Biblia

⁴⁴ Alagad maski idtoon sinda sa daga kan saindang mga kaiwal, dai ko nanggad sinda papabayaan o gagadanon, huli ta pagsuway iyan sa tipan ko sainda, asin ako an Kagurangnan na saindang Dios.

Levitico 26:44 ပူးပေါင်းရင်းမြစ်များ

Genesis 17:7

“Ootobon ko an panuga ko saimo asin sa saimong mga kapagarakian sa mga maabot na henerasyon bilang sarong daing kataposan na tipan. Ako an magigin Dios mo asin kan saimong mga kapagarakian.

2 Mga Hade 13:23

alagad nagin maboot asin maheherakon sainda an Kagurangnan. Dai nagtugot an Kagurangnan na magadan sinda, kundi tinabangan niya sinda huli kan saiyang tipan ki Abraham, ki Isaac, asin ki Jacob. Dai niya nalingawan an saiyang banwaan.

Nehemias 9:17

Habo sindang magkuyog, asin liningawan ninda an mga ngangalasan na ginibo mo para sainda. Sa kapaabaw-abawan pinili ninda an sarong lider, na madara sainda pabalik sa kaoripnan sa Egipto. Alagad ika sarong Dios na nagpapatawad; maugayon ka saka mamomoton, haloy bago maanggot asin mayaman sa pagkamoot, asin dai mo sinda pinabayaan.

Nehemias 9:31

Alagad sa dakula mong pagkaherak, dai mo sinda tinunaw o pinabayaan; huli ta ika sarong maugayon asin maheherakon na Dios!

Salmo 103:13

Siring na an ama naheherak sa saiyang mga aki, an Kagurangnan naheherak man sa mga may pagkatakot saiya.

Salmo 89:33

Alagad an danay kong pagkamoot ki David dai ko hahaleon; dai ko lilingawan an sakong panuga saiya.

Salmo 94:14

Dai pababayaan nin Kagurangnan an saiyang banwaan; an sadiri niyang pamana dai niya tatalikodan.

Jeremias 14:21

Giromdoma an saimong mga panuga asin dai mo kami ipagsikwal; dai mo paghalean nin onra an Jerusalem, an namumugtakan kan mamuraway mong trono. Dai mo paglapason an tipan na ginibo mo samo.

Jeremias 24:5

“Ako, an Kagurangnan, an Dios nin Israel; arog kan mararahay na higerang ini, ibibilang kong marahay an banwaan na dinarang bihag sa Babilonia.

Jeremias 30:11

Masasakaibahan nindo ako tanganing iligtas kamo. Roronoton ko an gabos na nasyon na pinagwarakan ko saindo, alagad dai ko kamo pupuhoon. Dai ako matugot na dai kamo mapadusahan; alagad kun padusahan ko na kamo, gigibohon ko an matanos para saindo! Ako, an Kagurangnan, an nagtaram.”

Jeremias 31:20

“Israel, ika an aki kong namomotan, an aki na sakong nawiwilihan. Kun nasasambit ko an saimong ngaran, ginigiromdom taka na may pagkamoot. Hinihidaw taka kaya maheherakan taka.

Jeremias 33:26

Siring na ginibo ko nanggad ini, siring man papadanayon ko an sakong tipan sa mga kapagarakian ni Jacob asin ni David na sakong sorogoon. Pipilion ko an saro sa mga kapagarakian ni David tanganing paghadean an mga kapagarakian ni Abraham, Isaac, asin ni Jacob. Maheherakan ko an sakong banwaan saka papauswagon ko giraray sinda.”

Ezekiel 16:60

Alagad gigiromdomon ko an tipan ko sa saimo kan ika aki pa, dangan makikipagtipan ako saimo nin sarong tipan na magdadanay sagkod lamang.

Levitico 26:11

Mag-eerok ako sa kaibahan nindo asin dai ko kamo babayaan.

Roma 11:2

Dai isinikwal nin Dios an saiyang banwaan na pinili niya poon pa kaidto. Dai daw nindo aram an sinasabi kan kasuratan dapit ki Elias? Isinumbong niya sa Dios an mga taga Israel.

Roma 11:26

Pakatapos kaiyan, makakaligtas an bilog na Israel, sosog sa sinasabi sa kasuratan, “An Paraligtas maabot hale sa Sion; hahaleon niya an gabos na katampalasanan sa kapagarakian ni Jacob.

Hukom 2:1

Hale sa Gilgal, an anghel nin Kagurangnan nagduman sa Bokhim asin nagsabi sa mga Israelita, “Ilinuwas ko kamo hale sa Egipto asin dinara sa dagang ipinanuga ko sa saindong mga ginikanan. Nagtaram ako kaidto: ‘Dai ko tatalikodan an sakong tipan sa saindo.