Levitico 25:28 - Marahay na Bareta Biblia

²⁸ Alagad kun kulang an kwartang pambalukat niya, an daga padagos na masasadirihan kan nakabakal sagkod na umabot an masunod na Taon nin Katalingkasan na iyo an panahon nin pagbalik kan daga sa dating kagsadiri kaiyan.

Levitico 25:28 ပူးပေါင်းရင်းမြစ်များ

Jeremias 32:15

Nagtaram an Kagurangnan nin mga hukbo, an Dios nin Israel, na magkakaigwa giraray nin pagbabarakalan nin mga harong, oma, asin ubasan sa dagang ini.”

Levitico 25:10

Sa paaging ini, pinapalaen nindo an ikasingkwentang taon asin ipinapahayag nindo an katalingkasan sa gabos na nag-eerok sa daga. Sa taon na iyan ibabalik nindo sa dating kagsadiri o sa saiyang kapagarakian an gabos na ipinabakal nindang pagsadiri. An siisay man na ipinabakal bilang oripon, mapuli sa sadiri niyang pamilya.

Levitico 25:13

“Sa taon na iyan, an gabos na pagrogaring na ipinabakal ibabalik sa dating kagsadiri kaiyan.

Levitico 25:29

“Kun an ipinabakal nin sarong lalaki sarong harong na nasa laog kan syudad na nakukudalan, an nagpabakal igwa nin deretso na balukaton iyan sa laog nin sarong taon poon kan aldaw nin pagpabakal.

Levitico 25:30

Kun dai niya iyan mabalukat sa laog kan taon na iyan, mawawaraan siya kan deretso nin pagbalukat; an harong magigin permanenteng pagsadiri kan nakabakal asin kapagarakian niya. Dai na iyan ibabalik saiya sa Taon nin Katalingkasan.

Levitico 25:41

Pag-abot kan panahon na iyan, babayaan niya kamo asin ipag-iiba niya an saiyang mga aki tanganing magpuli sa saiyang pamilya saka sa pagsadiri kan saiyang mga ginikanan.

Levitico 27:24

Sa Taon nin Katalingkasan, ipupuli an oma sa dating kagsadiri kaiyan o sa saiyang kapagarakian.