Levitico 23:39 - Marahay na Bareta Biblia

³⁹ “Pakaani nindo kan saindong mga oma, otobon nindo an mga pyestang ini sa laog nin pitong aldaw, magpoon sa ikakinseng aldaw kan ikapitong bulan. Magpahingalo kamo sa enot na aldaw asin sa ikawalong aldaw.

Levitico 23:39 ပူးပေါင်းရင်းမြစ်များ

Exodo 23:16

“Selebraron nindo an Pyesta nin Pag-ani pagpoon kan saindong pag-ani kan mga bunga nin saindong kapagalan, nin saindong tinanom sa oma. “Sa kataposan kan taon selebraron nindo an Pyesta nin mga Harong-harong kun gunoon na nindo asin tiponon an mga bunga kan saindong ubasan, asin kan iba pang mga kahoy.

Levitico 23:24

“Sabihan mo an banwaan nin Israel na sa enot na aldaw kan ikapitong bulan, gigibohon an sarong aldaw nin solemning pahingalo, sarong pagiromdom na ipapahayag sa paagi kan tanog kan mga trompeta, sarong aldaw nin pagtiripon. Magtiripon kamo sa pagsamba kun madangog na nindo an tanog kan mga trompeta.

Levitico 23:34

“Sabihan mo an banwaan nin Israel na sa laog nin pitong aldaw, magpoon sa ikakinse kan ikapitong bulan na ini, iyo an Pyesta nin mga Harong-harong para sa Kagurangnan.

Levitico 23:36

Aroaldaw sa laog nin pitong aldaw, madolot kamo nin sarong dolot na pagkakan sa Kagurangnan; sa ikawalong aldaw magkaigwa giraray kamo nin banal na pagtiripon asin magdolot kamo nin dolot na pagkakan. Sarong aldaw iyan nin solemning pagtiripon asin dai kamo magtrabaho. (

Levitico 23:38

An mga pyestang ini laen pa kan mga aldaw na Sabbath nin Kagurangnan, asin an mga dolot na ini laen man kan saindong mga regalo, mga dolot sa pag-otob nin panuga, asin mga boluntad na dolot na itinatao nindo sa Kagurangnan.)

Levitico 23:40

Sa enot na aldaw, magdara kamo kan pinakamarahay na mga bunga kan saindong mga kahoy, mga sanga nin palma, asin nin mga madahon na kahoy, dangan mag-ogma kamo sa atubangan nin Kagurangnan na saindong Dios sa laog nin pitong aldaw.

Deuteronomio 16:13

“Pakaginik nindo kan saindong ani asin pakapugaa nindo kan saindong mga ubas, selebraron nindo an Pyesta nin mga Harong-harong sa laog nin pitong aldaw.