Levitico 24:7 - Marahay na Bareta Biblia

⁷ Dangan bugtakan nindo nin purong insenso an lambang taytay bilang sarong giromdom na dolot na pagkakan sa Kagurangnan kasalihid kan tinapay.

Levitico 24:7 ပူးပေါင်းရင်းမြစ်များ

Genesis 9:16

Paglataw kan bulalangaw sa mga panganoron, mahihiling ko iyan asin magigiromdoman ko an daing kataposan na tipan ko sa gabos na may buhay sa kinaban.

Exodo 12:14

Kaipuhan na selebraron nindo an aldaw na ini bilang sarong pyesta tanganing magiromdoman nindo an sakong ginibo. Gigibohon nindo ini sagkod pa man. Ako an Kagurangnan.”

Exodo 13:9

An paggibo kaini sarong pagiromdom, arog sa sarong bagay na nakagakod sa saindong kamot o sa saindong angog; magpapagiromdom iyan sa saindo na magpadagos kamo sa pag-adal kan Togon nin Kagurangnan, huli ta ilinuwas niya kamo sa Egipto huli kan saiyang dakulang kapangyarihan.

Exodo 17:14

Dangan nagtaram an Kagurangnan ki Moises, “Isurat mo an kapangganahan na ini tanganing dai malingawan. Sabihan mo si Josue na paparaon ko sa daga an mga Amalekita.”

Exodo 28:12

Dangan ikabit mo ini sa tirante kan efod bilang paggiromdom sa doseng tribu nin Israel. Sa siring na paagi, dadarahon ni Aaron an saindang mga ngaran sa saiyang mga abaga sa atubang ko tanganing ako, an Kagurangnan, danay na makagiromdom sa sakong banwaan.

Isaias 43:23

Dai ka nagdara sako kan saimong karnero para sa tinutong na atang; dai mo ako inomaw kan saimong mga sakripisyo. Dai taka pinagabatan huli sa mga dolot ni pinagal huli sa paghagad nin insenso.

Levitico 2:1

Kun magdara nin trigo an siisay man tanganing idolot sa Kagurangnan bilang dolot na pagkakan, kaipuhan na gilingon niya ngona iyan na magin arina. Uulaan niya iyan nin lana nin oliba asin bubugtakan nin insenso sa ibabaw,

Levitico 2:2

dangan dadarahon niya sa mga pading aki ni Aaron. Mahakbot an padi nin sarong gugom kan arina saka lana, kaiba an gabos na insenso dangan tututongon niya iyan sa altar bilang tanda na an gabos idinolot na sa Kagurangnan. An parong kaiyan nawiwilihan nin Kagurangnan.

Levitico 2:9

Makua nin sadit na kabtang an padi bilang tanda na an gabos idinolot sa Kagurangnan asin tututongon niya iyan sa altar. An parong kaiyan nawiwilihan nin Kagurangnan.

Juan 6:35

“Ako an tinapay nin buhay,” an sabi ni Jesus. “An magdolok sako dai na magugutom; an magtubod sako dai na mapapaha.

Juan 6:51

Ako an buhay na tinapay na naghilig hale sa langit. Mabubuhay sagkod pa man an magkakan kaini. An tinapay na itatao ko nganing mabuhay an kinaban iyo an sakong hawak.”

Mga Gibo 10:31

na nagsabi, ‘Cornelio! Dinangog nin Dios an saimong pamibi; ikinaogma niya an mga paglimos mo.

Mga Gibo 10:4

Hiniling niya an anghel sa dakulang takot dangan nagsimbag, “Ano po Kagurangnan?” Sinabihan siya kan anghel, “Ikinaogma nin Dios an saimong mga pamibi saka an mga paglimos mo.

Efeso 1:6

Omawon ta an Dios dahel kan saiyang nagsusupay na biyaya na itinao niya sato bilang regalo na yaon sa namomotan niyang Aki!

Hebreyo 7:25

Ngunyan asin sa gabos na oras, ikakaligtas niya an mga minadolok sa Dios sa paagi niya, huli ta nabubuhay siya sagkod lamang tanganing makimaherak sa Dios para sainda.