Levitico 23:36 - Marahay na Bareta Biblia

³⁶ Aroaldaw sa laog nin pitong aldaw, madolot kamo nin sarong dolot na pagkakan sa Kagurangnan; sa ikawalong aldaw magkaigwa giraray kamo nin banal na pagtiripon asin magdolot kamo nin dolot na pagkakan. Sarong aldaw iyan nin solemning pagtiripon asin dai kamo magtrabaho. (

Levitico 23:36 ပူးပေါင်းရင်းမြစ်များ

Nehemias 8:18

Nagbasa sinda sa libro kan Katogonan nin Dios aroaldaw, poon sa enot na aldaw kan pyesta sagkod sa huring aldaw. Nagselebrar sinda sa laog nin pitong aldaw, asin sa ikawalong aldaw, nagtiripon sinda sa pagtapos kan pyesta, siring sa ipinagboot kan Katogonan.

Joel 1:14

Magpaluwas kamo nin mga pagboot para sa pag-ayuno; patiripona an gabos na tawo! Tipona an mga lider asin an mga taga Juda sa laog kan Templo nin Kagurangnan na saindong Dios dangan mag-agrangay kamo saiya!

Joel 2:15

Huyopa an trompeta sa Bukid nin Sion; paluwasa an pagboot para sa pag-ayuno asin sa pagtiripon!

Levitico 23:7

Sa enot na aldaw magkakaigwa kamo nin banal na pagtiripon asin dai kamo magtrabaho kan dati nindong ginigibo sa aroaldaw.

Juan 7:37

Sa huring aldaw kan pyesta na iyo an pinakamahalagang aldaw, nagtindog si Jesus saka nagtaram nin makosog, “An napapaha dumolok sako asin uminom.

Deuteronomio 16:8

Sa masunod na anom na aldaw, magkakan kamo nin tinapay na mayo nin lebadura. Sa ikapitong aldaw, magtiripon kamo sa pagsamba sa Kagurangnan na saindong Dios. Sa aldaw na iyan dai kamo magtrabaho.