Levitico 26:28 - Marahay na Bareta Biblia

²⁸ sa sakong labi-labing kaanggotan, ako na an maatubang saindo asin papadusahan ko kamo nin pito pang beses kagabat ki sa mga naenot na padusa.

Levitico 26:28 ပူးပေါင်းရင်းမြစ်များ

Salmo 79:12

An ibang nasyon makapitong beses mong padusahan, huli kan pagtuyatuya ninda saimo, Kagurangnan.

Isaias 27:4

Dai na ako naaanggot sa ubasan. Kun igwa pa sana nin mga tonok saka mga binit na sakong lalabanan, sinulo ko na an mga iyan.

Isaias 59:18

Papadusahan niya an saiyang mga kaiwal sosog sa saindang ginibo, maski idtong mga nag-eerok sa harayong mga daga.

Isaias 63:3

Nagsisimbag an Kagurangnan, “Siring sa mga ubas, tinimaktimakan ko an mga nasyon, asin mayo nin nagtabang sako. Tinimaktimakan ko an mga nasyon sa sakong kaanggotan, asin namantsahan kan saindang dugo an sakong gubing.

Isaias 66:15

Madatong an Kagurangnan na may darang kalayo, asin malunad siya sa mga pakpak nin sarong bagyo, tanganing padusahan an mga tawong naanggotan niya.

Jeremias 21:5

Lalabanan taka sa bilog kong kosog, kaanggotan asin makuring kabangisan.

Jeremias 7:20

Kaya ako, an Kagurangnan Dios, an maula kan labi-labi kong kaanggotan sa Templong ini. Iuula ko iyan sa mga tawo saka sa mga hayop, asin maski sa mga kahoy saka sa mga tinanom. Malaad an sakong kaanggotan asin mayo nin siisay man na makakasigbo kaiyan.

Mga Panambitan 4:11

Pinaluwas nin Kagurangnan an bilog niyang kaanggotan; nagpagkot siya nin kalayo sa Sion na tuminutong sagkod kan mga pundasyon.

Ezekiel 5:13

“An gabat kan sakong kaanggotan mamamatean mo sagkod na makontento ako. Kun mangyari na an gabos na ini, maaaraman mo na ako, an Kagurangnan, an nagtaram saimo huli ta anggot ako sa saimong bakong pagkamaimbod.

Ezekiel 5:15

“Sa panahon na naaanggot ako saimo dangan padusahan taka, matatakot an gabos na nasyon sa palibot mo; pagtutuyatuyaon ka saka pagngingisihan ninda.

Ezekiel 8:18

Mamamatean ninda an gabat kan sakuyang kaanggotan. Dai ko sinda paliligtason o maheherakan. Maski magkurahaw pa sinda sa saindang pagpamibi sa sako, dai ko sinda dadangogon.”

Levitico 26:24

ako na mismo an maatubang saindo asin papadusahan ko kamo nin pito pang beses kagabat ki sa mga enot na padusa.

Levitico 26:27

“Kun pakatapos kaiyan magpadagos pa giraray kamo sa pagtalikod sako asin dai pa magsunod,

Levitico 26:41

kaya tinalikodan ko sinda asin ipinadarang mga bihag sa daga kan saindang mga kaiwal. Alagad kun magpakumbaba an saindong kapagarakian asin mabayadan na ninda an padusa kan saindang mga kasalan,

Nahum 1:2

Habo an Kagurangnan Dios nin mga karibal; pinapadusahan niya an mga tawong minasalungat saiya. Sa saiyang kaanggotan, binabalos niya sinda.

Nahum 1:6

Siisay an mabubuhay kun siya naaanggot? Siisay an makakatagal sa labi-labi niyang kaanggotan? Saiyang inuula an nagkakalayo niyang kaanggotan; naroronot an mga gapo sa saiyang atubang.