Levitico 26:36 - Marahay na Bareta Biblia

³⁶ “Gigibohon kong magkaigwa nin dakulang takot an mga nagkabirihag saindo kaya maski an hinghing kan sarong dahon na hinahayop nin doros makakapadulag na saindo. Madulag kamo na garo linalamag sa gera, asin matutumba kamo maski mayo man nin kaiwal sa harani nindo.

Levitico 26:36 ပူးပေါင်းရင်းမြစ်များ

Genesis 35:5

Kan magpoon na sindang maglakaw, natakot nin marahay an mga tawong nag-eerok sa mga syudad sa palibot ninda, kaya dai sinda linamag kan mga ini.

Genesis 4:12

Kun magtanom ka, mayo kang aanihon; ika magigin sarong paradulag asin sarong lagalag sa kinaban.”

2 Mga Cronica 14:14

Dangan narumpag ninda an mga syudad sa palibot nin Gerar huli ta an mga tawo duman natakot sa Kagurangnan. Sinamsaman kan hukbo an mga syudad na ini asin dakul an saindang nakua.

An Libro ni Job 13:25

Garo na ako pinapadpad na dahon, saimo pa daw tatakoton? Siring ako sa alang na dagami, saimo pa daw lalamagon?

Salmo 53:5

Alagad aabotan sinda nin dakulang takot, na kaidto dai pa lamang nangyari; huli ta iwawarak nin Dios an mga tolang kan mga kaiwal nin saiyang banwaan. Magkakasoropog sinda huli ta isinikwal sinda nin Kagurangnan.

Salmo 53:6

Gumikan logod sa Sion an kaligtasan nin Israel! Kun ibalik na nin Dios an kayamanan nin saiyang banwaan, mag-oogma si Jacob, mag-oogma si Israel.

Salmo 89:43

Pinangurol mo an tarom nin saiyang espada, asin ipinadaog mo siya sa gera.

Mga Talinhaga 28:1

Nagdudulag an tampalasan maski mayong naglalamag, alagad an matanos maisog arog sa leon.

Isaias 30:17

Madurulag an sangribo saindo pakahiling sa sarong kaiwal, asin lima sanang soldados an kaipuhan tanganing magdurulag kamo gabos. Mayo nin matatada sa saindong hukbo pwera kan solo-solong kahoy na nakakabitan kan bandera sa ibabaw kan bulod.

Isaias 7:2

Kan maaraman kan hade nin Juda na nasa teritoryo na nin Israel an hukbo nin Siria, natakot siya nin makuri, siring man an saiyang mga nasasakopan. Nagtarakig sinda siring sa mga kahoy na hinuhuyop nin doros.

Isaias 7:4

Sabihan mo siyang magin andam, na dai mahandal o matakot o manluya an boot, huli ta an kaanggotan ni Hadeng Rezin kaiba an mga Siro asin ni Hadeng Peka garo sana duwang nag-aasong pungo.

Jeremias 37:10

Maski pa madaog mo an bilog na hukbo nin Babilonia, kun kaya mayo nin matada sainda kundi an mga nalugadan na nasa saindang mga tolda, mabangon an mga lalaking ini saka susuloon ninda an syudad.”

Jeremias 46:16

Nagkasiringkog saka nagkaturumba an saindong mga soldados, asin nagsabi an lambang saro, ‘Magpuli na kita sa satong banwaan tanganing makadulag kita sa espada kan kaiwal!’

Mga Panambitan 1:3

An mga taga Juda nagin makaheherak na mga oripon, na pirit na pinahale sa saindang harong. Nag-eerok sinda ngunyan sa mga dagang dayuhan, mayong nakukuang mapapahingaloan. Napapalibotan siya nin mga kaiwal mantang nasa makuring kasakitan.

Mga Panambitan 1:6

Nawara na an kamurawayan nin Jerusalem. An saiyang mga lider garong mga usa na sa kagutoman pinanluluya, mayo nin kosog na minadulag sinda sa mga paraayam.

Mga Panambitan 4:19

An mga naglamag samo mas marikas pa ki sa mga agila sa kaitaasan; linamag ninda kami sa kabubuldan, hinipaan ninda kami sa kalangtadan.

Ezekiel 21:12

Aki nin tawo, maghibi ka asin maghaya; huli ta an espadang iyan para sa sakong banwaan, asin para sa gabos na prinsipe nin Israel. Gagadanon sinda sa espada kaiba an sakong banwaan. Tumboka an saimong daghan sa kawaraan nin paglaom!

Ezekiel 21:15

An espadang iyan nakakapaluya kan boot kan sakuyang banwaan asin nakakapatumba sainda. An saindang syudad hinuhomaan ko nin sarong espada na nagsisilyab siring sa kikilat asin andam sa paggadan.

Ezekiel 21:7

Kun hapoton ka ninda kun tadaw ta nag-aagrangay ka, sabihan mo sinda na ginigibo mo iyan huli kan baretang maabot. Pag-abot kaiyan, matutunaw sa takot an saindang puso, manluluya an saindang mga kamot, mawawara an saindang kosog asin tatakigan an saindang mga tuhod. Nag-abot na an panahon asin uya na.” An Kagurangnan Dios an nagtaram.

Oseas 8:3

isinikwal ninda an marahay. Huli kaini, lalamagon sinda kan saindang mga kaiwal.

Levitico 26:17

Lalabanan ko kamo, kaya madadaog kamo, asin an mga anggot saindo iyo an mahade saindo; madulag kamo maski mayo nin naglalamag saindo.

Deuteronomio 1:44

Sinabat kamo kan mga Amoreo na nag-erok duman, asin siring sa putakti, linamag ninda kamo sagkod sa Horma dangan dinaog sa mabulod na daga nin Edom.

Josue 5:1

Nabaretaan kan gabos na hadeng Amoreo sa solnopan kan Jordan asin kan mga hadeng Cananeo sa tampi kan Dagat nin Mediteraneo, an ginibo nin Kagurangnan na pagpamara kan Jordan sagkod na makabalyo an bilog na banwaan nin Israel. Nagkatarakot sinda asin nawaraan nin isog huli sa mga Israelita.

Josue 7:5

Linamag sinda kan mga taga Ai magpoon sa trangkahan kan syudad sagkod sa Shebarim asin ginadan an mga treynta y seis sainda sa dalan palugsot sa bulod. Kaya nagluya an boot kan mga Israelita asin natakot sinda.

1 Samuel 17:24

Kan mahiling kan mga Israelita si Goliat, nagdurulag sinda sa takot.