Levitico 25:46 - Marahay na Bareta Biblia

⁴⁶ Pwede nindo sindang ipamana sa saindong mga aking lalaki, na saindang paglilingkodan sa bilog nindang buhay. Alagad dai nanggad nindo pag-apihon an kapwa nindo Israelita.

Levitico 25:46 ပူးပေါင်းရင်းမြစ်များ

Exodo 1:13

kaya ginibo nindang makaherak an buhay kan mga ini sa paagi nin magagabat na trabaho. Mayong pagkaherak na pinirit nindang magtrabaho an mga Israelita sa saindang mga proyektong pagtugdok nin mga edipisyo asin sa gabos na trabaho sa saindang oma.

Isaias 14:2

Magtatarabang an dakul na nasyon sa pagbalik nin Israel sa saiyang sadiring daga, asin paglilingkodan ninda an Israel bilang mga oripon. An mga nagsakop kaidto sa Israel iyo an sasakopon nin Israel, asin an Israel iyo an mahade sa mga tawong nag-api sainda kaidto.

Levitico 25:43

Dai nindo sinda pag-apihon kundi matakot kamo sa saindong Dios.

Levitico 25:45

Pwede man nindong bakalon an mga aki kan mga dayuhan na nakikihimanwa saindo. An siring na mga aki na namundag sa saindong daga pwedeng magin pagsadiri nindo.

Levitico 25:47

“Halimbawa nagyaman an sarong dayuhan o an sarong nakikihimanwa saindo, mantang an sarong Israelita nagin dukha asin ipinabakal niya an saiyang sadiri duman sa dayuhan o sa nakikihimanwa saindo o sa sarong kaayon kan pamilya kan dayuhan.