Levitico 25:17 - Marahay na Bareta Biblia

¹⁷ Dai nindo pagdayaon an kapwa nindo Israelita, kundi magkaigwa kamo nin takot sa Dios; huli ta ako an Kagurangnan na saindong Dios.

Levitico 25:17 ပူးပေါင်းရင်းမြစ်များ

Genesis 20:11

Nagsimbag si Abraham, “An paghona ko mayo nin siisay man digdi na may pagkatakot sa Dios, asin gagadanon ninda ako tanganing makua an sakong agom.

Genesis 22:12

“Dai mo pagkulogan an aki o paggibohan nin ano man,” an sabi kan anghel. “Ngunyan, aram ko nang igwa kang pagkatakot sa Dios, huli ta dai mo isinayuma an saimong bugtong na aki kan hagadon ko siya saimo.”

Genesis 39:9

pareho an samong kapangyarihan digdi sa harong asin dai siya nin ipinapangalad sako kundi ika sana, huli ta agom ka niya. Tano ta magibo ako kan siring na karigsokan asin magkasala ako sa Dios?”

Genesis 42:18

Sa ikatolong aldaw sinabihan niya sinda, “Ako sarong tawo na may pagkatakot sa Dios; giboha nindo ini asin mabubuhay kamo:

2 Mga Cronica 19:7

Kaya magkaigwa kamo nin takot sa Kagurangnan asin isipon nindo nin marahay an saindong ginigibo, huli ta an Kagurangnan na satuyang Dios dai nagbibiko nin hustisya, mayong kinikilingan asin dai nag-aako nin suhol.”

Nehemias 5:15

An mga gobernador na nagkaerenot sako nagbugtak nin magabat na pasanon sa mga tawo asin naghagad sinda nin kakanon saka arak, laen pa kan kwarentang kwartang plata sa sarong aldaw. Sagkod an saindang mga sorogoon nang-api man sa mga tawo. Alagad dai ko iyan ginibo, huli ta may pagkatakot ako sa Dios.

Nehemias 5:9

Dangan nagtaram ako, “Bakong marahay an ginigibo nindo. Dapat magkaigwa kamo nin pagkatakot sa Dios asin gibohon an matanos tanganing dai kita pagtuyatuyaon kan satong mga kaiwal na nasyon.

Salmo 19:9

Marahay an paggalang sa Kagurangnan; magdadanay iyan sagkod lamang. Totoo an mga hatol nin Kagurangnan; matanos an gabos na iyan.

Exodo 20:20

Nagsimbag si Moises, “Dai kamo matakot; huli ta an Dios napadigdi sa pagbalo sa saindo. Boot niyang magkaigwa kamo nin takot sa saiya tanganing dai kamo magkasala.”

Mga Talinhaga 1:7

An pagkatakot sa Kagurangnan iyo an kapinonan nin pakaaram; an kadonongan asin katukdoan mayo nin halaga para sa mga lolong.

Mga Talinhaga 14:31

An nag-aapi sa sarong dukha nagtutuyatuya sa saiyang Kaglalang, alagad an nagtatabang sa dukha nag-oomaw saiya.

Mga Talinhaga 16:6

Pinapatawad an kasalan huli sa kaimbodan, asin malilikayan nin tawo an karatan huli sa pagkatakot sa Kagurangnan.

Mga Talinhaga 22:22

Dai mo paghabonan an dukha huli ta siya dukha, o pag-apihon an mayong sukat sa atubang kan hukoman.

Isaias 3:14

Huhukoman nin Kagurangnan an mga pamayo saka an mga kamagurangan kan saiyang banwaan. Ini an pahayag nin Kagurangnan: “Kamo an nagsamsam kan mga ubasan; nasa saindong mga harong an mga nasamsam nindo sa mga dukha.

Jeremias 22:16

Itinao niya sa mga dukha an hustisya, kaya marahay gabos an nagin bunga kaiyan. Iyan an kahulogan kan pakamidbid sa Kagurangnan.

Levitico 19:13

“Dai nindo pag-apihon o paghabonan an saindong kapwa. Dai nindo pag-abalahon an sweldo nin sarong parapatandan minsan sarong banggi sana.

Levitico 19:14

Dai nindo pagmaldisyonon an sarong bongog o pagbugtakan nin singkogan an sarong buta tanganing matumba siya; alagad magkaigwa kamo nin pagkatakot sako. Ako an Kagurangnan.

Levitico 19:32

“Galangan nindo an mga gurang na asin omawon nindo sinda. Magkaigwa kamo nin pagkatakot sa sako. Ako an Kagurangnan.

Levitico 25:14

Kaya kun kamo nagpapabakal kan saindong daga sa kapwa nindo Israelita o kun kamo an nagbabakal nin daga, magbarakalan kamo sa matanos na paagi.

Levitico 25:36

Dai kamo maghagad nin tubo kun siya mag-utang, kundi matakot kamo sa Dios tanganing an kapwa nindo Israelita padagos na mamuhay harani saindo.

Levitico 25:43

Dai nindo sinda pag-apihon kundi matakot kamo sa saindong Dios.

Malakias 3:5

Nagsasabi an Kagurangnan nin mga hukbo, “Madatong ako sa tahaw nindo sa paghukom, asin ako an masaksi laban sa mga parakulam, sa parasambay, sa mga nagsasaksi nin putik, sa mga nagdadaya kan bayad kan mga parapatandan, asin sa mga nang-aapi sa mga babaeng balo, mga ilo, asin mga dayuhan—sa gabos na dai minagalang sako.

Lukas 12:5

Alagad papatanidan ko kamo kun siisay an dapat nindong katakotan: matakot kamo sa Dios huli ta pakatapos na magbawe nin buhay, may kapangyarihan pa siya na magtapok sa impyerno! Sinasabihan ko kamo, siya an dapat katakotan.

Mga Gibo 10:2

Maki-Dios an kapitan na ini. Siya saka an bilog niyang pamilya nagsasamba sa Dios. Naglilimos siya nin dakul sa mga dukhang Judio, asin danay na namimibi sa Dios.

Mga Gibo 10:35

kundi inaako niya an may pagkatakot saiya asin naggigibo nin matanos maski taga saen siyang nasyon.

Mga Gibo 9:31

Kaya an simbahan sa bilog na Judea, sa Galilea asin sa Samaria nagkaigwa nin katoninongan dangan nagkosog. Namuhay an simbahan sa pagkatakot sa Kagurangnan; asin sa tabang kan Espiritu Santo, nagdagdag an saindang bilang.

Roma 11:20

Totoo iyan. Pinutol sinda huli ta dai sinda nagtubod, mantang ika isinugpon dahel ta nagtubod ka. Alagad dai ka magpaabaw-abaw, kundi matakot ka.

Roma 3:18

ni nakanood na matakot sa Dios.”

Deuteronomio 25:18

Mayo sindang pagkatakot sa Dios, kaya sinalakay ninda kamo sa likodan kan kamo nanluluya asin pagal na, dangan ginadan ninda an gabos na kairiba nindong nasa hurihan.

1 Tesalonica 4:6

Sa bagay na ini mayo nin siisay man na magdigta o magraot sa saiyang tugang, huli ta makuri an padusa nin Kagurangnan sa gabos na maggibo kan mga bagay na ini, siring sa ipinatanid mi na saindo kaidto.

1 Samuel 12:24

Matakot kamo sa Kagurangnan asin maimbod na paglingkodan nindo siya sa bilog nindong puso. Giromdoma nindo an darakulang mga bagay na ginibo niya para saindo.