Levitico 25:14 - Marahay na Bareta Biblia

¹⁴ Kaya kun kamo nagpapabakal kan saindong daga sa kapwa nindo Israelita o kun kamo an nagbabakal nin daga, magbarakalan kamo sa matanos na paagi.

Levitico 25:14 ပူးပေါင်းရင်းမြစ်များ

2 Mga Cronica 16:10

Naanggot si Asa sa propeta asin ini saiyang ipinabilanggo. Kan panahon man na ini nagpoon na magin makuri si Asa sa nagkapira niyang mga tawohan.

Salmo 10:18

Dadangogon mo an mga inagrangay kan mga naaapi asin mga ilo; susurogon mo sinda sa saimong paghukom, tanganing dai na manakot an mga tawong daganon.

Mga Talinhaga 14:31

An nag-aapi sa sarong dukha nagtutuyatuya sa saiyang Kaglalang, alagad an nagtatabang sa dukha nag-oomaw saiya.

Mga Talinhaga 21:13

An dai nagdadangog sa inagrangay nin dukha, mag-aagrangay man, alagad mayo saiya nin mahinanyog.

Mga Talinhaga 22:16

An nagreregalo sa mayaman, o an nag-aapi sa dukha tanganing magyaman magigin dukha man.

Mga Talinhaga 28:16

Magigin makuri an pamayo na mayo nin toltol na kaisipan. An naoongis sa pandadaya maghahaloy sa pamamahala.

Mga Talinhaga 28:3

An nag-aapi sa dukha garo makosog na doros na nagraraot sa mga tinanom.

Mga Talinhaga 28:8

Kun magyaman ka huli sa pagpatubo asin pagbentahe sa iba, an saimong kayamanan mapapaduman sa sarong tawo na maheherakon sa dukha.

Parahulit 5:8

Dai ka magngalas kun mahiling mo na an mga dukha inaapi kan gobyerno asin isinasayuma sainda an katanosan saka an saindang deretso; huli ta an lambang opisyal dinedepensahan kan mas halangkaw saiya, asin sindang duwa dinedepensahan man kan mas halangkaw pa sainda.

Isaias 1:17

mag-adal ka sa paggibo nin karahayan papaghadea an katanosan, ontoka an pang-aapi; suroga an mga ilo, asin an mga babaeng balo.

Isaias 33:15

Mabubuhay kamo kun magsabi saka maggibo kamo kan matanos. Dai nindo paggamiton an saindong kapangyarihan sa pagdaya kan mga dukha asin dai kamo mag-ako nin mga suhol. Dai kamo makiayon sa mga nagpaplanong manggadan o sa magibo nin karatan.

Isaias 5:7

An ubasan kan Kagurangnan nin mga hukbo iyo an banwaan nin Israel asin an kalalakihan nin Juda iyo an saiyang mga piling tinanom. Naghanap siya nin hustisya, alagad nahiling niya an panggagadan. Naghanap siya nin katanosan, alagad inagrangay para sa hustisya an saiyang nadangog!

Isaias 58:6

“An pag-ayuno na boot ko iyo ini: Tangkason nindo an kadena nin pang-aapi asin an sakal nin inhustisya, saka talingkasan nindo an mga naaapi.

Jeremias 22:17

Alagad mayo ka nin ibang hinihiling kundi an saimong sadiri; ginagadan mo an mayo nin sala asin madahas mong inaapi an saimong banwaan. An Kagurangnan an nagtaram.

Ezekiel 22:7

Mayo nin siisay man sa syudad na minagalang sa saiyang mga magurang. Dinadaya nindo an mga dayuhan asin inaabuso an mga babaeng balo saka mga ilo.

Levitico 19:13

“Dai nindo pag-apihon o paghabonan an saindong kapwa. Dai nindo pag-abalahon an sweldo nin sarong parapatandan minsan sarong banggi sana.

Levitico 25:15

Ipapabakal an daga sa kantidad na sosog sa bilang kan mga taon na an daga pwedeng magbunga bago umabot an masunod na Taon nin Katalingkasan.

Levitico 25:17

Dai nindo pagdayaon an kapwa nindo Israelita, kundi magkaigwa kamo nin takot sa Dios; huli ta ako an Kagurangnan na saindong Dios.

Mikas 7:3

Gabos sinda eksperto sa paggibo kan maraot. An mga opisyal saka mga hukom naghahagad nin suhol. Sinasabihan sinda kan mapangyaring tawo kan saiyang kamawotan, asin tarabang sindang minagibo nin plano.

Lukas 3:14

May mga soldados man na naghapot saiya, “Kami, ano an dapat ming gibohon?” “Dai kamo magkua nin kwarta maski kiisay sa paagi nin kosog o salang sumbong; makontento kamo sa sweldo nindo.”

1 Corinto 6:8

Alagad kamo mismo an nagpapakaraot asin nagdadaya sa sadiri nindong mga tugang.

Hukom 4:3

Si Jabin igwa nin nuebe syentos na karwaheng gibo sa lansang, asin sa laog nin beynteng taon, pinasakitan niya saka inapi an mga Israelita, kaya nag-agrangay sinda sa Kagurangnan tanganing tabangan.