Levitico 26:25 - Marahay na Bareta Biblia

²⁵ Dadarahan ko kamo nin gera huli sa pagtalikod nindo sa satong tipan, asin kun magdurulag kamo pasiring sa saindong mga syudad, papadarahan ko kamo nin mga helang na mayong karahayan, dangan mapipiritan kamong magsuko sa saindong mga kaiwal.

Levitico 26:25 ပူးပေါင်းရင်းမြစ်များ

2 Samuel 24:15

Kaya pinadarahan nin Kagurangnan nin peste an Israel, poon aga sagkod sa panahon na itinalaan niya. Nagkagaradan an setenta mil na Israelita poon sa Dan sagkod sa Beer-sheba.

1 Mga Hade 8:33

“Kun madaog kan kaiwal an saimong banwaan nin Israel huli ta nagkasala sinda saimo; kun magbalik sinda saimo asin mamibi digdi sa Templo, mapakumbabang maghagad nin kapatawadan,

1 Mga Hade 8:37

“Kun magkaigwa sa daga nin gutom o peste, o maraot an mga tanom huli sa doros, sa sobrang uran, sa mga doron, o kun salakayon kan mga kaiwal an saimong banwaan, o kun may mga helang na mag-abot sainda,

2 Mga Hade 17:3

Nakigera si Salmaneser na emperador nin Asiria laban ki Hosea; nagsuko si Hosea ki Salmaneser asin nagbuhis saiya taon-taon.

2 Mga Cronica 24:24

Sadit sana an hukbo kan mga taga Siria, alagad ipinadaog nin Kagurangnan an dakulang hukbo nin Juda huli ta binayaan kaini an Kagurangnan, an Dios kan saindang mga ginikanan. Sa paaging ini pinadusahan si Joas.

Salmo 94:1

Kagurangnan, ika sarong Dios na nagpapadusa; pahilingan an saimong kaanggotan!

Exodo 5:3

Nagsimbag si Moises asin si Aaron, “Nagpahiling samo an Dios kan mga Hebreyo. Tugote kaming lumakaw nin tolong aldaw pasiring sa kalangtadan tanganing mag-atang sa Kagurangnan na samong Dios. Kun dai mi magibo iyan, tibaad gadanon niya kami sa paagi nin gera o nin helang.”

Isaias 1:20

Alagad kun maghabo ka asin magrebelde, an espada an magadan saimo, huli ta ako, an Kagurangnan, an nagtaram.”

Isaias 65:12

Magigin palad nindo an magadan sa madahas na paagi, huli ta dai kamo nagsimbag kan apodon ko kamo, ni nagdangog kan ako magtaram. Pinili nindong isikwal ako asin naggibo kamo nin maraot.

Jeremias 19:7

Sa lugar na ini hahalean ko nin halaga an mga plano kan mga taga Juda saka mga taga Jerusalem. Ipapadaog ko sinda asin ipapagadan sa saindang mga kaiwal. An saindang mga bangkay itatao ko sa mga gamgam saka sa mga lalaw na hayop bilang kakanon.

Jeremias 24:10

Mapadara ako sainda nin gera, gutom, saka peste sagkod na mayo na nin matada sainda sa daga na itinao ko sainda asin sa saindang mga ginikanan.”

Jeremias 50:28

May mga tawong nagdurulag hale sa Babilonia saka nakaabot sa Jerusalem, asin inosip ninda an pagbalos na ginibo nin Kagurangnan na satong Dios sa Babilonia huli kan ginibo kaini sa saiyang Templo.)

Jeremias 51:11

Sinutsutan nin Kagurangnan an mga hade nin Media huli ta boot niyang raoton an Babilonia. Iyan an gigibohon niyang pagbalos huli sa pagkarumpag kan saiyang Templo. Nagboboot an nagsasalakay na mga opisyal, “Pataromon nindo an saindong mga bosog! Andama an saindong mga kalasag!

Jeremias 9:16

Iwawarak ko sinda sa mga nasyon na dai pa lamang ninda nadangog, ni kan saindang mga ginikanan. Mapadara ako nin mga hukbo na masalakay sainda sagkod na maubos ko sinda.”

Mga Panambitan 2:21

Nahuhutad sa mga tinampo an bangkay kan mga hoben saka mga gurang; mga hoben na lalaki asin babae nagkagaradan sa espada kan mga kaiwal; mayo nin pagkaherak na ginadan mo sinda sa aldaw nin saimong kaanggotan.

Ezekiel 14:17

“Pwede man na darahan ko nin gera an dagang idto asin magpadara nin nakakaraot na armas na magadan kan mga tawo saka mga hayop.

Ezekiel 20:37

“Didisiplinahon ko kamo asin ipapaotob ko nanggad saindo an sakong tipan.

Ezekiel 29:8

Kaya ako, an Kagurangnan Dios, an nagtataram saimo na mapadara ako nin mga tawong may espada sa pagsalakay saimo, asin gagadanon ninda an saimong mga namamanwaan saka mga hayop.

Ezekiel 33:2

“Aki nin tawo, ipahayag mo sa saimong banwaan an mangyayari kun magpadara na ako nin gera sa sarong lugar. An mga nag-eerok sa lugar na iyan mapili nin sarong bantay.

Ezekiel 5:17

Mapadara ako nin gutom saka mga lalaw na hayop na magadan kan saimong mga aki. Mapadara pa ako nin helang, kadahasan, saka gera na magadan saimo. Ako, an Kagurangnan, an nagtaram.”

Ezekiel 6:3

Sabihan mo an kabukidan nin Israel na magdangog sa tataramon kan Kagurangnan Dios—na magdangog sa tataramon ko, an Kagurangnan Dios, sa kabukidan asin kabubuldan, sa mga ampas saka mga kapantayan: Mapadara ako nin espada tanganing raoton an mga lugar na pinagsasambahan kan mga tawo nin mga dios-dios.

Oseas 11:6

An gera madatong sa saindang syudad asin maraot kan saindang mga trangkahan. Magagadan sa gera an sakong banwaan huli ta ginigibo ninda an hinohona nindang tama.

Levitico 26:6

“Tatawan ko nin katoninongan an daga asin magkakatorog kamo na dai matatakot sa kiisay man. Hahaleon ko an mga maringis na hayop sa daga asin dai na diyan magkakaigwa nin ralaban.

Amos 4:10

“Nagpadara ako nin peste sa saindo arog kan peste na ipinadara ko sa Egipto. Ginadan ko sa gera an hoben nindong mga lalaki asin sinamsam an saindong mga kabayo. Pinano ko an saindong mga dungo kan parong nin mga gadan sa saindong mga kampo, alagad dai man giraray kamo nagbalik sa sako.

Habakkuk 3:5

Pinapadara niya an helang sa enotan niya asin pinagbobotan niya an kagadanan na magsunod saiya.

Mga Bilang 14:12

Papadarahan ko sinda nin peste. Tutunawon ko sinda asin gigibohon takang ama nin sarong dakulang nasyon na mas makosog ki sa sainda!”

Mga Bilang 16:49

An bilang kan mga nagkagaradan uminabot sa katorse mil, syete syentos, pwera kan nagkagaradan sa pagrebelde ni Kora.

Mga Bilang 31:3

Kaya sinabihan ni Moises an mga tawo, “Mag-andam kamo para sa gera tanganing salakayon nindo an mga Midianita dangan padusahan huli kan ginibo ninda sa Kagurangnan.

Lukas 21:11

malinog nin makosog, asin magkakaigwa nin gutom saka peste sa manlaen-laen na lugar; magkakaigwa nin makangingirhat saka darakulang tanda hale sa kalangitan.

Deuteronomio 28:21

Papadarahan niya kamo nin mga peste sagkod na mayo nang matada saindo sa daga na saindong lalaogon dangan sasadirihon.

Deuteronomio 32:25

An gera manggagadan sa mga tinampo. An takot mahampak sa mga harong. Mga hoben na lalaki saka babae magagadan, sagkod an omboy na pasusuhon asin an ubanon na gurang.

Deuteronomio 32:35

An Kagurangnan an mabalos asin mapadusa sainda; maabot an panahon nin saindang pagkapadungkal; harani na an panahon nin saindang pagkagadan.

Deuteronomio 32:41

na tataison ko an sakong nagkikinang na espada tanganing gamiton para sa katanosan. Babaloson ko an sakong mga kaiwal, asin papadusahan idtong mga naoongis sako.

Hukom 15:11

Kaya nagduman sa lungib sa ampas nin Etam an tolong ribong kalalakihan sa Juda dangan sinabihan si Samson, “Dai mo naaaraman na an mga Filisteo iyo an kagsakop sato? Ano ining ginibo mo samo?” Nagsimbag si Samson, “Ginibo ko sana sainda an ginibo ninda sako.”