Levitico 26:30 - Marahay na Bareta Biblia

³⁰ Raraoton ko an mga lugar na saindong pinagsasambahan sa kabubuldan, gagabaon ko an mga altar nin insenso, dangan itatapok ko an saindong mga bangkay sa ibabaw kan tumba nindong mga dios-dios. Sa kaanggotan,

Levitico 26:30 ပူးပေါင်းရင်းမြစ်များ

Genesis 19:13

huli ta tutunawon mi an lugar na ini. Nadangog nin Kagurangnan an gabos na sumbong laban sa mga nag-eerok sa Sodoma asin sinugo niya kami tanganing tunawon ini.”

1 Mga Hade 13:2

Dangan sa pagkuyog kan kabotan nin Kagurangnan, nagkurahaw an propeta laban sa altar: “O altar, iyo ini an itinataram nin Kagurangnan: ‘Sarong aking lalaki, na Josias an magigin ngaran, an mamumundag sa pamilya ni David. Isasakripisyo niya sa ibabaw mo an mga padi na naglilingkod sa paganong mga altar na nagdodolot nin mga sakripisyo sa ibabaw mo; tututongon niya sa ibabaw mo an mga tolang nin tawo.’”

1 Mga Hade 13:32

Mapapatotoohan an mga tataramon na, sa pagboot nin Kagurangnan, sinabi niya laban sa altar sa Betel asin laban sa gabos na altar na pagsasambahan sa mga banwa nin Samaria.”

2 Mga Hade 23:16

Dangan nangalag-kalag si Josias asin nahiling niya an nagkapirang lulubngan sa bulod; ipinakalot niya an mga tolang asin ipinatutong sa altar. Sa paaging ini binasang-basang niya an altar, sosog sa itinaram nin Kagurangnan sa paagi kan saiyang propeta. Nakahiling pa si Josias nin sarong lulubngan,

2 Mga Hade 23:20

Ipinagadan niya an paganong mga padi sa ibabaw kan mga altar na pinaglingkodan ninda. Dangan nagtutong siya nin mga tolang nin tawo sa lambang altar. Pakatapos, nagbalik siya sa Jerusalem.

2 Mga Hade 23:8

Dinara niya sa Jerusalem an gabos na padi hale sa mga syudad nin Juda, dangan ipinagaba an mga altar na pinagdodolotan ninda nin sakripisyo, magpoon sa Geba sagkod sa Beer-sheba. Ipinagaba man niya an mga altar kan mga trangkahan sa may sa trangkahan na ipinatugdok ni Josue, an gobernador kan syudad, sa parteng wala kan pangenot na trangkahan kan syudad.

2 Mga Cronica 23:17

Dangan nagduman sinda gabos sa templo ni Baal asin rinumpag idto. Rinonot ninda an saiyang mga altar saka mga imahen asin ginadan sa atubangan kan mga altar si Mattan, an padi ni Baal.

2 Mga Cronica 31:1

Pakatapos kan pyesta, naglibot an mga Israelita sa mga syudad nin Juda asin pinaralod an mga harigi saka mga simbolo kan diosang si Asera saka rinaot an mga paganong altar asin mga lugar na pagsasambahan sa bilog na Juda, sa Benjamin, sa Efraim asin sa Manases. Pakatapos nagpuruli sinda gabos sa saindang harong.

Salmo 106:40

Kaya naglaad an kaanggotan nin Dios sa saiyang banwaan; asin nabaldi sa saiyang pamana.

Salmo 89:38

Alagad ngunyan saimong isinikwal asin tinalikodan; anggot ka nin marahay sa saimong linahidan.

Isaias 27:9

Alagad papatawadon sana an kasalan nin Israel kun an mga gapo sa paganong mga altar maronot na arog sa tisa, asin mayo nang nagtitindog na altar nin insenso o simbolo kan diosang si Asera.

Jeremias 14:19

Kagurangnan, isinikwal mo na daw nanggad an Juda? Kinakaongisan mo na daw an mga tawo sa Sion? Tadaw ta kinulogan mo kami nin marahay, kaya dai na kami maoomayan? Naghanap kami nin katoninongan, alagad mayo nin nag-abot na karahayan; naglaom kami na maomayan, alagad an nag-abot katakotan.

Jeremias 16:18

Magbabayad sinda nin doble para sa saindang mga kasalan asin katampalasanan, huli ta dinigtaan ninda an sakong daga kan saindang mga dios-dios na arog sa mga bangkay na mayo nin buhay; pinano ninda an daga kan saindang mga bakong totoong dios.”

Ezekiel 16:39

Itatao taka sa saindang kapangyarihan, asin rurumpagon ninda an mga lugar saen nagsamba ka asin nakidorog. Kukuahon ninda an saimong mga gubing saka mga alahas, dangan babayaan ka nindang huba nanggad.

Ezekiel 43:7

“Aki nin tawo, uya digdi an sakong trono. Mag-eerok ako digdi sa kaibahan kan banwaan nin Israel asin paghahadean ko sinda sagkod pa man. An sakong banal na ngaran dai na nanggad didigtaan kan mga Israelita asin kan saindang mga hade, sa paagi nin pagsamba sa ibang dios-dios o sa paglubong kan mga bangkay kan saindang mga hade sa lugar na ini.

Ezekiel 6:13

An saindang mga bangkay magkakawararak sa palibot kan mga altar sa kaibahan kan mga dios-dios, magkakawararak sa lambang halangkaw na bulod, sa alitoktok kan lambang bukid, sa lindong nin lambang berdeng kahoy asin lambang madahon na hamurawon, sa lambang lugar na pinagdolotan ninda nin sakripisyo para sa saindang mga dios-dios. Dangan maaaraman ninda gabos na ako an Kagurangnan.

Oseas 10:2

Kaipuhan na magtios ngunyan an mga tawong madaya an puso huli kan saindang mga kasalan. Gagabaon nin Dios an saindang mga altar asin raraoton niya an saindang sagradong mga harigi.

Levitico 20:23

Dai nindo pag-arogon an mga kaugalean kan mga nag-eerok duman; isinusuka ko sinda, tanganing makalaog kamo sa saindang daga. Naggibo sinda nin mga karigsokan, kaya nauyam ako sainda.

Levitico 26:11

Mag-eerok ako sa kaibahan nindo asin dai ko kamo babayaan.

Levitico 26:15

Kun sayumahan nindo an sakuyang mga togon asin kaongisan nindo an sakuyang mga pagboot saka talikodan an sakong tipan,

Amos 6:8

Itinao na nin Kagurangnan, an Dios nin mga hukbo, an patanid na ini: “Ikinakaongis ko an kapalangkawan kan banwaan nin Israel; ikinakauyam ko an magagayon nindang mga harong. An saindang pangenot na syudad saka an gabos na yaon diyan itatao ko sa kaiwal.”

Amos 7:9

Mararaot an mga lugar na pinagsasambahan kan kapagarakian ni Isaac. Magkakagaraba an mga banal na lugar nin Israel. Tataposon ko an paghahade kan lahi ni Hadeng Jeroboam.”

Deuteronomio 32:19

“Nahiling ini nin Kagurangnan asin naanggot siya; an saiyang mga aking lalaki saka babae tinalikodan niya.