Levitico 23:4 - Marahay na Bareta Biblia

⁴ Ipahayag nindo an mga minasunod na pyesta sa talaan na panahon.

Levitico 23:4 ပူးပေါင်းရင်းမြစ်များ

Nehemias 8:15

Kaya ipinagboot ninda asin ibinalangibog sa bilog na Jerusalem asin sa iba pang mga syudad saka banwa an siring: “Magduman kamo sa kabubuldan asin magkua nin mga sanga nin aguho, mga oliba, mga mirto, mga palma, saka iba pang madahon na mga sanga tanganing gibohon na mga harong-harong, siring sa ipinagboot kan Katogonan.”

Exodo 12:14

Kaipuhan na selebraron nindo an aldaw na ini bilang sarong pyesta tanganing magiromdoman nindo an sakong ginibo. Gigibohon nindo ini sagkod pa man. Ako an Kagurangnan.”

Exodo 23:14

“Sa laog nin sarong taon, tolong beses na maselebrar kamo nin pyesta para sako.

Isaias 29:1

Herak man sa altar nin Dios, an mismong Jerusalem! Herak man sa syudad na pinagkampohan ni David! Palihisa pa nindo an saro o duwang taon, kaiba an pyesta saka mga pag-oogma,

Ezekiel 44:24

Kun igwa nin kaso an mga namamanwaan, sinda an magigin hukom asin huhukoman ninda an kaso sosog sa sakong mga togon. Kaipuhan kuyogon ninda an sakong mga togon saka mga pagboot manongod sa sakong mga talaan na pyesta, asin pakabanalon ninda an mga Sabbath.

Levitico 23:2

“Sabihan mo an banwaan nin Israel na iyo ini an mga itinalaan na pyesta nin Kagurangnan, na ipapahayag ninda bilang mga banal na pagtiripon.

Levitico 23:21

Sa aldaw na iyan dai kamo magtatrabaho nin ano man kundi magkakaigwa kamo nin banal na pagtiripon. An pagsusundon na ini gigibohon kan saindong kapagarakian sa mga maabot na panahon, saen man sinda mag-erok.

Levitico 23:37

“An mga iyan iyo an itinalaan na mga pyesta nin Kagurangnan na saindong ipapahayag bilang mga panahon nin banal na pagtiripon para sa pagsamba, para sa pagdolot nin mga dolot na pagkakan, tinutong na atang, dolot kan enot na bunga kan saindong inani, mga sakripisyo asin mga dolot na arak, sa talaan na panahon kan pagdolot kaiyan sa aroaldaw.

Nahum 1:15

Hilinga! Igwang sarong sugo na nagdadangadang sa kabukidan dara an marahay na bareta! Nagdadangadang siya tanganing ipahayag an kapangganahan! Banwaan nin Juda, selebraron mo an saimong mga pyesta asin itao mo sa Dios an ipinanuga mo saiya. Dai na nanggad sasalakayon kan mga maraot an saimong daga; nagkagaradan na sinda gabos!