Levitico 25:6 - Marahay na Bareta Biblia

⁶ Maski dai nindo inataman an daga sa taon na iyan, matao man giraray iyan nin pagkakan sa saindo, sa mga oripon nindo, sa mga nagpapatandan saindo, sa mga dayuhan na nakikihimanwa saindo,

Levitico 25:6 ပူးပေါင်းရင်းမြစ်များ

2 Mga Hade 19:29

Dangan sinabihan ni Isaias si Hadeng Ezekias, “Ini an magigin tanda para saimo: Sa taon na ini asin sa masunod, magkakakan kamo kan trigong nagsadiring magtalubo, alagad sa ikatolong taon matanom kamo nin trigo asin maani kaiyan, dangan matanom kamo nin mga ubas asin makakan kan bunga kaiyan.

Exodo 23:11

Alagad sa ikapitong taon pabayaan nindo an daga asin dai nindo pag-anihon an ano man na magtalubo diyan tanganing may makakan an mga dukha, asin an matada makakan kan mga lalaw na hayop. Arog man kaiyan an saindong gibohon sa saindong ubasan saka olibahan.

Levitico 25:20

“Alagad kun igwa saindo nin maghapot, ‘Ano an satong kakakanon sa laog kan ikapitong taon, kun kita dai pwedeng magtanom asin magtipon kan bunga nin satong oma?’

Levitico 25:21

Bebendisyonan ko an daga sa ikaanom na taon tanganing mamunga iyan kan kakakanon nindo para sa tolong taon.

Levitico 25:5

Dai kamo mag-ani kan trigo na nagtalubo maski dai man nindo itinanom, asin dai kamo magtipon kan mga ubas sa saindong ubasan, na dai man nindo inataman; an taon na iyan sarong taon nin pahingalo para sa daga.

Levitico 25:7

sa mga inaataman nindong mga hayop saka sa mga lalaw na hayop na yaon sa saindong kaomahan. An gabos na bunga kan daga sa taon na iyan pwedeng kakanon.

Mga Gibo 2:44

An mga nagtutubod nagkasararo, asin pinagsaro ninda an saindang pagsadiri.

Mga Gibo 4:32

An gabos na paratubod nagkasararo sa isip asin sa puso. Mayo nin nagsabi na an sadiri niya saiya sana, kundi an gabos na bagay sadiri kan gabos.