Levitico 25:43 - Marahay na Bareta Biblia

⁴³ Dai nindo sinda pag-apihon kundi matakot kamo sa saindong Dios.

Levitico 25:43 ပူးပေါင်းရင်းမြစ်များ

Genesis 42:18

Sa ikatolong aldaw sinabihan niya sinda, “Ako sarong tawo na may pagkatakot sa Dios; giboha nindo ini asin mabubuhay kamo:

2 Mga Cronica 28:10

Ngunyan boot pa nindong gibohon na mga oripon an mga lalaki saka mga babae nin Juda asin nin Jerusalem. Dai nindo naaaraman na nagkasala man kamo sa Kagurangnan na saindong Dios?

An Libro ni Job 31:13

“Kun dai ko minidbid an deretso kan sakong sorogoon na babae o lalaki, kan magreklamo sinda laban sako,

An Libro ni Job 31:14

ano an magigibo ko kun maghukom na an Dios? Kun siya magsiyasat, ano an isisimbag ko saiya?

Exodo 1:17

Alagad dai sinunod kan mga partera an pagboot kan hade huli ta may pagkatakot sinda sa Dios; pinabayaan nindang mabuhay an mga aking lalaki.

Exodo 2:23

Pakalihis nin halawig na panahon, nagadan an hade nin Egipto, alagad an mga Israelita padagos na nasa kaoripnan. Kaya nag-agrangay sinda sa sobrang pagtios—inagrangay na nakaabot sa Dios.

Exodo 3:7

Nagtaram pa an Kagurangnan, “Nahiling ko an grabeng kasakitan kan sakong banwaan sa Egipto. Nadangog ko an saindang inagrangay na iligtas sinda sa mga nag-ooripon sa sainda. Naaaraman ko an gabos nindang tinitios,

Exodo 3:9

Nadangog ko an inagrangay kan sakong banwaan asin nahiling ko an pag-api sainda kan mga Egipcio.

Exodo 5:14

Kun minakulang an mga ladrilyong nahahaman kan mga tawo, kinukulogan kan mga Egipciong parapamahala an mga kapatas na Israelita. Minahapot sinda, “Tano ta kulang sa bilang an ginibo nindong ladrilyo ngunyan?”

Isaias 47:6

Naanggot ako sa sakong banwaan; dai ko na sinda ibinilang na sadiri ko. Itinao ko sinda sa saimong kamot, asin dai mo sinda naherakan; maski an mga gurang saimong sinakalan.

Isaias 58:3

Naghahapot an mga tawo, “Tadaw ta mag-aayuno kami? Dai man iyan nahihiling kan Kagurangnan. Tadaw ta dai kami magkakan kun dai man niya iyan papahalagahan? An Kagurangnan nagsasabi sainda, “Sa katotoohan, mantang nag-aayuno kamo, padagos nindong hinahanap an kaogmahan asin inaapi nindo an saindong mga trabahador.

Ezekiel 34:4

Dai nindo pinakosog an mga maluluya, dai binolong an mga naghehelang, dai binugkosan an mga nalugadan, dai ibinalik an mga nalagalag, asin dai hinanap an mga nawara. Embes kaiyan ipinamate nindo sainda an saindong kakurihan saka kadahasan.

Levitico 25:17

Dai nindo pagdayaon an kapwa nindo Israelita, kundi magkaigwa kamo nin takot sa Dios; huli ta ako an Kagurangnan na saindong Dios.

Levitico 25:42

An banwaan nin Israel iyo an mga oripon ko, asin ako an kuminua sainda sa Egipto; dai sinda dapat ipabakal bilang mga oripon.

Levitico 25:44

Kun nangangaipo kamo nin mga oripon, makakabakal kamo sa mga nasyon na nasa palibot nindo.

Levitico 25:46

Pwede nindo sindang ipamana sa saindong mga aking lalaki, na saindang paglilingkodan sa bilog nindang buhay. Alagad dai nanggad nindo pag-apihon an kapwa nindo Israelita.

Levitico 25:53

na garo man sana siya nagpapatandan taon-taon. Dai siya pwedeng pag-apihon kan saiyang kagurangnan.

Malakias 3:5

Nagsasabi an Kagurangnan nin mga hukbo, “Madatong ako sa tahaw nindo sa paghukom, asin ako an masaksi laban sa mga parakulam, sa parasambay, sa mga nagsasaksi nin putik, sa mga nagdadaya kan bayad kan mga parapatandan, asin sa mga nang-aapi sa mga babaeng balo, mga ilo, asin mga dayuhan—sa gabos na dai minagalang sako.

Efeso 6:9

Mga kagurangnan, siring man an gibohon nindo sa saindong mga oripon; dai nindo sinda pagpatakoton. Giromdomon nindo na kamo saka an saindong mga oripon sakop kan saro sanang Kagurangnan na yaon sa langit. Mayo siyang pinapalaen na tawo.

Deuteronomio 25:18

Mayo sindang pagkatakot sa Dios, kaya sinalakay ninda kamo sa likodan kan kamo nanluluya asin pagal na, dangan ginadan ninda an gabos na kairiba nindong nasa hurihan.

Colosas 4:1

Mga kagurangnan, magin marahay kamo asin matanos sa saindong mga oripon. Giromdomon nindo na igwa man kamo nin Kagurangnan duman sa langit.