Levitico 23:34 - Marahay na Bareta Biblia

³⁴ “Sabihan mo an banwaan nin Israel na sa laog nin pitong aldaw, magpoon sa ikakinse kan ikapitong bulan na ini, iyo an Pyesta nin mga Harong-harong para sa Kagurangnan.

Levitico 23:34 ပူးပေါင်းရင်းမြစ်များ

1 Mga Hade 12:32

Nagselebrar man si Jeroboam nin sarong pyesta kan ikakinseng aldaw kan ikawalong bulan, siring kan pyesta sa Juda. Sa ibabaw kan altar duman sa Betel, nagdolot siya nin mga sakripisyo sa mga bulawan na baka na saiyang ginibo. Ibinugtak niya sa Betel an mga padi na naglilingkod sa mga altar na pagsasambahan na saiyang ginibo.

1 Mga Hade 8:2

Nagtiripon sinda sa atubangan ni Hadeng Solomon kan Pyesta nin mga Harong-harong, kan bulan nin Etanim na iyo an ikapitong bulan.

1 Mga Hade 8:65

Duman sa Templo, si Solomon asin an bilog na banwaan nin Israel nagselebrar kan Pyesta nin mga Harong-harong sa laog nin pitong aldaw. Dakul nin marahay an tawo na nagtiripon duman na hale pa sa harayong Dalan nin Hamat sa amihan sagkod sa pagdolonan nin Egipto sa habagat.

Esdras 3:4

Inotob ninda an Pyesta nin mga Harong-harong sosog sa pagsusundon, asin aroaldaw nagdolot sinda kan sakripisyo na kaipuhan idolot sa aroaldaw;

Nehemias 8:14

Naaraman ninda na an Katogonan, na itinao nin Kagurangnan sa paagi ni Moises, nagboot na an banwaan nin Israel dapat mag-erok sa mga harong-harong sa laog kan Pyesta nin mga Harong-harong.

Exodo 23:16

“Selebraron nindo an Pyesta nin Pag-ani pagpoon kan saindong pag-ani kan mga bunga nin saindong kapagalan, nin saindong tinanom sa oma. “Sa kataposan kan taon selebraron nindo an Pyesta nin mga Harong-harong kun gunoon na nindo asin tiponon an mga bunga kan saindong ubasan, asin kan iba pang mga kahoy.

Exodo 34:22

“Selebraron nindo an Pyesta nin Mga Semana pagpoon kan saindong pag-ani kan enot na bunga nin trigo, asin sa kataposan kan taon, selebraron nindo an Pyesta nin mga Harong-harong.

Ezekiel 45:25

“Para sa Pyesta nin mga Harong-harong, mapoon sa ikakinseng aldaw kan ikapitong bulan, an prinsipe nin Israel madolot man nin parehong mga dolot para sa kasalan, mga tinutong na atang asin mga dolot na pagkakan saka lana nin oliba sa laog kan pitong aldaw nin pyesta.”

Levitico 23:33

Dangan tinaraman nin Kagurangnan si Moises,

Levitico 23:42

An gabos na Israelita maerok sa mga harong-harong sa laog nin pitong aldaw,

Levitico 23:43

tanganing maaraman kan saindong mga kapagarakian na pinaerok ko sa mga harong-harong an banwaan nin Israel kan iluwas ko sinda sa Egipto. Ako an Kagurangnan na saindong Dios.”

Mga Bilang 29:12

Sa ikakinseng aldaw kan ikapitong bulan magtiripon kamo sa pagsamba. Selebraron nindo an pyestang iyan para sa Kagurangnan sa laog nin pitong aldaw asin dai kamo magtrabaho.

Juan 1:14

An Tataramon nagin tawo asin nag-erok sa kaibahan nyato, pano nin biyaya saka katotoohan. Nahiling mi an saiyang kamurawayan, an kamurawayan na itinao saiya kan saiyang Ama bilang bugtong niyang Aki.

Juan 7:2

Harani na an Pyesta kan mga Harong-harong.

Deuteronomio 16:16

“Tolong beses sa taon, matiripon sa atubang nin Kagurangnan an gabos na lalaki sa saindong nasyon duman sa lugar na pagsasambahan: sa Pyesta kan Paskwa, sa Pyesta nin Pag-ani, asin sa Pyesta nin mga Harong-harong. An lambang saro kaipuhan magdara nin regalo

Deuteronomio 31:10

Pinagbotan niya sinda, “Sa kataposan kan lambang ikapitong taon, pag-abot kan taon nin pagpatawad kan gabos na pagkakautang, basahon nindo an katogonan na ini sa makosog na tingog, sa Pyesta nin mga Harong-harong.

Hebreyo 11:13

Sinda gabos nagadan na may pagtubod. Dai ninda inako an ipinanuga nin Dios, alagad natanaw ninda idto sa harayo na ikinaogma ninda. Inako ninda na mga dayuhan sinda asin mga destyero sa kinaban.

Hebreyo 11:9

Huli sa pagtubod, nag-erok siya bilang sarong dayuhan sa daga na ipinanuga saiya nin Dios. Nag-erok siya sa mga tolda arog ki Isaac asin ki Jacob, na nag-ako man kan parehong panuga nin Dios.