Levitico 26:39 - Marahay na Bareta Biblia

³⁹ An nagkapira saindo na matatadang buhay sa daga kan saindong mga kaiwal, orog na maghahalipot an buhay huli kan saindong mga kasalan saka kan kasalan nin saindong mga ginikanan.

Levitico 26:39 ပူးပေါင်းရင်းမြစ်များ

2 Mga Cronica 34:24

an mensaheng ini nin Kagurangnan: “An Jerusalem asin an mga nag-eerok digdi papadusahan ko kan gabos na sumpa na nasusurat sa libro na binasa sa atubangan kan hade nin Juda.

Esdras 9:7

Poon pa kan aldaw kan samong mga ginikanan sagkod ngunyan, kami, na saimong banwaan, nagkasala na nin makuri. Huli kan samong mga kasalan, kami, an samong mga hade, asin mga padi nahulog sa kamot kan mga dayuhan na hade, ginadan, binihag asin sinamsaman. Napasopog kami sagkod ngunyan.

Nehemias 1:9

Alagad kun magbalik kamo sako asin magkuyog kan mga togon na itinao ko, titiponon ko kamo asin dadarahon sa lugar na pinili kong pagsambahan sako, maski pa magkawararak kamo sa mga poro nin kinaban.’

Exodo 20:5

Dai kamo magduko sa mga dios-dios o magsamba sa sainda, huli ta ako an Kagurangnan na saindong Dios, sarong maimon na Dios. Pinapadusahan ko an mga naoongis sako pati an saindang mga aki sagkod sa ikatolo saka sa ikaapat na henerasyon.

Exodo 34:7

Inootob ko an sakong panuga sa ribo-ribong henerasyon asin pinapatawad ko an karatan saka an kasalan; alagad sakuyang papadusahan an mga aki saka mga makoapo sagkod sa ikatolo asin sa ikaapat na henerasyon huli sa mga kasalan kan saindang mga magurang.”

Isaias 14:21

Poonan na an panggadan! Magagadan an mga aking lalaki kan hadeng ini huli sa kasalan kan saindang mga ginikanan. Mayong saro man sainda na maghahade sa daga o mapatindog nin mga syudad sa ibabaw kaiyan.

Isaias 24:16

Hale sa poro kan kinaban madadangog nyato an mga awit nin pag-omaw sa Israel, an matanos na nasyon. Alagad mayo ako nin paglaom! Nagrarani sako an kagadanan! Padagos sa pagpasaluib an mga parapasaluib, asin nag-oorog an saindang pagpapasaluib.

Jeremias 29:12

Dangan maapod kamo, madolok saka mamimibi sako, asin dadangogon ko kamo.

Jeremias 3:25

Dapat kaming pahigdaon sa kasosopgan, asin tahoban nin disonra. Kami asin an samong mga ginikanan danay na nagkasala sa Kagurangnan na samuyang Dios; dai mi nanggad kinuyog an saiyang mga pagboot.”

Jeremias 31:29

Pag-abot kan panahon na iyan, dai na masabi an mga tawo, ‘Nagkakan nin maalsom na ubas an mga ama, alagad an mga aki an pinagngilohan.

Mga Panambitan 1:3

An mga taga Juda nagin makaheherak na mga oripon, na pirit na pinahale sa saindang harong. Nag-eerok sinda ngunyan sa mga dagang dayuhan, mayong nakukuang mapapahingaloan. Napapalibotan siya nin mga kaiwal mantang nasa makuring kasakitan.

Mga Panambitan 4:9

Mas marahay pa an mga nagadan sa gera ki sa nagadan sa gutom, na luway-luway na nagagadan huli ta mayo sinda nin makakakan.

Ezekiel 18:19

“Alagad minahapot kamo, ‘Tadaw ta dai magtios an aki huli sa mga kasalan kan saiyang ama?’ An simbag iyo na an aki naggibo kan matanos saka marahay. Inotob niya an sakong mga pagboot asin maingat na sinunod iyan, kaya totoong mabubuhay siya.

Ezekiel 20:43

Dangan magigiromdoman nindo an makauuyam na mga gawe nindo, asin kun paano nindo dinigtaan an saindong sadiri. Mauuyam kamo sa saindong sadiri, huli kan mga maraot na gawe nindo.

Ezekiel 24:23

Dai nindo aarison an saindong buhok, ni tatangkason an saindong sandalyas; dai kamo magmomondo o maghihibi. Manluluya kamo huli kan saindong mga kasalan asin mag-aagrangay kamo sa lambang saro.

Ezekiel 33:10

Nagtaram sako an Kagurangnan, “Aki nin tawo, ipagiromdom mo sa mga Israelita kun ano an pinagsasabi ninda: ‘Nagagabatan kami kan samong mga kasalan asin mga kasombikalan. Luway-luway kaming nagagadan; paano pa kaming mabubuhay?’

Ezekiel 36:31

Dangan magigiromdoman nindo an maraot nindong mga ugale saka mga gawe. Mauuyam kamo sa saindong sadiri huli kan saindong mga kasalan asin kasombikalan.

Ezekiel 4:17

Gigibohon ko ini tanganing mawaraan sinda nin tinapay saka tubig; mawawaraan sinda nin paglaom asin magagadan sinda huli sa saindang mga kasalan.”

Ezekiel 6:9

saen mamumuhay sinda sa pagkatapokan. Duman ninda ako magigiromdoman asin maaaraman ninda na pinadusahan saka hinahalean ko sinda nin onra, huli ta tinalikodan ako kan saindang bakong maimbod na mga puso asin pinaorog ninda an mga dios-dios ki sa sako. Ikakaongis ninda an saindang sadiri huli sa mga karatan saka makauuyam na mga bagay na saindang ginibo.

Oseas 5:15

“Papabayaan ko an sakong banwaan sagkod na magtios sinda kan maninigo para sa saindang kasalan asin hanapon ninda ako. Tibaad sa saindang pagtios, hingowahon nindang hanapon ako.”

Zacarias 10:9

Maski iwinarak ko sinda sa mga nasyon, alagad sa mga harayong lugar magigiromdoman ninda ako. Makakaligtas sinda asin an saindang mga aki dangan sarabay na mapuruli sa saindang harong.

Mga Bilang 14:18

‘Ako, an Kagurangnan, dai tolos naaanggot saka dakula sa pagkamoot, nagpapatawad kan kasalan patin kasombikalan. Alagad papadusahan ko an mga aki asin makoapo sagkod sa ikatolo patin ikaapat na henerasyon huli kan mga kasalan kan saindang mga magurang.’

Deuteronomio 28:65

Mayo kamong makukuang katoninongan sa mga nasyon na iyan; mayo nin lugar na pwede nindong apodon na sadiri nindo. Papadarahan niya kamo nin kahandalan, kapurisawan asin kawaran nin paglaom.

Deuteronomio 30:1

“Itinao ko saindo ngunyan an pagpipilian: sarong bendisyon asin sarong maldisyon. Kun mangyari na saindo an mga bagay na ini asin kun mag-erok na kamo sa mga nasyon na winarakan saindo nin Kagurangnan, magigiromdoman nindo ining pagpipilian na itinao ko saindo.

Deuteronomio 5:9

Dai kamo magduko sa mga dios-dios o magsamba sa sainda, huli ta ako, an Kagurangnan na saindong Dios, sarong maimon na Dios. Pinapadusahan ko an mga naoongis sako pati an saindang mga aki sagkod sa ikatolo saka sa ikaapat na henerasyon.

Deuteronomio 8:20

Kun dai kamo magkuyog sa Kagurangnan, magagadan man kamo arog kan mga nasyon na saiyang roronoton sa pagdangadang nindo.