Levitico 23:14 - Marahay na Bareta Biblia

¹⁴ Dai kamo magkakan kan bago nindong inani, maski hilaw o dinarang o ginibong tinapay, sagkod na dai pa kamo nakadara sa Dios kan mga dolot na iyan. An pagsusundon na ini gigibohon kan saindong kapagarakian sagkod sa mga maabot na panahon.

Levitico 23:14 ပူးပေါင်းရင်းမြစ်များ

Nehemias 9:14

Tinukdoan mo sinda na pakabanalon an saimong mga Sabbath, asin huli kan saimong sorogoon na si Moises itinao mo sainda an saimong katogonan.

Salmo 19:8

Matanos gabos an mga togon nin Kagurangnan, sa puso nagtatao nin kaogmahan. An mga pagboot nin Kagurangnan dalisay, minatao nin liwanag sa isip.

Exodo 27:21

Aldaw-bangging aatamanon ni Aaron asin kan saiyang mga aki an ilawan na ibubugtak sa laog kan Tabernakulo, sa luwas kan kurtina saka sa atubangan kan Kaban nin Tipan. An pagboot na ini ootobon kan mga Israelita asin kan saindang mga kapagarakian sagkod pa man.

Exodo 34:26

“Taon-taon dadarahon nindo sa harong nin Kagurangnan na saindong Dios an pinakamarahay sa mga enot na bunga kan saindong daga. “An ogbon na karnero o kanding, dai nindo paglutoon sa gatas nin saiyang ina.”

Levitico 10:11

Kaipuhan tukdoan mo an gabos na tawo nin Israel kan mga ipinagboboot ko saimo sa paagi ni Moises.”

Levitico 2:14

Kun kamo madara sa Kagurangnan nin dolot na hale sa saindong mga enot na ani kan trigo, an idolot nindo iyo an dinarang o giniling.

Levitico 23:31

An pagsusundon na ini minasakop sa gabos nindong kapagarakian saen man sinda mag-erok.

Levitico 23:41

Taon-taon, gibohon nindo an pyestang ini para sa Kagurangnan sa laog nin pitong aldaw. Saro ining pagsusundon na ootobon kan saindong kapagarakian sagkod lamang.

Levitico 3:17

Sagkod pa man dai nin siisay man sa mga Israelita an pwedeng magkakan kan taba saka dugo; iyan sarong pagboot na kukuyogon kan gabos na Israelita saen man sinda mag-erok.

Deuteronomio 16:12

Kaipuhan kuyogon nindo an mga pagboot na ini; dai nindo paglingawan na kamo nagin mga oripon duman sa Egipto.