Levitico 25:54 - Marahay na Bareta Biblia

⁵⁴ Kun dai pa siya makatalingkas huli sa mga nasambit na paagi, papatalingkason siya asin an saiyang mga aki sa masunod na Taon nin Katalingkasan.

Levitico 25:54 ပူးပေါင်းရင်းမြစ်များ

Isaias 49:25

Nagsisimbag an Kagurangnan, “Maaagaw maski an mga nabihag kan mga soldados, asin maaagaw an sinamsaman kan makuring mananakop. Lalabanan ko an nakikilaban saindo asin ililigtas ko an mga aki nindo.

Isaias 49:9

Sasabihan ko an mga bilanggo, ‘Puli na kamo!’ asin an mga nasa kadikloman, ‘Luwas kamo digdi sa liwanag!’ Makakaarog sinda sa mga karnero na nagsasabsab sa kabubuldan;

Isaias 52:3

Nagsasabi an Kagurangnan Dios sa saiyang banwaan, “Ipinabakal kamo na mayo nin bayad, kaya tutuboson man kamo na mayo nin bayad.

Levitico 25:10

Sa paaging ini, pinapalaen nindo an ikasingkwentang taon asin ipinapahayag nindo an katalingkasan sa gabos na nag-eerok sa daga. Sa taon na iyan ibabalik nindo sa dating kagsadiri o sa saiyang kapagarakian an gabos na ipinabakal nindang pagsadiri. An siisay man na ipinabakal bilang oripon, mapuli sa sadiri niyang pamilya.

Levitico 25:13

“Sa taon na iyan, an gabos na pagrogaring na ipinabakal ibabalik sa dating kagsadiri kaiyan.

Levitico 25:55

An sarong Israelita dai pwedeng magin oripon sagkod lamang, huli ta an banwaan nin Israel iyo an sakong oripon. Ako an nagkua sainda sa Egipto. Ako an Kagurangnan na saindong Dios.”