Levitico 25:24 - Marahay na Bareta Biblia

²⁴ “Kaya kun ipabakal an sarong daga, dapat na midbidon kan mabakal an deretso nin pagbalukat kaiyan saiya kan nagpabakal.

Levitico 25:24 ပူးပေါင်းရင်းမြစ်များ

Jeremias 32:7

na si Hanamel, na aking lalaki kan tiyo kong si Sallum, madolok sako tanganing ipabakal an saiyang oma sa Anatot, sa teritoryo ni Benjamin, huli ta ako an pinakaharani niyang kadugo asin igwa nin deretso na magbakal kan daga.

Ezekiel 7:13

Mayong negosyante na mabubuhay nin halawig tanganing makabangon giraray sa saiyang pagkalugi, huli ta para sa gabos an labi-labing kaanggotan nin Dios. An mga maraot dai makakaligtas sa kagadanan.

Levitico 25:23

“Dai nindo pwedeng ipabakal an saindong daga na an kondisyon kan kabakalan sagkod na lamang, huli ta bako nindong sadiri iyan; sadiri ko iyan, asin siring kamo sa mga dayuhan na nakikihimanwa sako.

Levitico 25:25

Kun magin dukha an sarong Israelita asin mapiritan siya na ipabakal an saiyang daga, an pinakaharani niyang kadugo iyo an mabalukat kaiyan.

Levitico 25:27

kaipuhan bayadan niya an nakabakal kan maninigong kantidad para sa mga taon na natatada pa bago umabot an masunod na Taon nin Katalingkasan, na iyo an talaan na panahon na ipupuli man sana saiya an daga minsan dai niya iyan balukaton.

Levitico 25:31

Alagad an mga harong na nasa luwas kan nakukudalan na syudad mimidbidon na arog sa mga oma; an dating kagsadiri kaiyan igwa nin deretsong balukaton giraray iyan asin ibabalik iyan saiya sa Taon nin Katalingkasan kun dai niya nabalukat.

Roma 8:23

Alagad bako sana an bilog na linalang an nag-aagrangay, kundi kita man na nag-ako na kan Espiritu na iyo an enot kan mga regalo nin Dios sato. Sa satuyang boot nag-aagrangay man kita, mantang pinaghahalat ta an Dios na gibohon kitang mga aki niya saka tuboson an satong hawak sa pagkagapos.

1 Corinto 1:30

Alagad isinaro kamo nin Dios ki Cristo Jesus; ginibo man niya na si Cristo iyo an magin kadonongan ta. Sa paagi ni Cristo Jesus, kita nagin matanos sa Dios; pinangagin banal kita asin talingkas.

Efeso 1:14

An Espiritu Santo iyo an sangra kan satong pamana sagkod na makamtan nyato iyan, sa kaomawan nin saiyang kamurawayan!

Efeso 1:7

Tinubos kita ni Cristo huli kan saiyang dugo, pinatawad kita kan satong mga kasalan, sosog sa kayamanan kan biyaya nin Dios,

Efeso 4:30

Dai nindo pagpamondoon an Espiritu Santo nin Dios, an tanda nin Dios sa saindo para sa Aldaw nin pagtubos.