Levitico 26:13 - Marahay na Bareta Biblia

¹³ Ako an Kagurangnan na saindong Dios, na nagkua saindo hale sa Egipto tanganing dai na kamo magin mga oripon. Binari ko na an saindong sakal asin pinalakaw ko kamo na daing sukat ikasopog.”

Levitico 26:13 ပူးပေါင်းရင်းမြစ်များ

Salmo 116:16

Sorogoon mo ako, Kagurangnan; sorogoon mo ako, na aking lalaki kan babae mong oripon. Ako pinatalingkas mo.

Exodo 14:8

Pinatagas nin Kagurangnan an puso kan hade kaya linamag kaini an mga Israelita, na mapangganang nagharale.

Exodo 20:2

“Ako an Kagurangnan na saindong Dios na nagdara saindo sa luwas kan daga nin Egipto, sa luwas kan harong nin kaoripnan.

Exodo 6:7

Kamo an magigin banwaan ko asin ako an magigin Dios nindo. Mamimidbid nindo na ako an Kagurangnan, an saindong Dios, na naghale sa saindo sa pang-ooripon kan mga Egipcio.

Isaias 51:23

Itatao ko iyan sa mga tawong nag-api saindo, sa mga nagpahigda saindo sa tinampo asin nagtimaktimak saindo na garo ati kamo.”

Isaias 9:3

Tinawan mo sinda nin dakulang kaogmahan, Kagurangnan; pinaogma mo sinda. Naoogma sinda sa saimong ginibo, siring na naoogma an mga tawo kun sinda nag-aani o kun sinda naghihiras kan mga sinamsam.

Jeremias 2:20

Nagsasabi an Kagurangnan na Makakamhan, “Israel, haloy mo nang isinikwal an kapangyarihan ko; habo mo akong kuyogon saka sambahon. sa ibabaw nin lambang halangkaw na bulod asin sa lindong nin lambang berdeng kahoy nagsamba ka arog sa sarong babaeng maraot.

Jeremias 28:2

na an Kagurangnan nin mga hukbo, an Dios nin Israel, nagtaram nin siring, “Hinale ko na an kapangyarihan kan hade nin Babilonia.

Jeremias 28:4

Ibabalik ko man digdi si Jehoiakin na aking lalaki ni Jehoiakim, na hade nin Juda, asin an gabos na taga Juda na ipinatapok sa Babilonia. Hahaleon ko na an kapangyarihan kan hade nin Babilonia. Ako, an Kagurangnan, an nagtaram.”

Ezekiel 30:18

Magdidiklom an Tafnes kun barion ko na an kapangyarihan nin Egipto asin taposon ko na an kosog na ipinag-orgulyo niya. An Egipto matatahoban nin sarong panganoron asin mabibihag an gabos na tawo sa saiyang mga syudad.

Ezekiel 34:27

An mga kahoy mamumunga, an kaomahan matao nin ani, asin an lambang saro matiwasay na mag-eerok sa sadiri niyang daga. Kun putolon ko na an mga kadena nin sakong banwaan asin patalingkason ko na sinda sa mga nag-oripon sainda, dangan maaaraman ninda na ako an Kagurangnan.

Oseas 11:4

Dinagka ko sinda sa sako huli sa pakikipagkatood asin pagkamoot. Initaas ko sinda dangan idinuta sa sakong pisngi; nagduko ako sainda asin pinakakan ko sinda.

Levitico 25:38

Ako an Kagurangnan na saindong Dios, na kuminua saindo hale sa daga nin Egipto tanganing itao saindo an daga nin Canaan asin tanganing ako an magin Dios nindo.

Levitico 25:42

An banwaan nin Israel iyo an mga oripon ko, asin ako an kuminua sainda sa Egipto; dai sinda dapat ipabakal bilang mga oripon.

Levitico 25:55

An sarong Israelita dai pwedeng magin oripon sagkod lamang, huli ta an banwaan nin Israel iyo an sakong oripon. Ako an nagkua sainda sa Egipto. Ako an Kagurangnan na saindong Dios.”

Nahum 1:13

Babarion ko na an sakal na ibinugtak saimo kan Asiria asin puputolon ko na an kadenang iginapos saimo.”