Levitico 24:16 - Marahay na Bareta Biblia

¹⁶ An siisay man na Israelita o dayuhan na nag-eerok sa Israel, na maglanghad sa Kagurangnan, gagadanon kan bilog na komunidad sa paagi nin paggapo.

Levitico 24:16 ပူးပေါင်းရင်းမြစ်များ

2 Samuel 6:2

Pinangenotan niya sinda pasiring sa Baala sa Juda, tanganing kuahon duman an Kaban nin Tipan nin Dios, na inapod sa ngaran kan Makakamhan na Kagurangnan, na nagtutukaw sa trono sa ibabaw kan mga kerubin.

Salmo 139:20

Minataram sinda nin maraot tumang saimo; minataram nin maraot tumang sa ngaran mo.

Salmo 74:10

Sagkod nuarin, O Dios, magtutuya-tuya an kaiwal? Mag-oolog-olog daw sinda sagkod lamang kan saimong ngaran?

Salmo 74:18

Giromdoma, Kagurangnan, na nginingisihan ka kan mga kaiwal, ikinakaongis ka kan mga tawong masombikal.

Exodo 20:7

“Dai nindo paggamiton an sakong ngaran nin basang lamang, huli ta ako, an Kagurangnan na saindong Dios, mapadusa sa kiisay man na magbasang-basang kan sakong ngaran.

Exodo 22:28

“Dai kamo maglanghad sa Dios asin dai nindo pagsumpaon an sarong namamayo kan saindong banwaan.

Levitico 20:2

na sabihan an mga Israelita, “An siisay man saindo o sa mga dayuhan na nakikihimanwa sa saindo, na magtao kan arin man sa mga aki niya tanganing gamiton sa pagsamba ki Molec, gagapoon kan bilog na komunidad sagkod na magadan.

Mateo 12:31

Kaya sinasabihan ko kamo, papatawadon an mga tawo kan ano man na kasalan o paglanghad; alagad an maglanghad sa Espiritu Santo dai papatawadon.

Mateo 26:66

Ano an paghona nindo?” Nagsimbag sinda, “Dapat siyang gadanon.”

Markos 14:64

Nadangog nindo an saiyang paglanghad sa Dios! Ano an hatol nindo?” Gabos naghatol na siya ipagadan.

Juan 19:7

Nagsimbag an mga tawo, “Sosog sa samong katogonan, dapat siyang magadan, huli ta nagsabi siyang Aki siya nin Dios.”

Mga Gibo 26:11

Dakul na beses na ipinahampak ko sinda sa mga sinagoga asin hiningowa kong talikdan ninda an saindang pagtubod. Anggot ako nin marahay, kaya nakaabot ako sagkod sa mga syudad nin ibang nasyon sa pagpasakit sainda.

Mga Gibo 7:58

ginuyod paluwas kan syudad saka ginapo. Hinuba kan mga saksi an saindang pangibabaw na gubing saka iwinalat sa sarong hoben na an ngaran Saulo.

1 Timoteo 1:13

maski kaidto nagtaram ako nin maraot dapit saiya, nagpasakit asin naglanghad saiya. Alagad naherak sako an Dios, huli ta bako pa akong paratubod kaidto asin dai ko aram an sakong ginigibo.

Santiago 2:7

Bakong sinda man an nagraraot kan marahay na ngaran na itinao saindo nin Dios?