Levitico 26:34 - Marahay na Bareta Biblia

^34-35 Dangan makakamtan kan daga an mga taon nin pahingalo na dai nindo ikinatao; mayo nin maataman kan daga asin mahihingaloan iyan mantang bihag kamo sa mga daga kan saindong mga kaiwal.

Levitico 26:34 ပူးပေါင်းရင်းမြစ်များ

1 Mga Hade 8:46

“Kun magkasala sinda saimo, huli ta mayo nin tawo na dai nagkakasala, asin sa kaanggotan pabayaan mo sindang madaog saka mabihag kan saindang mga kaiwal sa harayo o haraning lugar,

2 Mga Cronica 36:21

Kaya naotob an sinabi nin Kagurangnan sa paagi ni Jeremias: “An daga magigin alang sa laog nin setentang taon tanganing mabayadan an dai pag-otob kan pagpahingalo kun Sabbath.”

Jeremias 34:17

Kaya ako, an Kagurangnan, nagsasabi na nagsuway kamo sako; dai nindo itinao sa kapwa nindo Israelita an saindang katalingkasan. Huli kaini, itatao ko saindo an katalingkasan: an katalingkasan na magadan sa gera, peste, asin gutom. Gigibohon ko kamong sarong katakotan sa gabos na nasyon sa kinaban.

Levitico 25:10

Sa paaging ini, pinapalaen nindo an ikasingkwentang taon asin ipinapahayag nindo an katalingkasan sa gabos na nag-eerok sa daga. Sa taon na iyan ibabalik nindo sa dating kagsadiri o sa saiyang kapagarakian an gabos na ipinabakal nindang pagsadiri. An siisay man na ipinabakal bilang oripon, mapuli sa sadiri niyang pamilya.

Levitico 26:43

Alagad kaipuhan haleon ngona sinda sa daga tanganing mahingaloan iyan asin tanganing mabayadan ninda an padusa sa pagsuhay kan sakong mga togon saka mga pagboot.