Levitico 24:22 - Marahay na Bareta Biblia

²² Saro sanang togon an masakop kan gabos, Israelita man o dayuhan. Ako an Kagurangnan na saindong Dios.”

Levitico 24:22 ပူးပေါင်းရင်းမြစ်များ

Exodo 12:49

Sakop kan mga pagboot na ini an gabos na Israelita asin an mga dayuhan na nakikihimanwa saindo.”

Levitico 17:10

Kun an sarong Israelita o dayuhan na nakikihimanwa sainda magkakan nin karne na igwa pa nin dugo, siya magigin kaiwal nin Kagurangnan asin dai na ibibilang na kaayon sa saiyang banwaan.

Levitico 19:34

Gibohon nindo sainda an ginigibo nindo sa kapwa nindo Israelita. Kamotan nindo sinda siring kan pagkamoot nindo sa saindo man sana. Giromdomon nindo na kamo nagin mga dayuhan man sa Egipto. Ako an Kagurangnan na saindong Dios.

Levitico 24:23

Pakasabi ni Moises kaini sa banwaan nin Israel, dinara ninda sa luwas kan kampo an lalaki asin duman ninda ini ginapo sagkod na magadan. Sa paaging ini inotob kan banwaan nin Israel an ipinagboot nin Kagurangnan ki Moises.

Mga Bilang 15:29

Igwa nin parehong pagsusundon para sa dai tuyong nagkasala, Israelita man o nakikihimanwa na dayuhan.

Mga Bilang 9:14

“Kun an sarong dayuhan na nakikihimanwa saindo boot magselebrar kan Paskwa, kaipuhan gibohon niya iyan sosog sa gabos na pagsusundon. An pagboot na ini para sa gabos, Israelita man o dayuhan.”

Deuteronomio 1:16

“Sinabihan ko sinda kaidto, ‘Dangogon nindo an mga kasong idinodolok saindo kan mga tawo, asin hukoman nindo nin matanos an kaso kan kapwa nindo Israelita o kan mga dayuhan na nakikihimanwa saindo.