Levitico 25:10 - Marahay na Bareta Biblia

¹⁰ Sa paaging ini, pinapalaen nindo an ikasingkwentang taon asin ipinapahayag nindo an katalingkasan sa gabos na nag-eerok sa daga. Sa taon na iyan ibabalik nindo sa dating kagsadiri o sa saiyang kapagarakian an gabos na ipinabakal nindang pagsadiri. An siisay man na ipinabakal bilang oripon, mapuli sa sadiri niyang pamilya.

Levitico 25:10 ပူးပေါင်းရင်းမြစ်များ

Esdras 1:3

Ibahan logod kamo nin Dios, kamo gabos na saiyang banwaan. Magduman kamo sa Jerusalem asin hirahayon nindo an Templo nin Kagurangnan, an Dios nin Israel, na sinasamba sa Jerusalem.

Salmo 146:7

minapahiling siya nin hustisya sa inaapi; minatao nin kakanon sa nagugutom. Pinapatalingkas nin Kagurangnan an mga bilanggo;

Exodo 20:2

“Ako an Kagurangnan na saindong Dios na nagdara saindo sa luwas kan daga nin Egipto, sa luwas kan harong nin kaoripnan.

Isaias 49:9

Sasabihan ko an mga bilanggo, ‘Puli na kamo!’ asin an mga nasa kadikloman, ‘Luwas kamo digdi sa liwanag!’ Makakaarog sinda sa mga karnero na nagsasabsab sa kabubuldan;

Isaias 63:4

Napaghorophorop ko na duminatong na an panahon tanganing iligtas an sakong banwaan; panahon tanganing padusahan an saindang mga kaiwal.

Jeremias 34:10

Nagkaoroyon man an gabos na tawo saka an saindang mga lider na talingkasan an saindang mga oripon asin na dai na nanggad ninda ooriponon an mga ini. Pinatalingkas ninda an mga ini,

Jeremias 34:8

Nagkaoroyon si Hadeng Zedekias asin an mga taga Jerusalem na talingkasan

Ezekiel 46:17

Alagad kun arin man na kabtang kan daga na sadiri kan prinsipe an iregalo niya sa saro kan saiyang mga sorogoon, masasadirihan giraray niya iyan sa Taon nin Katalingkasan. Sadiri iyan kan Prinsipe, asin siya sana saka an saiyang mga aking lalaki an makakasadiri kaiyan sagkod pa man.

Levitico 25:11

An taon na ini magigin sarong taon nin pag-ogma para sa saindo; dai kamo magtanom, ni mag-ani kan trigo na nagsadiring magtalubo sa saindong oma, ni magguno kan ubas sa saindong ubasan na dai nindo inataman.

Levitico 25:13

“Sa taon na iyan, an gabos na pagrogaring na ipinabakal ibabalik sa dating kagsadiri kaiyan.

Levitico 25:41

Pag-abot kan panahon na iyan, babayaan niya kamo asin ipag-iiba niya an saiyang mga aki tanganing magpuli sa saiyang pamilya saka sa pagsadiri kan saiyang mga ginikanan.

Levitico 25:54

Kun dai pa siya makatalingkas huli sa mga nasambit na paagi, papatalingkason siya asin an saiyang mga aki sa masunod na Taon nin Katalingkasan.

2 Corinto 3:17

Ngunyan, “an Kagurangnan” na sinasabi digdi iyo an Espiritu Santo; kun haen an Espiritu nin Kagurangnan, yaon man an katalingkasan.

Galacia 4:25

Si Agar iyo an Bukid nin Sinai sa Arabia; siya an syudad nin Jerusalem na nasa kaoripnan kaiba an mga tawo diyan.

Galacia 5:13

Mga tugang, inapod kamo na magin talingkas. Alagad dai nindo gibohon iyan na dahelan na magpadaog kamo sa mga kamawotan kan laman. Kundi magpatarabang-tabang kamo dahel sa pagkamoot.

1 Pedro 2:16

Mamuhay kamo siring sa mga tawong talingkas; alagad dai nindo paggamiton an saindong katalingkasan sa paggibo nin maraot. Mamuhay kamo siring sa mga oripon nin Dios.