Levitico 23:32 - Marahay na Bareta Biblia

³² Kaya magpoon sa pagsolnop kan aldaw sa ikasiyam na aldaw kan bulan, sagkod sa pagsolnop kan aldaw sa ikasampolong aldaw, otobon nindo an Sabbath, asin dai kamo magkakan nin ano man.”

Levitico 23:32 ပူးပေါင်းရင်းမြစ်များ

Nehemias 13:19

Kaya nagboot ako na serahan an mga trangkahan kan syudad sa lambang pagpoon kan Sabbath, kun magbabanggi, asin dai iyan pagbukasan sagkod na dai pa natatapos an Sabbath. Nagbugtak ako sa mga trangkahan nin nagkapira sa sakong mga tawohan tanganing dai nin anoman na ikalaog na mga ititinda sa syudad kun aldaw nin Sabbath.

Salmo 35:13

Alagad kan sinda naghelang, ako nagmondo; nagsakripisyo ako huli sa pag-ayuno; namibi na duko an sakuyang payo,

Salmo 51:17

O Dios, espiritung nagsosolsol an sakong atang; mapakumbaba asin nagsosolsol na puso dai mo isisikwal.

Isaias 57:15

“Ako an halangkaw asin banal na Dios, na nabubuhay sagkod lamang. Nag-eerok ako sa sarong halangkaw saka banal na lugar, alagad nag-eerok man ako sa kaibahan kan mga tawong mapakumbaba saka nagsosolsol, tanganing ibalik sa sainda an saindang pagsarig asin paglaom.

Isaias 61:3

tanganing tawan an mga nagmomondo sa Sion nin kaogmahan saka kagayagayahan embes na kamondoan, nin sarong awit nin pag-omaw embes na sarong panambitan. Makakaagid sinda sa mga kahoy na itinanom mismo nin Kagurangnan. Gigibohon ninda an tama, asin oomawon an Dios huli kan saiyang ginibohan.

Levitico 16:29

An mga minasunod iyo an ootobon nindo sa gabos na panahon. Sa ikasampolong aldaw kan ikapitong bulan, an mga Israelita saka an mga dayuhan na nag-eerok sa kaibahan ninda kaipuhan na mag-ayuno asin dai magtrabaho.

Levitico 16:31

An aldaw na iyan sarong sabbath para sainda; aldaw iyan nin pag-ayuno asin pagpahingalo. An mga pagsusundon na ini kaipuhan na kuyogon sa gabos na panahon.

Levitico 23:31

An pagsusundon na ini minasakop sa gabos nindong kapagarakian saen man sinda mag-erok.

Levitico 23:33

Dangan tinaraman nin Kagurangnan si Moises,

Mateo 5:4

“Paladan an mga nagmomondo, huli ta sinda rarangahon!

1 Corinto 11:31

Kun siyasaton ta nanggad an sadiri nyatong buhay, dai kita huhukoman nin Dios.

Hebreyo 4:11

Kaya magmaigot kitang makalaog sa kapahingaloan na iyan, tanganing mayo nin makaarog kaidtong mga dai nagtubod.

Hebreyo 4:3

Kitang mga nagtutubod makakalaog sa pahingaloan na ipinanuga nin Dios. Siring sa sinabi niya, “Siring na ako nagsumpa sa sakuyang kaanggotan: ‘Dai nanggad sinda makakalaog sa sakong pahingaloan!’” Sinabi niya ini maski tapos na an gibo niya poon pa kan lalangon niya an kinaban.