Levitico 26:14 - Marahay na Bareta Biblia

¹⁴ “Alagad kun dai nindo ako dangogon asin dai nindo gibohon an mga pagboot ko, papadusahan ko kamo.

Levitico 26:14 ပူးပေါင်းရင်းမြစ်များ

2 Mga Hade 22:13

“Magduman kamo dangan hapoton nindo an Kagurangnan para sako para sa banwaan, asin para sa gabos na taga Juda manongod sa mga tataramon na yaon sa librong ini. Anggot sato an Kagurangnan huli ta dai kinuyog kan satong mga ginikanan an dapat na gibohon siring sa sinasabi kan librong ini.”

2 Mga Cronica 34:24

an mensaheng ini nin Kagurangnan: “An Jerusalem asin an mga nag-eerok digdi papadusahan ko kan gabos na sumpa na nasusurat sa libro na binasa sa atubangan kan hade nin Juda.

2 Mga Cronica 7:19

Alagad kun ika asin an saimong banwaan magtalikod sako asin dai magkuyog kan sakong mga togon saka mga pagboot; kun magsunod kamo, maglingkod asin magsamba sa ibang mga dios,

Salmo 81:12

Kaya pinabayaan ko sinda sa katagasan kan saindang mga payo tanganing masunod ninda an sadiri nindang mga mawot.

Mga Talinhaga 3:33

An maldisyon nin Kagurangnan yaon sa harong kan maraot, alagad benebendisyonan niya an erokan kan matanos.

Jeremias 11:8

Alagad dai sinda naghinanyog ni nagkuyog, kundi an lambang saro nagdanay sa katagasan kan saiyang makasalan na puso. Pinagbotan ko sinda na otobon an sakong tipan, alagad habo ninda akong kuyogon. Kaya dinara ko sainda an gabos na padusa na sinasabi sa sakong tipan.”

Jeremias 17:27

Alagad dapat na kuyogon ninda ako, asin ipaglehe ninda an Sabbath bilang sarong banal na aldaw. Dai nanggad sinda magdara nin anoman sa paglaog sa mga trangkahan nin Jerusalem sa aldaw na iyan. Kun dai, susuloon ko an mga trangkahan nin Jerusalem. Masusulo an mga palasyo nin Jerusalem, asin mayo nin siisay man na makakasigbo kan kalayo.”

Jeremias 26:4

Tinaraman ako nin Kagurangnan na isabi sa mga tawo an siring, “Ako, an Kagurangnan, nagtaram na dapat kamong magkuyog sako sa paagi nin pag-otob kan katukdoan na itinao ko saindo,

Jeremias 28:8

An mga propetang naenot sato nagpropesiya na magkakaigwa nin gera, gutom, saka peste sa dakul na nasyon asin sa darakulang kahadean.

Jeremias 32:23

Alagad kan mag-abot sinda asin masakop an dagang ini, dai ninda kinuyog an mga pagboot mo, ni namuhay sosog sa saimong katukdoan. Dai ninda ginibo an arin man sa mga pagboot mo, kaya pinadarahan mo sinda kan gabos na kasakitan na ini.

Jeremias 40:2

Isiniblag ako kan pinakahalangkaw na opisyal saka sinabihan, “An Kagurangnan na saimong Dios nagpatanid nin karatan sa dagang ini,

Mga Panambitan 1:18

“Alagad tama an Kagurangnan, huli ta dai ko siya kinuyog. Dangoga nindo ako, kamo gabos na banwaan, asin hilinga an sakong kasakitan; an gabos kong mga hoben na lalaki asin babae napaduman sa pagkabihag.

Mga Panambitan 2:17

Ginibo mananggad nin Kagurangnan an saiyang itinaram na gigibohon; mayo nin pagkaherak na rinaot niya kita, siring kan ipinatakot niya kaidto. Pinapanggana niya an satong mga kaiwal, pinaogma sa satong pagbagsak.

Daniel 9:13

Itinao mo samo an gabos na padusa na sinasabi sa Katogonan ni Moises. Alagad maski ngunyan, O Kagurangnan na samong Dios, dai kami naghingowa na mapaogma ka sa paagi nin pagbakle sa samong mga kasalan o sa pagsunod kan saimong katotoohan.

Oseas 7:12

Alagad bibikladon ko an sarong hikot asin dadakopon ko sinda siring sa mga gamgam sa saindang paglayog. Papadusahan ko sinda huli kan karatan na saindang ginibo.

Levitico 26:18

“Kun pakatapos kaiyan, dai man giraray kamo magkuyog sako, dadagdagan ko an padusa saindo nin pitong beses huli kan saindong mga kasalan.

Malakias 2:2

Kaipuhan na omawon nindo ako sa paagi kan saindong ginigibo. Kun dai kamo magdangog sa sakong sinasabi, dadarahan ko kamo nin maldisyon. Mamaldisyonon ko man an mga biyaya na inaako nindo. Sa katunayan, minaldisyon ko na an mga iyan, huli ta dai nindo pinahalagahan an sakong pagboot.

Mga Gibo 3:23

Huli ta an siisay man na dai magdangog sa propetang iyan, isisiblag sa banwaan nin Dios asin gagadanon.’

Hebreyo 12:25

Mag-ingat kamo na dai nindo ipagsikwal an nagtataram saindo. Kun dai nakadulag an mga dai nagdangog sa mga patanid nin Dios kan magtaram siya sa paagi ni Moises, kita pa daw an makadulag kun isikwal ta an nagpapatanid sato hale sa langit?

Josue 23:15

Alagad siring na inotob niya an lambang panuga na ginibo niya saindo, gigibohon man niya an mga maraot na bagay na ipinatanid niya saindo.

Hukom 2:15

Kun nakikilaban sinda, kinakalaban sinda nin Kagurangnan siring sa saiyang sinabi; kaya dakula an saindang kahaditan.

1 Samuel 12:15

Alagad kun dai nindo hinanyogon an Kagurangnan, kundi lapason an saiyang mga togon, lalabanan niya kamo asin an saindong hade.