Levitico 26:22 - Marahay na Bareta Biblia

²² Papadarahan ko kamo nin mga maringis na hayop na magadan kan saindong kaakian, asin makakan kan saindong mga ataman na hayop tanganing kadikit na sana an matada saindo kaya mayo na nin maglalakaw sa saindong mga dalan.

Levitico 26:22 ပူးပေါင်းရင်းမြစ်များ

2 Mga Hade 17:25

Kan mga naenot na taon nin pag-erok ninda duman, dai sinda nagsamba sa Kagurangnan, kaya an Kagurangnan nagpadara nin mga leon, na guminadan sainda.

2 Mga Hade 2:24

Nagsalingoy si Eliseo asin kan mahiling niya sinda, minaldisyon niya sinda sa ngaran nin Kagurangnan. Dangan luminuwas hale sa kakahoyan an duwang babaeng oso saka ginaradan an kwarenta y dos sa mga aking lalaki.

2 Mga Cronica 15:5

Kaidtong panahon mayong tawong tiwasay na minaabot o minahale sa daga, huli ta igwa nin kasakitan asin kahorasaan sa gabos na lugar.

Isaias 24:6

Kaya minaldisyon nin Dios an daga asin nagbabayad na an mga tawo kan saindang kasalan. Tinurunaw niya an mga nag-eerok sa daga asin dikit na sana an natadang buhay.

Isaias 33:8

Pano nin pag-alaman an mga tinampo kaya mayo nin naglalakaw diyan. Linalapas an mga tipan asin mayo na nin ginagalangan.

Jeremias 15:3

Ako, an Kagurangnan, an mapadara sainda nin apat na makangingirhat na bagay: magagadan sinda sa gera; guguyodon kan mga ayam an saindang mga bangkay; kakakanon sinda kan mga gamgam; asin sisimoton kan mga lalaw na hayop an matatada sa saindang mga bangkay.

Jeremias 42:2

saka nakiolay sinda sako, “Ipamibi mo kami sa Kagurangnan na saimong Dios. Mamibi ka para sa samo gabos na natada. Kadakul mi kaidto; alagad ngunyan kadikit na sana kaming natada, siring sa nahihiling mo.

Mga Panambitan 1:4

Nagmomondo an mga dalan pasiring sa Sion huli ta mayong minadalaw para sa mga talaan na pyesta; mapungaw an saiyang mga trangkahan, nag-aagrangay an saiyang kapadian; ginuyod sa harayo an saiyang mga daraga, asin siya mismo nagtitios nin kapaitan.

Ezekiel 14:15

“Pwede man na magpadara ako nin mga lalaw na hayop tanganing gadanon an mga tawo. An daga mapapano nin pag-alaman asin mayo na nin makakaagi diyan.

Ezekiel 14:21

Ini an tataramon nin Kagurangnan Dios: “Mapadara ako nin apat na mangirhat na padusa sa Jerusalem—gera, makuring gutom, lalaw na mga hayop, asin peste—tanganing gadanon an mga tawo saka mga hayop.

Ezekiel 33:28

Gigibohon kong mamondo saka alang an daga, asin matatapos an kapangyarihan na ipinag-oorgulyo ninda. An kabukidan nin Israel magigin makatatakot kaya mayo na nin maagi duman.

Ezekiel 5:17

Mapadara ako nin gutom saka mga lalaw na hayop na magadan kan saimong mga aki. Mapadara pa ako nin helang, kadahasan, saka gera na magadan saimo. Ako, an Kagurangnan, an nagtaram.”

Levitico 26:6

“Tatawan ko nin katoninongan an daga asin magkakatorog kamo na dai matatakot sa kiisay man. Hahaleon ko an mga maringis na hayop sa daga asin dai na diyan magkakaigwa nin ralaban.

Mikas 3:12

Kaya, huli sa saindo, aaradohon an Sion arog sa sarong oma, magigin sarong tambak nin raot an Jerusalem, asin magigin sarong kadlagan an bulod na natitindogan kan Templo.

Zacarias 7:14

Arog sa sarong bagyo, ipinalid ko sinda sa harayo tanganing mag-erok sinda sa mga dayuhan na daga. Nagin sarong mamondong lugar an marahay na dagang ini, na mayo nin nag-eerok.”

Deuteronomio 32:24

Magagadan sinda sa gutom saka kalentura, asin sa makatakot na mga helang. Isusubol ko sa pagsalakay sainda an mga maringis na hayop, asin an mga makamandag na halas na makagat sainda.

Hukom 5:6

Sa mga aldaw ni Samgar, aking lalaki ni Anat, asin sa mga aldaw ni Jael, nag-ontok sa pag-agi sa daga an mga parabaklay, asin duman na sa mga dana sinda nagralakaw.