Levitico 26:17 - Marahay na Bareta Biblia

¹⁷ Lalabanan ko kamo, kaya madadaog kamo, asin an mga anggot saindo iyo an mahade saindo; madulag kamo maski mayo nin naglalamag saindo.

Levitico 26:17 ပူးပေါင်းရင်းမြစ်များ

Genesis 4:12

Kun magtanom ka, mayo kang aanihon; ika magigin sarong paradulag asin sarong lagalag sa kinaban.”

1 Mga Hade 8:33

“Kun madaog kan kaiwal an saimong banwaan nin Israel huli ta nagkasala sinda saimo; kun magbalik sinda saimo asin mamibi digdi sa Templo, mapakumbabang maghagad nin kapatawadan,

2 Mga Hade 13:3

Huli kaini, naanggot an Kagurangnan sa Israel kaya paulit-ulit na ipinadaog niya an Israel ki Hadeng Hazael nin Siria asin sa aki kaining si Ben-hadad.

2 Mga Hade 13:7

Mayo na nin natadang hukbo si Jehoahaz kundi an singkwentang lalaki na nakakabayo, sampolong karwahe asin dyes mil na soldados, huli ta an iba ginadan kan hade nin Siria, na tinimaktimakan niya siring sa alpog.

Salmo 44:10

Pinadulag mo kami sa samong mga kaiwal; an mga sadiri mi saindang sinamsam.

Salmo 53:5

Alagad aabotan sinda nin dakulang takot, na kaidto dai pa lamang nangyari; huli ta iwawarak nin Dios an mga tolang kan mga kaiwal nin saiyang banwaan. Magkakasoropog sinda huli ta isinikwal sinda nin Kagurangnan.

Salmo 53:6

Gumikan logod sa Sion an kaligtasan nin Israel! Kun ibalik na nin Dios an kayamanan nin saiyang banwaan, mag-oogma si Jacob, mag-oogma si Israel.

Mga Talinhaga 28:1

Nagdudulag an tampalasan maski mayong naglalamag, alagad an matanos maisog arog sa leon.

Isaias 30:17

Madurulag an sangribo saindo pakahiling sa sarong kaiwal, asin lima sanang soldados an kaipuhan tanganing magdurulag kamo gabos. Mayo nin matatada sa saindong hukbo pwera kan solo-solong kahoy na nakakabitan kan bandera sa ibabaw kan bulod.

Isaias 63:10

alagad nagrebelde sinda tumang saiya asin pinamondo ninda an saiyang espiritu. Kaya nagin kaiwal ninda an Kagurangnan asin linabanan niya sinda.

Jeremias 19:7

Sa lugar na ini hahalean ko nin halaga an mga plano kan mga taga Juda saka mga taga Jerusalem. Ipapadaog ko sinda asin ipapagadan sa saindang mga kaiwal. An saindang mga bangkay itatao ko sa mga gamgam saka sa mga lalaw na hayop bilang kakanon.

Jeremias 44:11

“Kaya ako, an Kagurangnan nin mga hukbo, an Dios nin Israel, an makalaban saindo saka matunaw kan bilog na Juda.

Mga Panambitan 1:5

Mga kaiwal an nagsakop saiya, nagin mauswag an mga kalaban niya; pinasakitan siya nin Kagurangnan huli kan dakul niyang mga kasalan. Nagharale an saiyang kaakian, binihag kan mga kaiwal.

Mga Panambitan 2:4

Arog sa kaiwal, an saiyang mga bosog ihinimunta niya samo; ginadan niya an gabos na nakakapaogma samo. An saiyang labi-labing kaanggotan namatean nyamo digdi sa Jerusalem.

Ezekiel 15:7

asin papadusahan. Maski nakaligtas sinda sa sarong kalayo, alagad matututong man giraray sinda sa kalayo. Kun padusahan ko na sinda, maaaraman nindo na ako an Kagurangnan.

Levitico 17:10

Kun an sarong Israelita o dayuhan na nakikihimanwa sainda magkakan nin karne na igwa pa nin dugo, siya magigin kaiwal nin Kagurangnan asin dai na ibibilang na kaayon sa saiyang banwaan.

Deuteronomio 28:25

“Ipapadaog kamo nin Kagurangnan sa saindong mga kaiwal. Masalakay kamo sainda hale sa sarong direksyon, alagad madulag kamo pasiring sa gabos na direksyon; mangalas an gabos na tawo sa daga kun mahiling ninda an nangyari saindo.

Josue 7:4

Kaya mga tolong ribong Israelita sana an nagsalakay sa Ai, alagad napiritan sindang magsibog.

Hukom 2:14

Kaya naanggot nin marahay sa sainda an Kagurangnan asin tinugotan niyang paghabonan asin salakayon an mga Israelita. Tinugotan niyang daogon kan mga kaiwal ninda an Israel, sagkod na dai na ninda kayang iligtas an saindang sadiri.

Hukom 3:14

Nagin mga oripon ni Eglon an mga Israelita sa laog nin dyes y otsong taon.

Hukom 3:8

Kaya naanggot sainda nin marahay an Kagurangnan asin pinabayaan niyang sakopon sinda kan hadeng si Cusan Risataim kan Mesopotamia; nagin oripon niya sinda sa laog nin walong taon.

Hukom 6:2

Mas makosog an mga Midianita ki sa mga Israelita, kaya nagtarago sinda sa mga lungib asin sa ibang ligtas na lugar sa kabubuldan.

1 Samuel 12:15

Alagad kun dai nindo hinanyogon an Kagurangnan, kundi lapason an saiyang mga togon, lalabanan niya kamo asin an saindong hade.

1 Samuel 31:1

Nakilaban an mga Filisteo sa mga Israelita sa Bukid nin Gilboa. Dakul na Israelita an nagkagaradan duman. Nagdurulag an iba sainda na kairiba si Hadeng Saul asin an mga aki niyang lalaki.

1 Samuel 4:10

Kaya nakilaban an mga Filisteo asin nadaog ninda an mga Israelita. Nagdurulag an mga Israelita pasiring sa saindang mga harong. Dakul an nagkagaradan: treynta mil na mga soldados an nagadan sa Israel.