Levitico 25:21 - Marahay na Bareta Biblia

²¹ Bebendisyonan ko an daga sa ikaanom na taon tanganing mamunga iyan kan kakakanon nindo para sa tolong taon.

Levitico 25:21 ပူးပေါင်းရင်းမြစ်များ

Genesis 26:12

Nag-oma duman si Isaac, asin sa taon na idto, nag-ani siya nin sanggatos na beses kan itinanom niya, huli ta benendisyonan siya nin Kagurangnan.

Genesis 41:47

Sa laog nin pitong taon, nagkaigwa nin dakul saka marahay na ani sa daga.

Salmo 133:3

Kabaing iyan sa ambon sa ibabaw kan bukid nin Hermon, na minahugpa sa kabukidan nin Sion. Duman nanuga an Kagurangnan kan saiyang bendisyon— buhay na daing kataposan.

Exodo 16:29

Giromdoma nindo na tinawan ko kamo nin aldaw nin pahingalo, kaya sa ikaanom na aldaw tinatawan ko kamo nin pagkakan para sa duwang aldaw. An lambang saro dai maghale sa saiyang lugar asin mayong magluwas sa harong sa ikapitong aldaw.”

Exodo 16:5

Sa ikaanom na aldaw doble kan dati nindang kinukua sa aroaldaw an saindang titiponon asin aandamon.”

Mga Talinhaga 10:22

An bendisyon nin Kagurangnan nakakapayaman, asin dai niya iyan dinadagdagan nin kamondoan.

Ezekiel 34:26

“Bebendisyonan ko sinda asin tutugotan na mag-erok sa palibot kan sakong banal na bulod. Papadarahan ko sinda duman nin uran sa tamang panahon; an uran na iyan magigin sarong bendisyon.

Levitico 25:4

Alagad an ikapitong taon iyo an taon nin pahingalo para sa daga, sarong taon na Sabbath para sa Kagurangnan. Dai kamo magtanom sa saindong oma o magpakarahay kan saindong ubasan.

Levitico 25:6

Maski dai nindo inataman an daga sa taon na iyan, matao man giraray iyan nin pagkakan sa saindo, sa mga oripon nindo, sa mga nagpapatandan saindo, sa mga dayuhan na nakikihimanwa saindo,

2 Corinto 9:10

An Dios, na nagtatao nin banhi sa paratanom saka nin tinapay bilang kakanon, iyo man an matao saindo kan gabos na banhi na kaipuhan nindo. Papataluboon niya iyan, tanganing dakul an magin bunga kan saindong pagkamatinao.

Deuteronomio 28:3

“Bebendisyonan nin Kagurangnan an saindong mga banwa saka kaomahan.

Deuteronomio 28:8

“Bebendisyonan nin Kagurangnan na saindong Dios an saindong mga trabaho dangan papanoon niya nin inani an saindong mga harong-harong; bebendisyonan niya kamo sa daga na itatao niya saindo.