Levitico 26:26 - Marahay na Bareta Biblia

²⁶ Hahaleon ko an ginigikanan kan saindong pagkakan, kaya saro sanang pogon an magagamit nin sampolong babae tanganing lutoan kan gabos nindang tinapay. Irarasyon ninda iyan asin pakatapos nindong magkakan, dai man giraray kamo mababasog.

Levitico 26:26 ပူးပေါင်းရင်းမြစ်များ

2 Mga Hade 6:25

Huli kaini nagkaigwa nin gutom sa Samaria, na maski an payo nin asno ipinagpapabakal sa halagang otsentang pedaso nin plata, asin an ipot nin salampati sa halagang limang pedaso nin plata.

Salmo 105:16

Sa Canaan, gutom an ipinadara nin Kagurangnan; hinale niya an gabos nindang pagkakan.

Isaias 3:1

Huli ta uya, an Kagurangnan, an Kagurangnan nin mga hukbo, hahaleon niya sa Jerusalem saka sa Juda an gabos na sinasarigan kan katawohan. Hahaleon niya an sinasarigan nindang pagkakan asin tubig.

Isaias 5:10

An sampolong ektaryang ubasan makukuahan sana nin walong letro nin arak, asin an syento otsentang litrong banhi mabunga sana nin dyes y otsong litrong mais.”

Isaias 9:19

Huli ta anggot an Kagurangnan nin mga hukbo, an padusa niya maglalaad siring sa kalayo na matutong kan daga asin magadan sa mga tawo; kaya an lambang saro dai maheherak maski sa saiyang tugang.

Isaias 9:20

Saen man na lugar inaagaw dangan kinakakan kan mga tawo an anoman na pagkakan na saindang makua, alagad dai sinda nababasog. Maski an sadiri nindang mga aki, saindang kinakakan!

Jeremias 14:12

Maski sinda mag-ayuno, dai ko hihinanyogon an saindang pag-agrangay; asin maski pa magdolot sinda sako nin mga tinutong na atang saka mga pagkakan, dai ako mawiwili sainda. Embes kaiyan, gagadanon ko sinda sa gera asin sa gutom saka sa helang.”

Ezekiel 14:13

“Aki nin tawo, kun an sarong daga nagkakasala asin nagigin bakong maimbod sa sako, uunaton ko an sakong kamot asin raraoton ko an ginigikanan kan saindang kakanon. Mapadara ako nin makuring gutom asin gagadanon ko an mga tawo saka mga hayop.

Ezekiel 4:10

Sagkod sana sa dos syentos treyntang gramo nin tinapay an saimong kakanon sa sarong aldaw.

Ezekiel 4:16

Nagsabi pa siya, “Aki nin tawo, oontokon ko an pag-abot nin tinapay sa Jerusalem. An mga tawo duman mawawaraan nin paglaom asin mahahandal mantang sinusukol ninda an tinapay na saindang kakakanon asin an tubig na saindang iinomon.

Ezekiel 4:17

Gigibohon ko ini tanganing mawaraan sinda nin tinapay saka tubig; mawawaraan sinda nin paglaom asin magagadan sinda huli sa saindang mga kasalan.”

Ezekiel 5:16

Oontokon ko an pagtao nin pagkakan saimo asin gugutomon taka. An kulog nin gutom na mamamatean mo magigin arog sa kulog kan tama nin sarong matarom na bosog na magadan saimo.

Oseas 4:10

Makakan kamo kan saindong kahirasan kan mga sakripisyo alagad dai kamo mababasog. Magsasamba kamo sa mga dios-dios, alagad dai kamo makakaigwa nin mga aki, huli ta tinalikodan nindo ako tanganing magsunod sa mga dios-dios.”

Levitico 26:27

“Kun pakatapos kaiyan magpadagos pa giraray kamo sa pagtalikod sako asin dai pa magsunod,

Mikas 6:14

Makakan ka alagad dai mababasog—sa katotoohan padagos kang magugutom. Magsasaray ka, alagad dai mo iyan mapapakinabangan; an anoman na saimong sarayon raraoton ko sa gera.

Hageo 1:6

Dakul na trigo an saindong itinanom, alagad dikit sana an saindong inani. May pagkakan kamo, alagad kulang pa tanganing mabasog kamo. May arak kamong inomon, alagad kulang man tanganing maburat kamo! Igwa kamo nin gubing, alagad kulang man giraray tanganing mahimbongan kamo. An trabahador kulang man an inaakong tandan tanganing mabuhay.