Levitico 25:48 - Marahay na Bareta Biblia

⁴⁸ Maski nabakal na siya, igwa pa siya nin deretso na balukaton. Pwede siyang balukaton kan saro sa mga tugang niya

Levitico 25:48 ပူးပေါင်းရင်းမြစ်များ

2 Mga Hade 4:1

Nagduman ki Eliseo an sarong babaeng balo na kaayon sa sarong grupo nin mga propeta asin nagsabi, “An sakong agom gadan na. Naaaraman mo na igwa siya nin pagkatakot sa Kagurangnan, alagad an pinagkautangan niya nag-abot tanganing kuahon an duwa kong aking lalaki tanganing oriponon.”

Nehemias 5:5

An samong rasa pareho man kan rasa kan kapwa mi Judio; an samong mga aki pareho man kan saindang mga aki. Alagad napipiritan kaming ipaoripon an samong mga aki. An nagkapira ming aking babae ipinabakal na bilang mga oripon. Mayo kaming magiginibo kaini huli ta kinua na kan iba an samong mga oma saka mga ubasan.”

Nehemias 5:8

dangan nagtaram ako, “Sagkod na kaya mi pa, tinutubos mi an kapwa ta Judio na nagpabarakal kan saindang sadiri sa mga dayuhan. Alagad ngunyan pinipirit nindo an sadiri nindong mga tugang na ipabakal an sadiri ninda sa saindo na kapwa ninda Judio!” Dai sinda naggirong asin dai nakasimbag nin anoman.

Levitico 25:25

Kun magin dukha an sarong Israelita asin mapiritan siya na ipabakal an saiyang daga, an pinakaharani niyang kadugo iyo an mabalukat kaiyan.

Levitico 25:35

“Kun magin dukha an kapwa nindo Israelita na nag-eerok sa harani nindo asin dai na niya kayang buhayon an saiyang sadiri, dapat na tawan nindo siya kan kaipuhan niya sa buhay, tanganing padagos siyang mamuhay sa kaibahan nindo, arog sa sarong dayuhan o nakikihimanwa.

Levitico 25:47

“Halimbawa nagyaman an sarong dayuhan o an sarong nakikihimanwa saindo, mantang an sarong Israelita nagin dukha asin ipinabakal niya an saiyang sadiri duman sa dayuhan o sa nakikihimanwa saindo o sa sarong kaayon kan pamilya kan dayuhan.

Levitico 25:49

o kan saiyang tiyo o kan saiyang primo o kan saro niyang kadugo na kaayon sa saiyang pamilya; o kun magyaman siya, siya na mismo an mabalukat sa sadiri niya.