Levitico 26:38 - Marahay na Bareta Biblia

³⁸ Magagadan kamong mga bihag, asin hahalonon kamo kan daga kan saindong mga kaiwal.

Levitico 26:38 ပူးပေါင်းရင်းမြစ်များ

Isaias 27:13

Pag-abot kan aldaw na iyan, patatanogon an sarong trompeta tanganing apodon an gabos na Israelita hale sa Asiria saka Egipto na itinapok duman. Madatong sinda asin masamba sa Kagurangnan sa Jerusalem, sa banal niyang bulod.

Jeremias 22:12

Magagadan siya sa daga na dinarahan ninda saiya, asin dai na niya mahihiling giraray an dagang ini.”

Jeremias 42:22

Kaya giromdoma nindo ini: magagadan kamo sa gera o sa gutom o sa peste sa daga na boot nindong dumanan saka erokan.”

Levitico 26:39

An nagkapira saindo na matatadang buhay sa daga kan saindong mga kaiwal, orog na maghahalipot an buhay huli kan saindong mga kasalan saka kan kasalan nin saindong mga ginikanan.

Deuteronomio 28:48

Huli kaiyan, paglilingkodan nindo an mga kaiwal na ipapadara saindo nin Kagurangnan. Magugutom kamo, mapapaha, magigin huba, asin magkukulang sa gabos na bagay; aapihon kamo nin makuri kan Kagurangnan sagkod na kamo magadan.

Deuteronomio 28:68

Lunad nin mga barko, ibabalik kamo nin Kagurangnan sa Egipto, maski ngani nangako na siya na dai na kamo ibabalik duman. Ipapabakal nindo duman sa saindong mga kaiwal an saindong sadiri bilang mga oripon alagad mayo nin mabakal saindo.”