Levitico 26:32 - Marahay na Bareta Biblia

³² Raraoton ko nanggad an saindong daga kaya ngangalasan kan saindong mga kaiwal na masakop kaiyan an siring na kamugtakan.

Levitico 26:32 ပူးပေါင်းရင်းမြစ်များ

1 Mga Hade 9:8

An Templo na ini magigin sarong tambak nin mga raot, asin an lambang mag-agi digdi matitikbahan saka mangalas. Mahapot sinda, ‘Tano ta siring an ginibo nin Kagurangnan sa dagang ini asin sa Templong ini?’

Isaias 24:1

Raraoton nin Kagurangnan an kinaban asin babayaan niya iyan na mamondo. Bibiribidon niya an ibabaw kan daga asin iwawarak niya an mga tawo.

Isaias 5:6

Papabayaan kong magtalubo an mga doot; dai ko iyan tatakrasan ni babayoboon, kundi papataluboon ko an mga tonok. Pagbobotan ko an mga dampog na dai maghulog nin uran duman.”

Isaias 5:9

Nadangog kong nagsumpa an Kagurangnan: “Sa katotoohan dakul na harong an magkakagaraba, darakula saka magagayon na mga harong na mayong nag-eerok.

Isaias 6:11

Naghapot ako, “Sagkod nuarin ini magigin siring, Kagurangnan?” Nagsimbag siya, “Sagkod na magkararaot an mga syudad asin mayo nang mag-erok diyan, sagkod na an mga harong diyan mayo na nin nag-eerok—sagkod na an daga dai na mapakinabangan.

Isaias 64:10

An saimong banal na mga syudad nakakaagid sa sarong desyerto; an Jerusalem sarong raot na lugar na mayo nin nag-eerok,

Jeremias 12:11

An daga ginibo nindang sarong kalangtadan; nagmomondo iyan sa sakong atubang. An bilog na daga nagin sarong desyerto asin mayong nagmamakulog na tawo.

Jeremias 18:16

An dagang ini ginibo nindang sarong bagay na katakotan, na dapat na isikwal sagkod lamang. An gabos na maaragi digdi magkakamorongnan huli sa mahihiling ninda; magkokoyongkoyong sinda sa pagngalas.

Jeremias 19:8

Dadarahon ko sa lugar na ini an sarong makangingirhat na pagkagaba, kaya an siisay man na mag-agi digdi mamomongnan saka magngangalas.

Jeremias 25:11

An bilog na dagang ini papabayaan na raot asin magigin sarong tanawon na nakakatakot. Dangan an kataraed na mga nasyon maglilingkod sa hade nin Babilonia sa laog nin setentang taon.

Jeremias 25:18

Pinainom ko sa kalis an Jerusalem, an gabos na banwa nin Juda, asin an mga hade saka an mga lider ninda tanganing magin sinda sarong desyerto, sarong makangingirhat saka makatatakot na tanawon, dangan tanganing an ngaran ninda gamiton kan mga tawo bilang sarong maldisyon—arog kan ginigibo ninda sagkod ngunyan.

Jeremias 25:38

Binayaan nin Kagurangnan an saiyang banwaan arog kan pagbaya nin sarong leon sa saiyang lungib. Nagin desyerto an daga huli sa karingisan nin gera asin huli sa labi-labing kaanggotan nin Kagurangnan.

Jeremias 33:10

Nagtaram an Kagurangnan, “Nagsasabi an mga tawo na an lugar na ini garo sarong desyerto, na mayo nin tawo o hayop na nag-eerok. Tama sinda; mamondo mananggad an mga banwa nin Juda saka an mga tinampo nin Jerusalem; mayo nin nag-eerok duman maski tawo o hayop. Alagad sa mga lugar na iyan madadangog mo giraray

Jeremias 44:2

Nagtaram an Kagurangnan nin mga hukbo, an Dios nin Israel, “Nahiling nindo mismo an kasakitan na dinara ko sa Jerusalem asin sa gabos na syudad nin Juda. Sagkod ngunyan raot an mga syudad na iyan saka mayo nin nag-eerok duman

Jeremias 44:22

Sa mismong aldaw na ini, raot an saindong daga saka mayo nin nag-eerok. Nagin iyan sarong tanawon na nakakatakot, asin an ngaran kaiyan ginagamit kan mga tawo bilang sarong maldisyon, huli ta dai na natagalan nin Kagurangnan an saindong karatan saka makauuyam na mga gibo.

Jeremias 9:11

Nagtataram an Kagurangnan, “An Jerusalem gigibohon kong sarong tambak nin mga raot, sarong lugar na eerokan nin mga lalaw na ayam; an mga syudad nin Juda magigin sarong desyerto, lugar na mayong nag-eerok na tawo.”

Mga Panambitan 4:12

Mayo nin siisay man, maski an mga hade sa dayuhan na mga nasyon, na nagtubod na an mga trangkahan nin Jerusalem malalaog nin mga kaiwal.

Mga Panambitan 5:18

huli ta an Bukid nin Sion rumpag na asin mayong nag-eerok, saka pinaglakaw-lakawan nin mga lalaw na ayam.

Ezekiel 5:15

“Sa panahon na naaanggot ako saimo dangan padusahan taka, matatakot an gabos na nasyon sa palibot mo; pagtutuyatuyaon ka saka pagngingisihan ninda.

Daniel 9:18

Hinanyoga kami, O Dios; hilinga kami asin an kasakitan na samong tinitios patin an tinitios kan syudad na nagdadara kan saimong ngaran. Namimibi kami saimo huli ta maheherakon ka, bakong huli ta matanos an samong gibo.

Daniel 9:2

Kan enot na taon kan saiyang paghahade, nag-adal ako kan mga banal na libro asin naghorophorop dapit sa setentang taon na magigin rumpag an Jerusalem, sosog sa itinaram nin Kagurangnan ki propeta Jeremias.

Habakkuk 3:17

Maski dai namumurak an mga poon nin higera asin an mga ubas mayo nin bunga, maski dai makakua nin lana nin oliba asin an kaomahan dai mamunga, maski magkagaradan an gabos na karnero asin mawaraan nin laog an mga laoman nin hayop,

Lukas 21:20

“Kun mahiling nindo an Jerusalem na napapalibotan nin mga hukbo, aram na nindong madali na iyan rumpagon.

Deuteronomio 28:37

Sa mga daga na pagdadarahan saindo nin Kagurangnan, pagngangalasan kamo, pag-oolay-olayan asin pagngingisihan.