Levitico 25:23 - Marahay na Bareta Biblia

²³ “Dai nindo pwedeng ipabakal an saindong daga na an kondisyon kan kabakalan sagkod na lamang, huli ta bako nindong sadiri iyan; sadiri ko iyan, asin siring kamo sa mga dayuhan na nakikihimanwa sako.

Levitico 25:23 ပူးပေါင်းရင်းမြစ်များ

Genesis 23:4

“Dayuhan ako digdi na nakikihimanwa sa saindo; pabakalan nindo ako nin daga tanganing ikalubong ko an sakong agom.”

Genesis 47:9

Nagsimbag si Jacob, “An mga taon nin sakong pakikihimanwa uminabot na sa syento treynta. Kadikit asin masakit an mga taon na iyan, bakong arog kan halawig na panahon nin pakikihimanwa kan sakong mga ginikanan.”

1 Mga Hade 21:3

Alagad nagsabi si Nabot ki Ahab, “Dai logod itugot nin Kagurangnan na itao ko saimo an pamana kan sakong mga ginikanan.”

1 Mga Cronica 29:15

Mga dayuhan kami sa atubangan mo; mga nakikihimanwa, arog kan samong mga ginikanan. An samong mga aldaw arog sa sarong anino, asin dai magdadanay.

2 Mga Cronica 7:20

hahaleon ko kamo sa daga na itinao ko saindo. Papabayaan ko an Templong ini na kinonsagra ko para sa sakong ngaran. Pagngingisihan ini saka pagtutuyatuyaon kan gabos na tawo.

Salmo 119:19

Halipot sana an buhay ko digdi sa kinaban; hare sako pagtagoa an saimong mga kabotan.

Salmo 24:1

Sadiri nin Kagurangnan an kinaban asin an kapanoan kaiyan, an daga saka an gabos na nag-eerok diyan;

Salmo 39:12

Hinanyoga an sakuyang pamibi, Kagurangnan, asin dangoga an sakuyang inagrangay; kun ako maghibi dumolok ka sa pagtabang. Ako saro sanang bisita, sarong dayuhan, arog kan sakong mga ginikanan.

Salmo 39:13

Magtalikod ka sako, tanganing magkaigwa ako nin kaogmahan, bago ako maghale asin mawara sagkod lamang.

Salmo 85:1

Kagurangnan, naherakan mo an saimong daga; ibinalik mo an mga kayamanan ni Jacob.

Exodo 19:5

Kaya ngunyan, kun susunodon nindo ako asin kun ootobon nindo an sakong tipan, pipilion ko kamo bilang sadiri ko sa gabos na banwaan huli ta rogaring ko an bilog na kinaban.

Exodo 2:22

Nag-aki si Zippora nin lalaki. Nagsaboot si Moises, “Ngangaranan ko siyang Gersom huli ta saro akong dayuhan sa dagang ini.”

Isaias 8:8

Mabulos iyan sa bilog na Juda siring sa sarong baha na minalangkaw paliog asin minatahob kan gabos.” An Dios nasa sato! An saiyang unat na mga pakpak an nag-iingat kan daga.

Ezekiel 48:14

An lugar na linaen para sa Kagurangnan iyo an pinakamarahay na parte kan daga asin an arin man na kabtang kaiyan dai pwedeng ipabakal o ribayan o ibalyo sa kiisay man. Iyan banal saka pagsadiri nin Kagurangnan.

Oseas 9:3

Dai magdadanay an banwaan nin Israel sa daga nin Kagurangnan, kundi mapipiritan na magbalik sa Egipto asin magkakan kan ipinangalad na kakanon sa Asiria.

Joel 2:18

Dangan ipinahiling nin Kagurangnan an saiyang pagmakulog sa saiyang daga; naherakan niya an saiyang banwaan.

Joel 3:2

Titiponon ko an gabos na nasyon asin dadarahon ko sinda sa Kapantayan nin Paghukom. Huhukoman ko sinda duman huli kan gabos na ginibo ninda sa sakong banwaan. Iwinarak ninda an mga Israelita sa dayuhan na mga nasyon asin binanga ninda an Israel, an sakong daga.

Levitico 25:10

Sa paaging ini, pinapalaen nindo an ikasingkwentang taon asin ipinapahayag nindo an katalingkasan sa gabos na nag-eerok sa daga. Sa taon na iyan ibabalik nindo sa dating kagsadiri o sa saiyang kapagarakian an gabos na ipinabakal nindang pagsadiri. An siisay man na ipinabakal bilang oripon, mapuli sa sadiri niyang pamilya.

Levitico 25:24

“Kaya kun ipabakal an sarong daga, dapat na midbidon kan mabakal an deretso nin pagbalukat kaiyan saiya kan nagpabakal.

Deuteronomio 32:43

“Mga nasyon, mag-omaw kamo sa banwaan nin Kagurangnan, huli ta pinapadusahan nin Kagurangnan an minagadan sainda; binabalos niya an saiyang mga kaiwal asin pinapatawad an kasalan kan saiyang banwaan.”

1 Pedro 2:11

Mga namomotan kong tugang, nakikiolay ako saindo na kamo, bilang mga dayuhan saka mga nasa destyero sa kinaban na ini, dai kamo magpadaog sa mga kamawotan kan laman na danay na nakikilaban sa mga kalag nindo.