Levitico 26:42 - Marahay na Bareta Biblia

⁴² gigiromdomon ko an sakong tipan ki Jacob, ki Isaac asin ki Abraham. Babagohon ko an sakong panuga na tatawan nin daga an sakong banwaan.

Levitico 26:42 ပူးပေါင်းရင်းမြစ်များ

Genesis 15:18

Sa oras na idto nakipagtipan an Kagurangnan ki Abram asin nagtaram, “Nanunuga ako na itatao ko sa saimong mga kapagarakian an bilog na dagang ini, magpoon sa Egipto sagkod sa Salog nin Eufrates,

Genesis 26:2

Nagpahiling an Kagurangnan ki Isaac asin nagtaram, “Dai ka magduman sa Egipto; mag-erok ka sa daga na itataram ko saimo.

Genesis 26:24

Kan bangging idto, nagpahiling saiya an Kagurangnan asin nagtaram, “Ako an Dios kan saimong ama na si Abraham. Dai ka matakot, huli ta kaiba mo ako. Bebendisyonan taka asin papadakulon ko an saimong mga kapagarakian huli ki Abraham na sorogoon ko.”

Genesis 26:5

Bebendisyonan taka, huli ta nagsunod sako si Abraham asin inotob niya an gabos kong mga togon asin mga pagboot.”

Genesis 28:13

Nahiling man niyang nagtitindog an Kagurangnan sa kataed niya asin nagtaram, “Ako an Kagurangnan, an Dios ni Abraham asin ni Isaac. Itatao ko saimo asin sa mga kapagarakian mo ining daga na nahihigdaan mo.

Genesis 28:15

Giromdoma na iibahan asin aatamanon taka saen ka man magduman, asin ibabalik taka sa dagang ini. Dai taka babayaan sagkod na magibo ko an itinaram ko saimo.”

Genesis 35:11

Nagtaram saiya an Dios, “Ako an Makakamhan na Dios. Magkaigwa ka nin dakul na aki. Gigikanan ka nin dakul na nasyon asin sa saimo magikan an mga hade.

Genesis 35:12

Itatao ko saimo an daga na itinao ko ki Abraham saka ki Isaac, asin itatao ko man iyan sa saimong mga kapagarakian.”

Genesis 9:15

magigiromdoman ko an sakong panuga saindo asin sa gabos na hayop; asin dai ko na nanggad raraoton an gabos na may buhay sa paagi nin sarong baha.

Genesis 9:16

Paglataw kan bulalangaw sa mga panganoron, mahihiling ko iyan asin magigiromdoman ko an daing kataposan na tipan ko sa gabos na may buhay sa kinaban.

Esther 4:14

Kun mag-alo ka sa panahon na siring kaini, may maabot na tabang sa mga Judio hale sa langit, dangan ikakaligtas sinda, alagad magagadan ka asin mapapara an pamilya kan saimong ama. Alagad siisay an nakakaaram na tibaad nagin reyna ka para sa panahon na ini?”

Salmo 106:45

Huli sainda giniromdom niya an saiyang tipan; asin sa kadakulaan kan danay niyang pagkamoot, naglumoy an saiyang boot.

Salmo 136:23

Siya an nakagiromdom kan kita nagkadaraog; an saiyang pagkamoot mayo nin kataposan;

Exodo 2:24

Nadangog sinda nin Dios asin nagiromdoman niya an saiyang tipan ki Abraham, ki Isaac asin ki Jacob.

Exodo 6:5

Ngunyan nadangog ko an inagrangay kan mga Israelita na inooripon kan mga Egipcio asin nagiromdoman ko an sakong tipan.

Isaias 14:1

Maheherakan giraray nin Kagurangnan an saiyang banwaan nin Israel asin pipilion niya sinda bilang saiyang sadiri. Tutugotan niya sindang mag-erok giraray sa saindang daga, asin maabot an mga dayuhan dangan maerok sa kaibahan ninda.

Ezekiel 16:60

Alagad gigiromdomon ko an tipan ko sa saimo kan ika aki pa, dangan makikipagtipan ako saimo nin sarong tipan na magdadanay sagkod lamang.

Joel 2:18

Dangan ipinahiling nin Kagurangnan an saiyang pagmakulog sa saiyang daga; naherakan niya an saiyang banwaan.

Lukas 1:72

Nanuga siyang maheherakan niya an satong mga ginikanan, asin gigiromdomon an banal niyang tipan.

Deuteronomio 4:31

An Kagurangnan sarong Dios na maheherakon. Dai niya kamo papabayaan o gagadanon; dai niya lilingawan an tipan na sinumpaan niya sa saindong mga ginikanan.

Deuteronomio 9:27

Giromdoma an saimong mga sorogoon na si Abraham, si Isaac saka si Jacob; pabayaan mo an katagasan nin payo kan mga tawong iyan, an saindang karatan asin kasalan;

Hukom 2:1

Hale sa Gilgal, an anghel nin Kagurangnan nagduman sa Bokhim asin nagsabi sa mga Israelita, “Ilinuwas ko kamo hale sa Egipto asin dinara sa dagang ipinanuga ko sa saindong mga ginikanan. Nagtaram ako kaidto: ‘Dai ko tatalikodan an sakong tipan sa saindo.